23.06.2010 Суд незаконна прыцягнуў Аляксандра Рамановіча да адміністратыўнай адказнасці

Сябра партыі БНФ і актывіст руху “За свабоду” Аляксандр Рамановіч падрыхтаваў скаргу ў Брэсцкі абласны суд на рашэнне суда Пінскага раёна. 16 чэрвеня суд пакараў грамадскага актывіста штрафам у 30 базавых велічынь за “незаконны выраб друкаванай прадукцыі”.

Адміністратыўнае спагнанне ў выглядзе штрафа было накладзена на актывіста паводле ч.2 артыкула 22.9 КаАП Рэспублікі Беларусь. Але суд у дадзеным выпадку прыняў незаконнае рашэнне.

22.06.2010 На скаргу ў Генеральную пракуратуру адказаў той, на каго скардзіліся

Сябра ГА «БАЖ» з Гомеля Юрый Варонежцаў даслаў паўторную скаргу Генеральнаму пракурору Рэспублікі Беларусь Рыгору Васілевічу.

18.06.2010 Камітэт ААН зарэгістраваў чарговае паведамленьне пра парушэньне правоў ў Беларусі

Пад № 1952/2010 зарэгістравана скарга актывіста Руху "За Свабоду" Віталя Сымоніка.

17.06.2010 Скарга Рамашкевіча не задаволеная

17 чэрвеня Гарадзенскі абласны суд разглядаў скаргу былога кандыдата ў дэпутаты Алега Рамашкевіча на адміністратыўны прысуд у выглядзе штрафу. Яго вінавацілі ў наклейваньні агітацыйных перадвыбарчых улётак нібыта ў недазволеным месцы.

15.06.2010 Пра акцыю «Ланцуг неабыякавых людзей» даведаліся ў ААН

Гомельскі праваабаронца Анатоль Паплаўны, прыцягнутыя да адміністратыўнай адказнасці за ўдзел у акцыі «Ланцуг неабыякавых людзей», накіраваў індывідуальную скаргу ў Камітэт ААН па правах чалавека. Праваабаронца просіць устанавіць факт парушэння з боку Беларусі яго правоў на справядлівае судовае разбіральніцтва, выказванне меркавання і правядзенне мірнага сходу.

15.06.2010 Прадпрымальнік Мікалай Чарнавус шукае праўды

15 чэрвеня прадпрымальнік з Баранавічаў Мікалай Чарнавус накіраваў заяву Прэзідэнту Рэспублікі Беларусь Аляксандру Лукашэнку, старшыням Савета Рэспублікі і Палаты прадстаўнікоў. Ад імя баранавіцкіх прадпрымальнікаў ён скардзіцца на незаконныя дзеянні гомельскай мытні. Яшчэ ў 2009 годзе мытнікі незаконна адабралі тавар у прадпрымальніцы Ніны Іванашка.

14.06.2010 Правакацыя супраць праваабаронцы Салаўёва

Праваабаронца Зміцер Салаўёў атрымаў адказ на сваю скаргу з Пракуратуры горада Наваполацка. Праваабаронца заяўляе, што факты, выкладзеныя ў адказе за подпісам Пракурора горада А.Т. Аўсюка, з’яўляюцца правакацыяй.

11.06.2010 Гомель: праваабаронцы б'юць у адну кропку

Сёння, 11 чэрвеня, праваабаронцы Анатоль Паплаўны і Леанід Судаленка накіравалі ў суд Цэнтральнага раёна Гомеля скаргі па факце забароны мясцовымі ўладамі правядзення пікетаў у Міжнародны Дзень абароны дзяцей 1 чэрвеня. Гомельскаму гарвыканкаму ў судзе давядзецца даказаць правамернасць абмежавання права на свабоду правядзення мірных сходаў і свабоду выказвання свайго меркавання.

08.06.2010 Астравецкі актывіст Іван Крук патрабуе пакараць мясцовых чыноўнікаў

Скаргу на дзеянні мясцовых чыноўнікаў, якія ачольвалі Астравецкую выбарчую камісію падчас мясцовых выбараў, актывіст Руху “За Свабоду” Іван Крук накіраваў кіраўніку Гарадзеншчыны і ў пракуратуру вобласці.

28.05.2010 Камітэт па правах чалавека ААН зарэгістраваў скаргі берасцейскіх дэмактывістаў

У Камітэце па правах чалавека ААН зарэгістраваныя паведамленні дэмакратычных актывістаў Берасця - Дзяніса Турчаняка, Ірыны Лаўроўскай, Валеры Фамінскага, Рамана Кісляка. Гэтыя паведамленні тычацца забароны пікетавання ў Берасці ў студзені 2009 г.

27.05.2010 Грамадзянін Бельгіі скардзіцца ў суд на дзеянні беларускай міліцыі

Сёння, 27 траўня, грамадзянін Бельгіі Адрыен Бодуэн накіраваў у суд Маскоўскага раёна Менска скаргу на незаконныя дзеянні супрацоўнікаў раённага РУУСа. 17 траўня Адрыен разам з іншымі быў беспадстаўна затрыманы, калі прыйшоў на прагляд фільму ў памяшканне “Гістарычнай майстэрні” (філіял ММАЦ імя Іаганаса Рау), што па вул. Сухая, 25.

25.05.2010 Грамадскі актывіст спрабуе выкрыць інтэрнэт-паклёпнікаў

Пасля праведзенага ператрусу і канфіскацыі аргтэхнікі ў гомельскага актывіста кампаніі «Гавары праўду» Андрэя Толчына на адным з інтэрнэт-сайтаў, аб паходжанні якога гаворыць яго назва (абрэвіятура дае дзве літары - ГБ), з'явіўся вельмі негатыўны артыкул, дзе гаворыцца, што актывіст атрымлівае грошы за працу ў кампаніі.

18.05.2010 Непаўнагадовую Вікторыю Ладзіс трымалі ў РУУСе 5 гадзін

Па дарозе ў Мінскую гімназію-каледж мастацтваў на заняткі трое цывільных асобаў 14 мая затрымалі непаўнагадовую Вікторыю Ладзіс. Яны паведамілі дзяўчыне, што яна павінна прайсьці разам з імі ў мікраўтобус. На просьбу прадставіцца, адзін з іх паказаў пасведчаньне супрацоўніка міліцыі. У мікрааўтобусе ў дзяўчыны забралі мабільны тэлефон, не дазволіўшы патэлефанаваць нават маці.

17.05.2010 Барысаўскія правабаронцы звярнуліся са скаргай у аблвыканкам

Марына Статкевіч і Алег Мацкевіч накіравалі старшыні Менскага абласнога выканаўчага камітэту скаргу, у якой просяць прызнаць рашэньне Барысаўскага раённага выканаўчага камітэту “Аб вызначэньні месца для правядзеньня масавых мерапрыемстваў” незаконным і абавязаць Барысаўскі раённы выканаўчы камітэт вызначыць месцамі правядзеньня масавых мерапрыемстваў пляцоўкі, якія характарызуюцца масавасьцю наведваньня і публічнасьцю, з мэтай магчымасьці інфармаваньня грамадзянаў аб існуючых праблемах у выпадку правядзеньня масавых мерапрыемстваў.

05.05.2010 Скарга Асамблеі НДА адхіленая

Вярхоўны суд Беларусі абвясьціў рашэньне адносна скаргі Асамблеі недзяржаўных дэмакратычных арганізацыяў Беларусі на адмову Міністэрства юстыцыі зарэгістраваць Асамблею. Суд скаргу не задаволіў.