Навіны на тэму: скаргі
14.03.2011 Суд не задаволіў скаргу БХК
Вярхоўны суд адхіліў скаргу Беларускага Хэльсынскага камітэту да Міністэрства юстыцыі. Праваабаронцы абскарджвалі папярэджаньне Мін'юста, вынесенае на адрас БХК 12 студзеня.
28.02.2011 Рэдакцыя «Барысаўскіх навінаў» працягвае абскарджваць ператрус
Па факце ператрусу ў рэдакцыі "Барысаўскіх навінаў", які адбыўся 10 студзеня гэтага году, у пракуратуру Менскай вобласьці была пададзена скарга.
23.02.2011 Валянцін Стэфановіч патрабуе адказу па сутнасці на сваю скаргу
Праваабаронца працягвае абскарджваць незаконныя дзеянні супрацоўнікаў міліцыі Першамайскага РУУС Менска, якія ўноч з 19 на 20 снежня незаконна затрымалі яго, забраўшы пры гэтым асабістую маёмасць падчас ператрусу. На гэты раз ён звярнуўся ў Пракуратуру Менска, паколькі Пракуратура Першамайскага раёна перанакіравала скаргу начальніку Першамайскага РУУС. То бок, скарга В.Стэфановіча паступіла ў орган, дзеянні якога ён абскарджвае.
23.02.2011 Уладзімір Тоўсцік падаў у суд скаргу на Мінюст
Адвакат Уладзімір Тоўсцік, што абараняў журналістку Ірыну Халіп, падаў скаргу ў суд Маскоўскага раёну Мінска на дзеянні Міністэрства юстыцыі.
23.02.2011 У Магілёве прадстаўнікі апазіцыі скардзяцца ў суд на КДБ
Актывісты Салаўёў і Шамбалова просяць, каб суд адмяніў вынесеныя ім папярэджанні, пастаноўку на прафілактычны ўлік, абавязаў супрацоўнікаў КДБ прынесці ім выбачэнні.
17.02.2011 Пракуратура не дапаможа вярнуць Ладуцькам сканфіскаваныя пад час ператрусу грошы
Пад час ператрусу 14 студзеня ў кватэры, дзе разам з маці і дзедам пражывае каардынатар выбарчага штабу Уладзіміра Някляева Алег Ладуцька, сярод асабістых рэчаў актывіста былі таксама сканфіскаваныя і асабістыя накапленьні сям’і: 9750 долараў, 450 еўра, некалькі соцен чэшскіх крон.
17.02.2011 Прысуд Андрэю Пачобуту абскарджаны ў гарадскі суд
Прысуд журналісту «Газеты выборчай» Андрэю Пачобуту абскарджаны ў Мінскі гарадскі суд, скаргу падаў адвакат Аляксандр Галіеў.
11.02.2011 Пракуратура “дасціпна” выйшла з сітуацыі
“За перыяд з 24 па 29 снежня 2010 г. у кнігу заўвагаў і прапановаў асобамі, якія ўтрымліваліся ў ЦІП, унесена восем падзякаў на адрас адміністрацыі і супрацоўнікаў установы”, - на гэтым акцэнтуецца менская гарадская пракуратура ў адказе жыхару сталіцы Сяргею Пякарчыку. Ён быў затрыманы 19 снежня ў раёне плошчы Незалежнасці і абскарджваў парушэнні сваіх законных правоў і інтарэсаў супрацоўнікамі міліцыі, у тым ліку і падчас адбыцця адміністратыўнага арышту ў ІЧУ і ЦІП на Акрэсціна.
10.02.2011 Зміцер Салаўёў скардзіцца ў пракуратуру на дзеянні супрацоўнікаў КДБ падчас ператрусу
Cтаршыня магілёўскай абласной арганізацыі Партыі БНФ Зміцер Салаўёў накіраваў у абласную пракуратуру скаргу на дзеянні супрацоўнікаў УКДБ па Магілёўскай вобласці, якія 15 студзеня праводзілі ператрус на кватэры грамадскага актывіста.
01.02.2011 Маці Паўла Севярынца збірае факты беззаконня для звароту ў міжнародныя інстанцыі
“Ведаю, канешне, што я павінна сабраць стос дакументаў, усе свае скаргі і адказы на іх, дзеля таго, каб звярнуцца ў міжнародныя інстанцыі. Аднак сядзець проста так – няма сэнсу”, - Таццяна Севярынец мае сур’ёзныя намеры. Маці вязня “амерыканкі” вымушана хадзіць па замкнёнаму колу – абскарджваць то дзеянні супрацоўнікаў СІЗА КДБ, то органаў пракуратуры, каб дамагчыся канкрэтных адказаў на канкрэтныя пытанні.
24.01.2011 Прысуд Гарэцкаму пакінулі ў сіле
Мінскі гарадскі суд адхіліў касацыйную скаргу на рашэнне суда Маскоўскага раёна па справе журналіста Барыса Гарэцкага. Рашэнне было агучана сёння а 15-й гадзіне.
17.01.2011 БХК просіць Вярхоўны суд прызнаць выбары прэзідэнта Беларусі несапраўднымі
Як паведаміў БелаПАН юрыст гэтай рэспубліканскай праваабарончай арганізацыі Гары Паганяйла, дакумент накіраваны ў суд 10 студзеня. Адказ на яго, згодна з законам, павінен быць дадзены на працягу дзесяці дзён.
13.01.2011 Тацяна Севярынец патрабуе прыцягнуць да адказнасьці следчага КГБ і іншых асобаў, вінаватых у парушэньні яе правоў
Маці зьняволенага палітыка Тацяна Севярынец падрыхтавала скаргу на імя Генеральнага пракурора Рэспублікі Беларусь. Яна пратэстуе супраць яе затрыманьня 12 студзеня і незаконнага адняцця асабістага пашпарту.
11.01.2011 Ці будуць пакараныя супрацоўнікі міліцыі?
Мінчанін Сяргей Пякарчык лічыць, што падчас яго затрымання і разгляду справы ў судзе, а таксама падчас адбыцця адміністратыўнага арышту супрацоўнікі міліцыі груба парушалі яго правы і законныя інтарэсы. З гэтай нагоды ён з дапамогай праваабаронцаў падаў скаргу ў пракуратуру горада Мінска. Пра падрабязнасці затрымання, суд і ўмовы ўтрымання падчас адбыцця пакарання – у інтэрв’ю з Сяргеем Пякарчыкам.
10.01.2011 ААН прызнала, што ў Беларусі быў факт катавання непаўналетняга
Камітэт ААН па правах чалавека вызначыў факт парушэння грамадзянскіх правоў непаўналетняга асуджанага гамяльчаніна ў часе разгляду крымінальнай справы.
