Навіны на тэму: скаргі
14.04.2011 Магілёўскі аблсуд не задаволіў скаргу Зміцера Салаўёва
14 красавіка Магілёўскі абласны суд не задаволіў касацыйную скаргу лідэра руху БНФ “Адраджэньне” Зміцера Салаўёва. Зміцер дамагаўся адмены рашэння Ленінскага раённага суда аб адміністратыўным спагнанні ў выглядзе арышту.
12.04.2011 Чарговая скарга праваабаронцы Сяргей Гоўшы - пракурору горада
12 красавіка у Баранавічах Сяргей Гоўша накіраваў пракурору горада скаргу на дзеянні супрацоўнікаў КДБ. Адказ намесніка начальніка УКДБ па Брэсцкай вобласці на папярэднюю скаргу праваабаронцу не задаволіў.
12.04.2011 Прысуд Максіму Анцыповічу пакінуты ў сіле
Магілёўскі абласны суд пад старшынствам суддзі Уладзіміра Навітанюка 12 красавіка разгледзеў касацыйную скаргу Максіма Анцыповіча, які быў пакараны штрафам за ўдзел у неснкцыянаваным пікеце ў Магілёве яшчэ 16 студзеня.
11.04.2011 “Іван ківае на Пятра, а Пётр - на Івана”
Відаць, ніхто не збіраецца вяртаць маёмасць, якую масава пазабіралі ў грамадскіх актывістаў і простых грамадзянаў падчас ператрусаў у межах крымінальнай справы аб масавых беспарадках. Грамадзяне пішуць скаргі ў пракуратуру, пракуратура перанакіроўвае іх у КДБ, а КДБ – ізноў у пракуратуру. Атрымліваецца, як у вядомай прыказцы: ніхто не хоча браць на сябе адказнасць і праваахоўныя органы перакладаюць яе адзін на аднога.
07.04.2011 Валянцін Стэфановіч просіць пракурора Мінска разабрацца са сваімі падначаленымі
Праваабаронца Валянцін Стэфановіч не губляе надзеі прыцягнуць службовых асоб Першамайскага РУУС г. Мінска і раённай пракуратуры да ўстаноўленай законам адказнасці за парушэнне ягоных законных правоў і за парушэнне парадку разгляду зваротаў грамадзян.
05.04.2011 Менгарсуд пакінуў без зменаў прысуд Атрошчанкаву, Новіку і Малчанаву
Сёння, 5 красавіка, у Менскім гарадскім судзе адбыўся касацыйны разгляд скаргі на прысуд абвінавачаным па арт.293 КК РБ (“масавыя беспарадкі”) Аляксандру Атрошчанкаву, Дзмітрыю Новіку і Аляксандру Малчанаву.
04.04.2011 Журналіст Лапцэвіч і актывіст Салаўёў абскарджваюць адміністратыўныя арышты
Старшыня Магілёўскай абласной арганізацыі БНФ “Адраджэньне” Зміцер Салаўёў і журналіст БелаПАН Уладзімір Лапцэвіч абскардзілі ў Магілёўскім абласным судзе пастанову суда Ленінскага раёна аб адміністратыўным спагнанні ў выглядзе адміністратыўнага арышту.
01.04.2011 Раман Кісляк накіраваў скаргу генпракурору
Брэсцкі юрыст-праваабаронца Раман Кісляк просіць генпракурора Рыгора Васілевіча прыцягнуць да адказнасці дзяжурнага Ленінскага РАУС г. Брэста Івана Каліту, які з прымяненнем фізічнай сілы 28 сакавіка спрабаваў узяць адбіткі пальцаў у праваабаронцы.
31.03.2011 Зміцер Салаўёў працягвае дамагацца зняцця з уліку КДБ
Лідэр Магілёўскай абласной арганізацыі БНФ “Адраджэньне” Зміцер Салаўёў падаў касацыйную скаргу на рашэнне суда Ленінскага раёна г.Магілёва па скарзе на дзеянні УКДБ па Магілёўскай вобласці.
29.03.2011 Праваабаронца скардзіцца ў гарадскі суд на КДБ
Сяргей Гоўша просіць суд прызнаць дзеянні ўпаўнаважаных асоб Баранавіцкага гарадскога аддзела УКДБ неправамернымі, парушаючымі яго канстытуцыйнае права на юрыдычную дапамогу. Падчас допыту ў якасці сведкі па падзеях 19 снежня оперупаўнаважаныя Цімафееў В.А. і Галубкоў В.Г. адмовілі праваабаронцу у задавальненні хадайніцтва аб допуску да ўдзелу ў працэсуальным дзеянні ў якасці яго прадстаўніка кваліфікаванага юрыста Пятровіча К. І., чым парушылі арт. 62 Канстытуцыі.
25.03.2011 Прысуд Парфянкову пакінуты без зменаў
25 сакавіка Менскі гарадскі суд не задаволіў касацыйную скаргу асуджанага па справе аб масавых беспарадках Васіля Парфянкова, які пакараны чатырма гадамі пазбаўлення волі ў калоніі строгага рэжыму. Прысуд пакінуты без зменаў.
21.03.2011 Зварот Алеся Бяляцкага Генпракуратура далучыла да матэрыялаў праверкі па скарзе А Міхалевіча
Адказ Генеральнай пракуратуры на зварот праваабаронцы Алеся Бяляцкага наконт фактаў прымяненьня катаваньняў да былога кандыдата ў прэзідэнты Рэспублікі Беларусі Аляксея Міхалевіча выклікаў вялікі грамадскі рэзананс.
16.03.2011 Ваенная пракуратура мусіць праверыць факты катаваньняў ў дачыненьні да Аляксея Міхалевіча
Генеральная пракуратура Беларусі перанакіравала зварот праваабаронцы Алеся Бяляцкага наконт фактаў прымяненьня катаваньняў да былога кандыдата ў прэзідэнты Рэспублікі Беларусі Аляксея Міхалевіча ў Беларускую ваенную пракуратуру. Тым самым орган, які закліканы сачыць за захваньнем законнасьці ў краіне, зьняў з сябе непасрэдную адказнасьць за праверку выкладзеных у скарзе фактаў.
16.03.2011 Валянцін Стэфановіч дамагаецца вяртаньня ўласнай маёмасьці, сканфіскаванай пад час ператрусу
Праваабаронцы Алесь Бяляцкі, Валянцін Стэфановіч і Уладзімір Лабковіч атрымалі адказы за свае скаргі наконт сканфіскаваных пад час ператрусу ўначы 20 сьнежня на кватэры Алеся Бяляцкага асабістых рэчаў, у тым ліку і кампутарнай тэхнікі. Прычым адказы прыйшлі не з пракуратуры Першамайскага раёна Менска, куды звярталіся праваабаронцы, а Першамайскага РУУСа сталіцы, менавіта таго органа, дзеяньні якога і абскарджваліся.
15.03.2011 Мінскі гарадскі суд разгледзіць скаргу Някляева
Як паведаміла жонка палітыка Вольга Някляева Мінскі гарадскі суд будзе разглядаць скаргу на прадаўжэнне тэрміну следства і стрымання пад вартай.