Навіны на тэму: скаргі
26.04.2012 Брэсцкі абласны суд ацэніць законнасць дзеянняў суддзі
Баранавіцкі прадпрымальнік Мікалай Чарнавус атрымаў судовую позву, у якой паведамляецца, што Брэсцкі абласны суд 15 мая разгледзіць яго скаргу на суддзю Баранавіцкага гарадскога суда Т.Ю.Жукаву, якая адмовілася разглядаць ягоную скаргу.
25.04.2012 Сканфіскаваныя падчас вобшуку сцягі папсавалі ў аддзяленні міліцыі
Актывіст “Еўрапейскай Беларусі” Аляксандр Вялітчанка паспрабаваў вярнуць сабе сцягі, улёткі і банеры, сканфіскаваныя ў яго падчас вобшуку. Калі сёння маладзён прыйшоў па сцяг, міліцыянт прапанаваў яму пашукаць у шафе, дзе складаюцца вынятыя падчас вобшукаў рэчы. Там было шмат сцягоў рознага памеру, але ўсе яны былі пашкоджаныя: парэзаныя нажом і аблітыя нейкім рэчывам.
19.04.2012 З Бяляцкага дзяруць тры скуры, пазбаўляючы магчымасці вызвалення
Суд Першамайскага раёна Менска па грамадзянскім іску падаткавай інспекцыі Першамайскага раёна спаганяе з Алеся Бяляцкага больш за 140 мільёнаў пені – за несвоечасовую ўплату сумы запазычанасці. Пры тым, што сплочаная ў студзені сума паводле прысуду ўжо была праіндэксаваная з улікам інфляцыі, пасля чаго павялічылася больш як удвая. Наяўнасць новых матэрыяльных прэтэнзій да праваабаронцы з’яўляецца фармальнай прычынай немагчымасці яго вызвалення.
17.04.2012 Камітэт ААН па правах чалавека зарэгістраваў скаргу гомельскай актывісткі
Грамадская актывістка Зінаіда Шуміліна атрымала з Жэневы паведамленне пра рэгістрацыю яе скаргі на забарону Гомельскім гарвыканкамам серыі пікетаў у падтрымку экс-кандыдатаў у прэзідэнты і членаў іх выбарчых штабоў, паведамляе сайт “Гомельскай Вясны”.
13.04.2012 Журналіст Радыё Рацыя абскарджвае сваё затрыманне
Скаргу журналіста Радыё Рацыя разгледзіць Мінскі гарадскі суд 17 красавіка. Аляксандр Ярашэвіч патрабуе прызнаць незаконным сваё затрыманне на канцэрце руху "Ежа замест бомб" ды адмяніць адміністратыўнае пакаранне.
12.04.2012 Скаргі “невыязнога” Стэфановіча працягваюць адфутбольваць ў Міністэрства абароны
Услед за Генеральнай пракуратурай, якая накіравала скаргу намесніка старшыні Праваабарончага цэнтру “Вясна” Валянціна Стэфановіча на ўнясенне ягонага прозвішча ў базу дадзеных асоб, якім забаронены выезд з краіны, у Міністэрства абароны, гэтак жа зрабіла і Ўпраўленьне унутраных спраў Партызанскага раёна Менска.
11.04.2012 Мікалай Чарнавус падаў скаргу на суддзю
Баранавіцкі прадпрымальнік Мікалай Чарнавус 11 красавіка накіраваў скаргу ў Брэсцкі абласны суд на суддзю Баранавіцкага раённага (гарадскога) суда Жукаву Т.Ю., якая 4 красавіка адмовілася разглядаць скаргу, датычную незаконных “выбараў” Рады кірмашу на Баранавіцкім каапрынку.
11.04.2012 Жыхары Барысаўскага прыгарада атрымліваюць адпіскі наконт будаўніцтва смеццеперапрацоўчага завода (відэа)
На саміх падпісантаў ўжо пачынаецца ціск з боку чыноўнікаў. Так да пенсіянера, які даў свой хатні тэлефон для адказаў з інстанцый, наведалася «дэлегацыя» з Мінаблвыканкама. Абласныя чыноўнікі спрабавалі высветліць, адкуль з'явілася інфармацыя пра будаўніцтва завода, хто прадставіў генплан, хто збіраў подпісы.
10.04.2012 Сяргея Каваленку накіроўваюць на экспертызу ў Навінкі
10-40. Судовая калегія вынесла вызначэньне аб прызначэньні Сяргею Каваленку комплекснай псіхіятрычнай экспертызы ва ўмовах стацыянару (Навінкі). Разгляд касацыйнай скаргі на прысуд Першамайскага суду Віцебска прыпынены да заключэньня псіхіятраў. У судзе было прадстаўленае папярэдняе заключэньне псіхіятраў аб тым, што у Каваленкі маецца псіхічнае растройства, якое выражаецца ў тым ліку і ў адмове ад ежы.
09.04.2012 Суды пацвярджаюць, што адмова ад дактыласкапіі на працоўным месцы – “непадпарадкаванне”
Гарадзенец Руслан Пяцько, якога аштрафавалі нібыта за непадпарадкаванне патрабаванню службовай асобы прайсці дактыласкапічную рэгістрацыю, атрымаў адказ на сваю скаргу ў Гарадзенскі абласны суд.
06.04.2012 Скарга Мікалая Чарнавуса перанакіравана ў Брэсцкі абласны гаспадарчы суд
Баранавіцкі прадпрымальнік Мікалай Чарнавус 5 красавіка атрымаў з гарадскога суда вызначэнне аб адмове ва ўзбуджэнні справы. У суд ён звяртаўся з просьбай адмяніць вынікі “выбараў” Рады кірмашу на Баранавіцкім каапрынку, паколькі новая Рада прадпрымальнікаў была абрана з парушэннем дзеючага заканадаўства.
05.04.2012 Суд перанёс дасудовае паседжанне па скарзе Алега Гулака
4 красавіка з Алегам Гулаком зьвязалася сакратар суду Цэнральнага раёну Менска, дзе павінна разглядацца справа, і паведаміла, што прызначаная на гэтую справу суддзя ня зможа прысутнічаць на паседжаньні 6 красавіка з-за таго, што ёй трэба весьці прыём грамадзянаў.
04.04.2012 Брэст: пракуратура накіравала скаргу наконт забароненага пікета ва ўстанову, якая прыняла такое рашэнне
Сябры брэсцкай суполкі прафсаюза РЭП атрымалі з абласной пракуратуры адказ на сваю скаргу, якая тычацца забароны гарадскімі ўладамі Брэста правядзення пікета салідарнасці ў падтрымку актывістаў ствараемага незалежнага прафсаюза на прадпрыемстве “Граніт” у Мікашэвічах.
03.04.2012 Метамарфозы ў справе “дробнай хуліганкі” Святланы Вяргейчык
За час, што Святлана Вяргейчык дамагаецца пакарання для збіваўшых яе міліцыянтаў, адзін з іх “даслужыўся” да пасады начальніка райаддзела Следчага камітэта і “адфутбольвае” цяпер скаргі пацярпелай. Судовая выканаўца спаганяе з яе штраф – у той час як рашэнне суда не набыло сілы. А ўчастковага непакоіць, якія пытанні жанчына мае да Следчага камітэта.
02.04.2012 Генпракуратура ўхіляецца ад праверкі па скарзе “невыязнога” праваабаронцы
Генеральная пракуратура накіравала скаргу намесьніка Праваабарончага цэнтру “Вясна” Валянціна Стэфановіча, якому быў абмежаваны выезд за межы Беларусі, у Міністэрства абароны. Пра гэта праваабаронца быў праінфармаваны лістом з Генпракуратуры 28 сакавіка.
