Навіны на тэму: скаргі
28.06.2012 Касацыйную скаргу па справе Свярдлова разгледзяць 29 чэрвеня
Разгляд скаргі прызначаны на 15.00 ў ў Мінскім гарадскім судзе. Нагадаем, што журналіста Еўрарадыё Паўла Свярдлова затрымалі ў мінулую пятніцу, каля 10-ай гадзіны раніцы ля пад’езду яго дома.
28.06.2012 Праваахоўнікі зацягваюць праверку аб незаконных затрыманнях падчас канцэрту “Ежа замест бомбаў”
Праваабарончы цэнтр “Вясна” і цэнтр прававой трансфармацыі Lawtrend звярнуліся ў Следчы камітэт і Мінскую пракуратуру, звяртаючы ўвагу дзяржаўных органаў на зацягванне праверкі па факце адвольных масавых затрыманняў у кавярні “Йо-ма-йо”.
27.06.2012 У Камітэце па правах чалавека ААН зарэгістраваная скарга, пададзеная ад імя Алеся Бяляцкага
Са скаргай у Камітэт па правах чалавека ААН ад імя Алеся Бяляцкага, старшыні Праваабарончага цэнтра "Вясна" і Віцэ-Прэзідэнта Міжнароднай Федэрацыі за правы чалавека (FIDH), які адбывае зняволенне ў папраўчай калоніі г. Бабруйска, звярнуліся яго жонка Наталля Пінчук і Антуан Бернар, Генеральны дырэктар Міжнароднай Федэрацыі за правы чалавека (FIDH).
27.06.2012 За суткі незаконнага арышту – 240 тысяч рублёў
Затрыманая летась на маўклівай акцыі пратэсту Юлія Гарачанкова праз суд атрымала кампенсацыю. Яе незаконна асудзілі на пяць сутак арышту ў Цэнтры ізаляцыі правапарушальнікаў ГУУС Мінгарвыканкама на Акрэсціна.
26.06.2012 Вярхоўны суд адмовіў інваліду Марозаву пакараць душыцеляў-міліцыянтаў
Вярхоўны суд разгледзеў скаргу Уладзіміра Марозава на адмову ва ўзбуджэньні крымінальнай справы супраць супрацоўнікаў міліцыі, якія ледзьве не задушылі хворага інваліда 6 ліпеня 2011 года.
26.06.2012 Алена Дубовік просіць суд забараніць эксплуатацыю ЦІП на Акрэсціна
Апроч таго, дзяўчына патрабуе спагнаць з ГУУС Мінгарвыканкама кампенсацыю за маральную шкоду падчас яе знаходжання на Акрэсціна.
22.06.2012 У вывучэнні матэрыялаў крымінальных спраў Следчаму камітэту перашкаджае ... адсутнасць электрычнасці
У ходзе маніторынгу ўмоў утрымання ў турмах і калоніях Беларусі ў ПЦ "Вясна" трапіў цікавы дакумент.
22.06.2012 Год у пошуках праўды
Віктар Малочка, былы падпалкоўнік салігорскай міліцыі, у чэрвені 2011 года двойчы затрымліваўся без тлумачэння прычынаў. Пагадзіцца з незаконнымі затрыманнямі падпалкоўнік у адстаўцы не мог і пачаў барацьбу за свае правы.
18.06.2012 Святлана Вяргейчык настойвае на пераглядзе сваёй скаргі ў Следчым камітэце
Збітая падчас маўклівай акцыі пратэсту летам 2011 года пенсіянерка не задаволена, што скаргу на дзеянне міліцыянта ўзгаднілі з ім самім жа. За той час, што спадарыня Святлана змагаецца за свае правы, міліцыянт Пазняк пайшоў на павышэнне і цяпер займае кіраўнічую пасаду ў Следчым камітэце.
18.06.2012 Лепшая абарона – гэта нападзенне?
Менавіта такую стратэгію абралі праваахоўнікі Маладзечна, з якімі спрабуе судзіцца збітая маладая маці.
18.06.2012 Брэсцкі абласны гаспадарчы суд прапануе Мікалаю Чарнавусу міравое пагадненне
Амаль 7 месяцаў Мікалай Чарнавус імкнецца аспрэчыць вынікі “выбараў” Рады кірмашу на Цэнтральным каапрынку Баранавічаў. На думку Мікалая Чарнавуса, гэтыя выбары былі праведзены з парушэннем дзеючага заканадаўства. Новая Рада кааператыўнага кірмашу была не абранак, а прызначана адміністрацыяй горада і рынка.
15.06.2012 Уладзімір Малей будзе судзіцца з маларыцкімі ўладамі
Юрыст-праваабаронца Уладзімір Малей 15 чэрвеня падаў у суд Маларыцкага раёна скаргу на адмову райвыканкама ў правядзенні пікету “За свабодныя і сумленныя выбары”.
15.06.2012 Суд адмовіў эколягам у пазове супраць гатэлю «Пэкін»
Суд Фрунзенскага раёну Менску адмовіў групе беларускіх эколягаў у судовым пазове супраць замежнага таварыства з абмежаванай адказнасьцю «Гатэль «Пэкін-Менск».
14.06.2012 Чыноўніку закон не пісаны?
“Прымаць вашу скаргу я не буду, усё роўна прышлю вам адпіску”, - так падчас прыёму грамадзянаў адказвае начальнік аддзелу па каардынацыі працы органаў выканаўчай улады Камітэту дзяржаўнага кантролю Гарадзенскай вобласці Іван Кашко.
13.06.2012 Васіль Парфянкоў накіраваў у суд касацыйную скаргу
Актывіст грамадзянскай кампаніі "Гавары праўду" Васіль Парфянкоў накіраваў касацыйную скаргу на свой прысуд у Мінскі гарадскі суд. Як удзельніка падзеяў на плошчы 19 снежня 2010 года яго прысудзілі да 4 гадоў зняволення.
