Навіны на тэму: скаргі
26.08.2012 Камітэт па правах чалавека ААН прызнаў парушэнне правоў баранавіцкіх актывістаў
"Камітэт па правах чалавека, дзейнічаючы ў адпаведнасці з пунктам 4 артыкула 5 Факультатыўнага пратакола да Міжнароднага пакта аб грамадзянскіх і палітычных правах, лічыць, што прадстаўленыя яму факты сведчаць аб парушэнні Беларуссю артыкула 19 і артыкула 21 Пакта", гаворыцца ў Меркаваннях, прынятых Камітэтам ААН па правах чалавека 27 ліпеня 2012 г., у адказ на скаргу дэмакратычных актывістаў з Баранавічаў Сяргея Гоўшы, Віктара Сырыцы і Віктара Мезяка.
25.08.2012 Баранавічы: Рыгор Грык заяўляе пра падман выбаршчыкаў з боку сябраў АВК
"Правяраючыя прасілі людзей распісацца ў лісце, што яны не адмаўляюцца ад свайго подпісу ў маю падтрымку. А цяпер высветлілася, што грамадзяне падпісвалі ліст аб тым, што гэта сам Рыгор Грык паставіў дату і подпіс у падпісным лісце", – патлумачыў Рыгор Грык, якога АВК №6 Баранавіцкай-Усходняйакругі не зарэгістравала кандыдатам у дэпутаты.
25.08.2012 Светлагорск: Ігар Песікаў абскарджвае адмову ў рэгістрацыі
"Камісія палічыла, што ў адрасах выбаршчыкаў, якія жывуць у гарадскім пасёлку Парычы, не хапае слоў “Светлагорскі раён”. Таму ўсе подпісы з Парычаў камісія назвала несапраўднымі. Я з такім рашэннем не згодны. Мы ж не збіралі подпісы ў гарадскім пасёлку Ратамка. Відавочна, што Парычы – гэта Светлагорскі раён, ніякіх іншых Парычаў няма", - кажа Песікаў.
25.08.2012 Баранавічы: хто скардзіцца, а хто не верыць у справядлівасць ЦВК
Прадпрымальнік Дзмітрый Аўгуст і сябра “Справядлівага свету” Аляксандр Галькевіч, якія не прайшлі рэгітрацыю кандыдатамі ў дэпутаты, занялі розныя пазіцыі адносна абскарджання адпаведных рашэнняў акруговых выбарчых камісіяў, аднолькава пры гэтым спасылаючыся на ўласны досвед удзелу ў ранейшых выбарчых кампаніях.
23.08.2012 Незрэгістраваныя кандыдатамі жыхары Віцебшчыны скардзяцца ў ЦВК
Пісьмовую скаргу ў Цэнтарвыбаркам накіравала актывістка кампаніі "Гавары праўду" Лідзія Сагідуліна, якой адмовіла ў рэгістрацыі камісія Полацкай выбарчай акругі №28. Сяргей Парсюкевіч і Уладзімір Правальскі, якіх не зарэгістравала камісія Віцебскай-Кастрычніцкай акругі №20, звярнуліся ў ЦВК асабіста.
23.08.2012 Судовая калегія не задаволіла скаргу Гары Паганяйлы
Праваабаронца абскарджваў рашэнне суда Маскоўскага раёна. Ён прасіў прызнаць незаконнымі дзеянні Мінюста і МУС, якія прывялі да неабгрунтаванага ўключэння яго ў банк дадзеных аб “невыяздных”.
23.08.2012 Брэст: кандыдат скардзіцца на абмежаванасць месцаў для агітацыі
Кандыдат у дэпутаты па Брэсцкай-Цэнтральнай выбарчай акрузе №2 Ігар Маслоўскі накіраваў скаргу ў Брэсцкі аблвыканкам наконт вызначаных у абласным цэнтры месцаў для правядзення масавых мерапрыемстваў падчас агітацыйнай кампаніі.
22.08.2012 Канфіскаваныя рэчы не вярнулі, у разглядзе скаргі адмовілі
У Ашмянах прайшоў суд па разглядзе скаргі грамадскага актывіста і праваабаронца Міколы Уласевіча з Астравеччыны. Скарга была пададзена на неправамерныя дзеянні Ашмянскай рэгіянальнай мытні. Разгляд скаргі быў настолькі фармальным, што заняў усяго 15 хвілінаў.
22.08.2012 Алена Каваленка паскардзілася на турэмшчыкаў у пракуратуру
Алена Каваленка дамагаецца, каб пракуратура праверыла законнасьць дзеяньняў турэмшчыкаў, якія ў ліпені пакаралі яе мужа Сяргея карцарам.
17.08.2012 Дзмітрый Ус зноў абскардзіў прысуд за Плошчу
Экс-кандыдат у прэзідэнты накіраваў на імя старшыні Вярхоўнага суда Валянціна Сукалы наглядную скаргу.
03.08.2012 Справа Мажальскага адпраўлена на дапрацоўку
Сёння ў гарадскім судзе Мінску разглядалася касацыйная скарга на рашэнне, вынесенае судом Першамайскага раёну 18 ліпеня. Суддзя накіравала справу на дапрацоўку ў гэты ж суд, паколькі выявіла працэсуальныя недахопы, якія павінны быць выпраўленыя.
01.08.2012 “Грамадзяне Беларусі пазбаўлены права мець правы”
Да такой высновы прыйшоў праваабаронца з Мазыра Уладзімір Целяпун у выніку сваёй судовай эпапеі. Ужо год як ён абскарджвае адмовы ў правядзенні пікетаў у падтрымку кіраўніка Праваабарончага цэнтра “Вясна” Алеся Бяляцкага і ўсіх палітычных вязняў Беларусі.
01.08.2012 Скаргу Сяргея Каваленкі разгледзяць у ААН
Камітэт па правах чалавека ААН прыняў да разгляду скаргу палітзняволенага Сяргея Каваленкі на яго першы прысуд. 7-га студзеня 2010 года ён узняў нацыянальны бел-чырвона-белы сцяг на навагодняй елцы ў Віцебску.
01.08.2012 Жодзіна: праваабаронцы нагадалі ўладам пра Канстытуцыю й зьвярнуліся ў суд са скаргаю
Праваабаронца Аляксей Лапіцкі 30 ліпеня зарэгістраваў у Жодзінскім гарвыканкаме новую заяву, у якой пастаўлены пытаньні да кіраўніцтва города, якое чарговы раз прадказальна забараніла замоўленае на 4 жніўня пікетаваньне ў падтрымку палітвязняў і пазбаўленага свабоды праваабаронцы Алеся Бяляцкага.
31.07.2012 Мазыр: Уладзімір Целяпун падаў заяву ў міжраённую пракуратуру
Мазырскі праваабаронца Уладзімір Целяпун падаў заяву ў міжраённую пракуратуру Мазырскага раёна з просьбай аб вызначэнні законнасці рашэння райвыканкама № 1202, якім вызначаны месцы для правядзення масавых мерапрыемстваў. Паводле праваабаронцы, гэтае рашэнне не ў поўнай меры адпавядае Закону “Аб масавых мерапрыемствах” і не дае грамадзянам скарыстацца гарантаванымі Канстытуцыяй правамі і свабодамі, мець магчымасць публічна выказаць сваё меркаванне.