Навіны на тэму: скаргі
02.12.2013 Андрусь Цянюта: затрыманы, бо маладафронтавец
Сустаршыння маладога фронту Андрусь Цянюта накіраваў скаргу да начальніка Савецкага РАУС Гомеля. У скарзе сказана, што Андрусь Цянюта 16 лістапада 2013 года быў затрыманы супрацоўнікамі міліцыі, якія даставілі яго ў аддзяленне міліцыі і праз дзве гадзіны адпусцілі без прад’яўлення якіх-небудзь абвінавачванняў. 27 лістапада Андрусь атрымаў ліст аб накіраванні копіі пратаколу аб адміністрацыйным правапарушэнні.
29.11.2013 Касацыйную скаргу Уладзіміра Лабковіча пакінулі без задавальнення
Касацыйная скарга сябра Рады ПЦ “Вясна” Уладзіміра Лабковіча на пастанову суду, згодна з якой праваабаронца быў пакараны штрафам у памеры 3 мільёны 900 тысяч рублёў, разгледжаная ў Менскім гарадскім судзе 19 лістапада.
27.11.2013 СК просяць распачаць крымінальную справу за катаванні хлоркай у магілёўскай калоніі
За ўжыванне гэтага «класічнага» сродку катавання жонка зняволенага магілёўскай ПК-15 Пятра Кучуры, які да ўсяго мае інваліднасць, дамагаецца крымінальнага пакарання для адміністрацыі і персаналу папраўчай установы.
27.11.2013 Прадпрымальніка з Менска Вячаслава Піліпука суд апраўдаў па адным з адміністрацыйных пратаколаў
Пры новым разглядзе адміністрацыйнай справы Вячаслава Піліпука ў судзе Першамайскага раёна 26 лістапада, сталічны прадпрымальнік быў часткова апраўданы.
26.11.2013 Зінаіда Цімошак скардзіцца на дзеянні міліцыі
Супраць арганізатаркі прагляду фільма пра Слуцкі збройны чын быў складзены адміністрацыйны пратакол за арганізацыю несанкцыянаванага мерапрыемства. Актывістка збіраецца падаваць у суд на дзеянні міліцыянтаў.
22.11.2013 У судзе па справе аб забароне ў Жодзіне мірнага сходу адбыліся спрэчкі бакоў
Чарговае судовае паседжанне па справе аб забароне ў Жодзіне публічнай акцыі ў падтрымку Алеся Бяляцкага ды іншых палітвязняў Беларусі прайшло 21 лістапада ў будынку Жодзінскага гарадскога суда пад старшынствам суддзі Івана Грынкевіча. Бакі выступілі ў спрэчках.
20.11.2013 Максім Вінярскі: “Калі на судзе ілжэсведчылі мы, а не супрацоўнікі міліцыі, то няхай нас і пакараюць“
Актывісты "Еўрапейскай Беларусі" Максім Вінярскі і Леанід Кулакоў, якія выступалі 4 лістапада сведкамі на адміністратыўным працэсе па справе гамяльчаніна Юрыя Рубцова звярнуліся ў суд з адмысловымі заявамі, у якіх просяць пакараць за ілжэсведчанне альбо супрацоўнікаў міліцыі, альбо саміх актывістаў.
19.11.2013 Абласны суд задаволіў скаргу сябраў СПБ
Магілёўскі абласны суд задаволіў касацыйную скаргу сябраў пярвічкі Свабоднага прафсаюза беларускага на заводзе ТДіА (трактарных дэталяў і агрэгатаў).
19.11.2013 Бярозаўскія праваабаронцы і грамадскія актывісты раяцца з райвыканкамам
Бярозаўскі райвыканкам па просьбе праваабаронцаў не пагадзіўся мяняць сваё рашэнне ад 9 лютага 2010 года “Аб парадку правядзення масавых мерапрыемстваў у Бярозаўскім раёне”, узгадняючы яго з больш познімі Пастановамі Саўміна для таго, каб можна было заключаць дамовы з міліцыяй і бальніцай.
15.11.2013 Віцебскі абласны суд задаволіў скаргу актывістаў. Але – толькі часткова
Хрыстафор Жаляпаў і Аляксей Гаўруцікаў абскарджвалі пастанову Першамайскага райсуду, куды звярнуліся пасля атрымання чарговай забароны на правядзенне пікета. Як і раённы суд, калегія Віцебскага абласнога суду прызнала забарону законнай, але накіравала на перагляд справу ў той частцы, якая тычылася адмоваў ад супрацоўніцтва з актывістамі з боку міліцыі і цэнтральнай гарадской паліклінікі.
13.11.2013 Пытанне пра забарону сайта “Вясны” Валянцін Стэфановіч ставіць перад Мінсувязі і інфарматызацыі
13 лістапада намеснік старшыні ПЦ “Вясна” Валянцін Стэфановіч накіраваў скаргу ў Міністэрства сувязі і інфарматызацыі. Ён дамагаецца рассакрэчвання органа, паводле рашэння якога сайт арганізацыі патрапіў пад забарону.
12.11.2013 Камітэт ААН прызнаў парушэнне правоў гомельскага апазіцыянера Уладзіміра Сякеркі
Камітэт па правах чалавека ААН прызнаў, што беларускія ўлады парушылі правы старшыні Гомельскай абласной арганізацыі Беларускай партыі левых “Справядлівы cвет” Уладзіміра Сякеркі на правядзенне мірнага сходу, забараніўшы ў снежні 2007 года правесці ў Гомелі мітынг у знак нязгоды з адменай льготаў усяму насельніцтву краіны.
12.11.2013 Экспертыза забароненай кнігі Бяляцкага адмененая Дзяржаўным мытным камітэтам... да новай экспертызы
Дзяржаўны мытны камітэт даручыў Ашмянскай мытні арганізаваць паўторную экспертызу кнігі Алеся Бяляцкага “Асьвечаныя Беларушчынай”, аднак пацвердзіў правамернасць дзеянняў мытнікаў і правільнасць іх рашэння адносна сканфіскаваных у праваабаронцы Таццяны Рэвяка асобнікаў кнігі.
12.11.2013 Адміністратыўная права Яўгена Контуша канчаткова спыненая за надаказанасцю віны
Справа актывіста нацыянал-бальшавіцкага руху Яўгена Контуша канчаткова спыненая за надаказанасцю ягонай віны.
12.11.2013 Прысуд Уладзіміру Яроменка пакінуты ў сіле
Прысуд Першамайскага суду Уладзіміру Яроменка пакінуты ў сіле. Роўна сем хвілін спратрэбілася калегіі суддзяў, каб разгледзець касацыйную скаргу і абвясціць перапынак для вынясення рашэння.
