Навіны на тэму: скаргі
28.07.2014 Прызначана дадатковая праверка па справе аб катаваннях Пятра Кучуры
Пракурор горада Магілёва, разгледзеўшы скаргу жонкі асуджанага на адмову ва ўзбуджэнні крымінальнай справы супраць супрацоўнікаў ПК-15, адмяніў дадзеную пастанову Магілёўскага міжраённага аддзела Следчага камітэта.
18.07.2014 Людміла Кучура не здаецца ў супрацьстаянні з органамі следства
Пасля праверкі, якой доўга дамагалася жонка асуджанага Пятра Кучуры, Магілёўскі міжраённы аддзел СК адмовіў ва ўзбуджэнні крымінальнай справы па факце неправамерных дзеянняў адміністрацыі ПК-15 г.Магілёва. Людміла Кучура абскардзіла гэтае рашэнне гарадскому пракурору.
15.07.2014 Аляксандра Грунова ў камеры смяротнікаў наведаў адвакат
Са словаў адваката, Аляксандр Груноў мяркуе скарыстаць апошнюю магчымасць дзеля змены прысуду - накіраваць яшчэ адну наглядную скаргу на імя старшыні Вярхоўнага Суду. У камеры смяротнікаў яго рэгулярна наведвае святар.
14.07.2014 Шакуючыя фотасведчанні злачынства светлагорскіх міліцыянтаў
Дагэтуль ПЦ “Вясна” не публікаваў фотаздымкі, якія прадаставіла маці памерлага ў ІЧУ Светлагорскага РАУС Аляксандра Акуліча. Суд канчаткова адмовіў ва ўзбуджэнні крымінальнай справы па факце яго смерці, сцвярджаючы, што шматлікія сляды збіцця на целе памерлага “ў прычыннай сувязі са смерцю не знаходзяцца”.
10.07.2014 Дэградацыя, альбо Што засведчыў судовы працэс у абарону Курапатаў
26-27 чэрвеня адбыўся судовы працэс у абарону Курапатаў. Прадстаўнікі грамадскасці звярнуліся ў суд Цэнтральнага раёна Мінска са скаргай на Генеральную пракуратуру ў сувязі з тым, што СТАА «БелРэстІнвест» пад час будаўніцтва аб’екту «Бульбаш-хол» незаконна ўзвяло ў недатыкальнай ахоўнай зоне Курапатаў з іх заходняга боку шэраг пабудоў.
10.07.2014 Валянціне Акуліч адмоўлена ў задавальненні нагляднай скаргі па справе аб смерці сына ў Светлагорскім ІЧУ
Старшыня Гомельскага абласнога суда Сяргей Шаўцоў адмовіў у задавальненні нагляднай скаргі жыхарцы Светлагорска Валянціне Акуліч, якая больш за два гады дамагаецца пакарання для супрацоўнікаў міліцыі, датычных да смерці яе сына. Але праваабаронцы лічаць, што кропку ў гэтай справе ставіць рана і маюць намер накіраваць скаргу ў Камітэт па правах чалавека ААН.
08.07.2014 Міліцыя не прызнае галадоўку актывіста і адмаўляецца вярнуць майку
Начальнік сталічнага Цэнтра ізаляцыі правапарушальнікаў (ЦІП), падпалкоўнік міліцыі І. Сакалоўскі адмовіўся прызнаць 25-сутачную галадоўку актывіста з Гомеля Юрыя Рубцова, выставіўшы рахунак за харчаванне ў памеры 1,650 тысяч рублёў.
26.06.2014 Гродзенскі абласны суд вырашыў, што журналіста Залеўскага аштрафавалі законна
Суддзя Гродзенскага абласнога суда Віктар Кавальчук адхіліў касацыйную скаргу незалежнага журналіста, пакінуўшы папярэдняе рашэнне суда без зменаў.
26.06.2014 Справа аб расследаванні катаванняў у дачыненні да Пятра Кучуры ў ПК-15 зрушылася з мёртвай кропкі
Напэўна, скарга ў КПЧ ААН па факце атручвання Пятра Кучуры ў ПК-15 хлоркавай вапнай, якая магла быць прыменена наўмысна як сродак катавання, прымусіла следчыя органы заварушыцца. Амаль праз дзевяць месяцаў з моманту здзекаў з асуджанага, нарэшце, прызначана праверка.
18.06.2014 Камітэт ААН па правах чалавека прыняў да разгляду скаргу Віктара Сазонава
Камітэт ААН па правах чалавека прыняў да разгляду скаргу гарадзенца Віктара Сазонава. Падставай да звароту ў Камітэт стала адміністрацыйная справа, паводле якой летась праваабаронцы “Вясны” ды Беларускага Хельсінкскага камітэту Уладзімір Хільмановіч, Віктар Сазонаў ды Раман Юргель атрымалі буйныя штрафы. Толькі за тое, што сфатаграфаваліся з партрэтам зняволенага праваабаронцы Алеся Бяляцкага.
12.06.2014 Скаргі Генадзя Лойкі на дыскрымінацыйныя рашэнні суда Цэнтральнага раёна Менска не задаволеныя
Калегія Менскага гарадскога суда не знайшла працэдурных парушэнняў пад час вынясення рашэння судом Цэнтральнага раёна Мінска па справе Генадзя Лойкі.
10.06.2014 26 чэрвеня распачнецца судовы працэс у абарону Курапатаў
26 чэрвеня а 15.00 у судзе Цэнтральнага раёна Мінска суддзя Іван Майсейчык распачне разгляд грамадзянскай справы супраць Генеральнай пракуратуры ў абарону Курапатаў.
05.06.2014 Разгляд скаргі Генадзя Лойкі перанесены Менгарсудом на нявызначаны тэрмін, шукаюць перакладчыка
Разгляд касацыйных скаргаў на рашэнні суда Цэнтральнага раёна Менска па скарзе Генадзя Лойкі на дзеянні "Белінвестбанка" і КДБ, перанесены калегіяй па грамадзянскіх справах Менскага гарадскога суда на нявызначаны тэрмін.
04.06.2014 Абласны суд не падтрымаў скаргу Алега Жалнова
3 чэрвеня ў Магілёўскім абласным судзе адбыўся судовы разгляд скаргі Алега Жалнова на рашэнне суду Бабруйскага раёна і г. Бабруйска ад 14 траўня, якім Жалноў быў аштрафаваны на 50 базавых велічынь (7500000 рублёў).
03.06.2014 Жыхар Астраўца Іван Крук патрабуе пакараць начальніка РАУСа
Жыхар Астраўца Іван Крук звярнуўся ў пракуратуру Астравецкага раёна з патрабаваннем прыцягнуць да адміністратыўнай адказнасці начальніка мясцовага РАУС Уладзіміра Квача.
