Навіны на тэму: скаргі
23.04.2019 Вярхоўны суд разгледзеў першую справу за карыкатуры
Актывіст Мікалай Дзядок абскардзіў у Вярхоўны Суд штраф у памеры 10 базавых велічыняў па ч.1 ст.17.10 КаАП за размешчаныя публікацыі ў Facebook, якія суд палічыў за малюнкі, якія дэманструюць нацысцкую сімволіку і атрыбутыку.
12.04.2019 Павал Левінаў пазбавіў прэміі віцебскага суддзю Белавуса?
Праваабаронца Павел Левінаў прасіў Вярхоўны суд разгледзець пытанне аб прафесійнай прыдатнасці віцебскага суддзі Іллі Белавуса (суд Кастрычніцкага раёну), які нарабіў шмат памылак і хібаў у адной з пастановаў па адміністрацыйнай справе.
08.04.2019 Дашкевіч — суду: “Я не заклікаў у “Курапаты”, я выказваў сваё меркаванне”
Актывіст Зміцер Дашкевіч абскардзіў пастанову суда Цэнтральнага раёна г. Мінска, якой яго прыцягнулі да адміністрацыйнай адказнасці за прамову на Дзень Волі ў Кіеўскім скверы.
03.04.2019 Ці прыцягне пракуратура да адказнасці вінаватых у затрыманні палітыка на Дзень Волі?
Віталь Рымашэўскі просіць пракуратуру Цэнтральнага раёна г. Мінска прыцягнуць да адказнасці вінаватых за яго затрыманне на Дзень Волі.
02.04.2019 Праваабаронца ідзе ва-банк: пададзена скарга на рашэнне суддзі Шурына
Брэсцкі абласны суд прызначыў на 3 красавіка разгляд скаргі праваабаронцы “Вясны” Уладзіміра Вялічкіна на пастанову аб прыцягненні яго да адміністрацыйнай адказнасці ў выглядзе штрафу ў памеры 15 базавых велічынь
01.04.2019 Андрэй Павук заявіў пракурору вобласці пра самавольства мясцовых сышчыкаў
Блогер з райцэнтра Акцябрскі Андрэй Павук абскардзіў 30 сакавіка пракурору вобласці сваё затрыманне па падазрэнні ў ілжывым мініраванні мясцовага райвыканкама.
19.03.2019 Мікалай Дзядок: "Калі спусціць ім гэта, то хутка і грошы пачнуць адбіраць у нахабную"
Праз амаль восем месяцаў з дня налёту на нефармальную сустрэчу анархістаў пад Крупкамі Мікалаю Дзядку вярнулі канфіскаваныя нажы.
18.03.2019 Затрыманая на Дзень Волі назіральніца дамагаецца пакарання для міліцыянтаў за жорсткае абыходжанне
Валанцёрка-назіральніца ад РПГА "Беларускі Хельсінкскі камітэт" Таццяна Мастыкіна працягвае дамагацца прыцягнення да адказнасці супрацоўнікаў Савецкага РУУС, якія падвергнулі яе жорсткаму абыходжанню.
12.03.2019 “Дармаед” паскардзіўся ў Віцебскі гарвыканкам
Віцяблянін Сяргей Палінаў паскардзіўся ў Віцебскі гарвыканкам на тое, што ягоныя дадзеныя патрапілі ў “базу дармаедаў”, піша “Віцебская Вясна”. Ён мяркуе, што гэтым самым улады парушаюць ягонае права на свабоду выбару заняткаў і права не падвяргацца прымусовай працы і дыскрымінацыі.
01.03.2019 Збіты міліцыяй берасцеец звярнуўся ў пракуратуру
Жыхар Брэста Павел Камінскі, гісторыя якога стала вядомая дзякуючы блогеру Сергію Петрухину, паціснуў скаргу пракурору г. Брэста на адмову ва ўзбуджэнні крымінальнай справы ў дачыненні да супрацоўнікаў міліцыі, якія жорстка і беспадстаўна збілі яго яшчэ 3 ліпеня 2016 года.
26.02.2019 "Дзея" паскардзілася ў Вярхоўны суд на адмову ў рэгістрацыі
Праваабаронча-асветнае аб’яднанне „Дзея” накіравала ў Вярхоўны суд скаргу на адмову Міністэрства юстыцыі ў афіцыйнай рэгістрацыі. Заснавальнікі арганізацыі лічаць, што аргументы Мінюста недастатковыя для прыняцця рашэння аб адмове ў рэгістрацыі
25.02.2019 Наталля Стрэльчанка вінаваціць Беларусь ў парушэнні адразу 7 артыкулаў Міжнароднага Пакта
Сябра АГП Наталля Стрэльчанка з Дуброўны Віцебскай вобласці накіравала ў Камітэт ААН па правах чалавека індывідуальнае паведамленне. У сваім звароце яна абвінавачвае Рэспубліку Беларусь у тым, што 25 і 26 сакавіка 2018 г. у дачыненні да яе супрацоўнікамі Дубровенскага РАУС і раённага суда ажыццяўляліся дзеянні, якімі, як яна лічыць, парушана адразу 7 артыкулаў Міжнароднага Пакта аб грамадзянскіх і палітычных правах.
22.02.2019 Генпракуратура другі раз разгледзіць пытанне аб прыцягненні Шуневіча да адказнасці
Савет Міністраў 19 лютага паведаміў праваабаронцу Валянціну Стэфановічу, што яго зварот зноў накіраваны ў Генеральную пракуратуру для разгляду, але ўжо з “рэзалюцыяй Намесніка Прэм’ер-міністра”.
21.02.2019 Гарадзенскі праваабаронца поўны рашучасці дайсці да Вярхоўнага суда
Гарадзенскі праваабаронца Віктар Сазонаў 20-га лютага падаў наглядную скаргу на імя старшыні Гродзенскага абласнога суда.
15.02.2019 Пракуратура не пажадала мірыцца з выйгранай праваабаронцамі справай
Пракурор Мінскай вобласці Алег Лаўрахін апратэставаў у Мінскім абласным судзе рашэнне суда Нясвіжскага раёна, які яшчэ ў жніўні 2018 года абавязаў старшыню агракамбіната “Сноў” аплаціць кампенсацыю ветэрану працы Сырыцы, а таксама вярнуць яму званне Ганаровага працаўніка.
