Навіны на тэму: ЕС-Беларусь
27.01.2011 ПАРЭ прыняла рэзалюцыю па Беларусі
Парлямэнцкая Асамблея Рады Эўропы 27 студзеня прыняла рэзалюцыю па сытуацыі ў Беларусі пасьля прэзыдэнцкіх выбараў:
21.01.2011 Візіт еўрапейскіх амбасадараў ў Беларускі Дом правоў чалавека
20 студзеня 2011 году ў Вільні ў Доме правоў чалавека прайшла сустрэча прадстаўнікоў беларускіх праваабарончых арганізацыяў з амбасадарамі Еўразьвязу ў Беларусі.
20.01.2011 Еўрапарламент абсалютнай большасцю галасоў прыняў рэзалюцыю па Беларусі
На прапанову Яцэка Пратасевіча, у тэксце рэзалюцыі згаданыя імёны чатырох былых кандыдатаў у прэзідэнты, якія па сёння знаходзяцца ў турме КДБ. Таксама Еўрапарламент "асабліва занепакоены станам здароўя Мікалая Статкевіча, які трымае галадоўку больш за 30 дзён".
19.01.2011 Старшыня падкамітэту Еўрапарламенту па правах чалавека асуджае пераслед “Вясны”
Старшыня падкамітэту Еўрапарламенту па правах чалавека Хэйдзі Анэлі Хаўтала апублікавала інтэрнэт-заяву адносна нядаўняга ператрусу на офісе Праваабарончага цэнтру “Вясна”, а таксама на кватэры і лецішчы старшыні арганізацыі Алеся Бяляцкага.
08.01.2011 ЕС запускае механізм увядзення санкцый супраць кіраўніцтва Беларусі
7 студзеня ў Бруселі запушчаны механізм падрыхтоўкі рашэння аб прымяненні Еўрасаюзам санкцый у адносінах да беларускіх уладаў. Пра гэта расейскаму агенцтву "Новости" паведамілі ў апараце аднаго з Пастаянных прадстаўнікоу 27 краінаў Еўразвязу ў Радзе ЭС.
05.01.2011 Амбасадары ЕС просяць аб сустрэчы са зняволенымі кандыдатамі
Амбасадары краін Еўрасаюза просяць беларускія ўлады даць магчымасць сустрэцца з затрыманымі 19 снежня кандыдатамі ў прэзідэнты і іх даверанымі асобамі з мэтай ацаніць стан здароўя зняволеных і атрымаць ад падазраваных па крымінальнай справе інфармацыю пра стаўленне да іх у СІЗА КДБ.
04.01.2011 Нямецка-беларускае таварыства патрабуе ад беларускіх уладаў неадкладна спыніць гвалт і пераслед апазіцыі
Нямецка-беларускае таварыства, арганізатар міжнароднай канферэнцыі “Мінскі форум”, надзвычай заклапочана актуальным развіццём падзей у Беларусі, абурана эскалацыяй гвалту ў Мінску ў вечар падчас выбараў. Таварыства ацэньвае падзеі ўвечары падчас прэзідэнцкіх выбараў у Беларусі як правал у развіцці краіны і ў збліжэнні з Еўрапейскім Звязам.
28.12.2010 Італьянскія праваабаронцы заклікалі Еўрасаюз рашуча асудзіць дзеянні беларускіх уладаў
Італьянская грамадская ініцыятыва “Свабода, законнасць і правы ў Еўропе” (Freedom Legality and Rights in Europe) на чале з Прэзідэнтам Мікеле Курто звярнулася да Прэзідэнта Еўрапейскага Парламента Ежы Бузэка і Еўрапейскага камісара па замежных справах Кэтрын Эштан. FLARE выказвае глыбокую заклапочанасць наконт сітуацыі ў Беларусі пасля выбараў. “Мы просім Вас рашуча асудзіць гэта на ўсіх узроўнях і ўсімі інструментамі, якія ёсць у вашым распараджэнні”, - гаворыцца ў звароце.
28.12.2010 Літоўскі Сейм патрабуе аднаўлення санкцый у дачыненні да Беларусі
23 снежня Сейм Літоўскай Рэспублікі прыняў Рэзалюцыю Аб выбарах Прэзідэнта Рэспублікі Беларусь , што адбыліся 19 снежня 2010 года. Рэзалюцыя ўтрымлівае прапанову да Прэзідэнта і Урада Літоўскай Рэспублікі, Камітэта Сейма па замежных справах разгледзець мэтазгоднасць пытання аб аднаўленні санкцый у дачыненні да Беларусі.
20.12.2010 Старшыня Еўрапарламента выступіў з заявай адносна падзеяў у Менску
Па атрыманні звестак аб тым, што кандыдат ад апазіцыі на пост прэзідэнта Беларусі Уладзімір Някляеў быў збіты на шляху да ўдзелу ў акцыі пратэсту ў Менску, старшыня Еўрапейскага парламента Ежы Бузек выступіў з заявай.
13.12.2010 Зміцер Салаўёў: Польша і палякі могуць шмат зрабіць для Беларусі
Напачатку снежня ў Катавіцах адбыўся Еўрапейскі кангрэс правоў чалавека, арганізаваны бюро дэпутата ў Еўрапарламент - Марка Мігальскага і аб'яднаннем «Праект Сілезія». Кангрэс быў - незвычайны, паколькі сярод запрошаных гасцей былі прадстаўнікі няўрадавых арганізацый з Беларусі і Расіі. Удзел у працы праваабарончага форуму прымаў прадстаўнік праваабарончага цэнтру "Вясна" Зьміцер Салаўёў, які пагадзіўся адказаць на некалькі пытаньняў аб працы Кангрэсу.
22.10.2010 Euobserver: Еўракамісія распрацавала план паляпшэння адносінаў з Беларуссю
Еўрапейская камісія распрацавала праект так званага сумеснага прамежкавага плану (Joint Interim Plan) для Беларусі — 20-старонкавы пералік рэформаў, якія варта ажыццявіць на працягу наступных трох-пяці гадоў. У выпадку згоды Беларусі з рэкамендацыямі план можа быць уведзены пасля выбараў, калі не будзе грубых парушэнняў, такіх як масавыя затрыманні або збіццё людзей.
13.10.2010 Алесь Бяляцкі: Улада паглыбляе палітычны і сацыяльны крызіс, у якім знаходзіцца беларускі народ
Беларусь праігнаравала большую частку рэкамэндацыяў, адрасаваных краіне пры разглядзе універсальнага перыядычнага агляду (УПА), Рады па правах чалавека ААН. Гэта стала вядома з Меркаваньняў і адказаў Рэспублікі Беларусь па вывадах, прынятых для далейшага разгляду кампетэнтнымі органамі ў ходзе УПА 15 траўня 2010. Пра зьмест і прынцыповае значэньне для грамадзянскай супольнасьці краіны гэтых рэкамендацый пойдзе гаворка са старшынёй Правабарончага цэнтру “Вясна” Алесем Бяляцкім.
08.10.2010 У Мінску пакажуць, што «Сьмерць - гэта не правасуддзе»
Сёньня ў Мінску адкрыецца выстаўка "Сьмерць - гэта не правасуддзе», прымеркаваная да Міжнароднага дня барацьбы супраць сьмяротнага пакараньня, які адзначаецца 10 кастрычніка.
23.09.2010 Беларускія праваабаронцы абвясцілі ў Бруселі пра кампанію па назіранні за прэзідэнцкімі выбарамі
З 20 па 22 верасня старшыня ПЦ “Вясна” Алесь Бяляцкі, яго намеснік Валянцін Стэфановіч і старшыня “Беларускага Хельсінкскага Камітэта” Алег Гулак знаходзіліся з візітам у Бруселі, дзе правялі шэраг сустрэчаў з прадстаўнікамі Еўрапейскага Саюза. Адна з асноўных тэмаў, што абмяркоўвалася падчас гэтых сустрэчаў - незалежнае назіранне і кампанія “Праваабаронцы за свабодныя выбары”. Кіраўнікі беларускіх праваабарончых арганізацый спадзяюцца, што гэты візіт дапаможа прадухіліць магчымыя масавыя рэпрэсіі супраць удзельнікаў выбарчай кампаніі і незалежных назіральнікаў.
