Навіны на тэму: ЕС-Беларусь
13.04.2017 Праваабаронцы прадставілі ў ЕС ключавыя рэкамендацыі для вырашэння сітуацыі ў Беларусі
Падчас рабочага візіту ў Брусель нацыянальныя і міжнародныя праваабаронцы правялі сустрэчы ў структурах Еўрапейскага Саюза ў сувязі з падзеямі апошніх месяцаў у Беларусі, заклікаўшы дзяржавы-сябры ЕС да шэрагу рашучых мераў у дачыненні да беларускай дзяржавы дзеля дасягнення прагрэсу ў галіне правоў чалавека ў краіне.
06.04.2017 Еўрапарламент асудзіў рэпрэсіі ў Беларусі
У рэзалюцыі, прынятай 6 красавіка на сесіі ў Страсбургу, Еўрапарламент асудзіў рэпрэсіі ў Беларусі і заклікаў беларускія ўлады паважаць правы і свабоды грамадзян, паведамляе БелаПАН.
03.04.2017 Еўрасаюз абумоўлівае фінансавую дапамогу Беларусі выкананнем правоў чалавека
Рашэнне падаць Беларусі макрафінансавую дапамогу Еўрапейскі саюз будзе разглядаць з улікам сітуацыі з правамі чалавека ў краіне, паведаміў БелаПАН суразмоўца, знаёмы з пазіцыяй Еўрапейскай камісіі ў гэтым пытанні.
29.03.2017 Заява ў сувязі з падзеямі 25 - 26 сакавіка ў Мінску і іншых гарадах Беларусі
Заклікаем ЕС да крокаў, якія маглі б спрыяць рэальнаму і шырокаму дыялогу ўлады з грамадствам. Са свайго боку, мы прапануем Беларускую нацыянальную платформу Форума грамадзянскай супольнасці як адну з магчымых пляцовак для такога дыялогу.
28.03.2017 Заява Прадстаўніцтва ЕС у сувязі са смяротным прысудам Аляксею Міхаленю
Заўважныя крокі з боку Беларусі да забеспячэння ўніверсальных асноўных свабодаў, вяршэнства права і правоў чалавека, у тым ліку ў дачыненні да праблемы смяротнага пакарання, па-ранейшаму будуць ключавым пытаннем пры фармаванні будучай палітыкі ЕС у дачыненні да Беларусі.
28.03.2017 “Грамадзянская салідарнасць” патрабуе рашучых захадаў міжнароднай супольнасці супраць рэпрэсій у Беларусі
Платформа “Грамадзянская салідарнасць” асуджае масавыя арышты і міліцэйскі гвалт у дачыненні да мірных дэманстрантаў і патрабуе моцнай рэакцыі з боку міжнароднай супольнасці.
27.03.2017 Андрэа Рыгоні заклікае да неадкладнага вызвалення затрыманых беларускіх актывістаў
"Масавыя затрыманні — не рашэнне наяўнасці крытыкі і іншадумства, яны толькі аддаляюць краіну ад еўрапейскіх стандартаў павагі свабоды выказвання меркаванняў, сходаў і правоў чалавека”.
26.03.2017 Кіраўнік БДІПЧ АБСЕ асудзіў «непатрэбнае прымяненне сілы» беларускімі ўладамі супраць мірных дэманстрантаў
«Пасля ўчорашніх падзей і апошніх дзён я зноў заклікаю беларускія ўлады ўстрымацца ад выкарыстання любых санкцый або непатрэбных сіл для падаўлення іншадумства і права на свабоду сходаў», - сказаў Лінк.
25.03.2017 ЕС: Прымяненне сілы супраць мірных дэманстрантаў нельга апраўдаць
Заява прэс-сакратара Службы знешняга дзеяння Еўрапейскага саюза па падзеях напярэдадні і падчас сённяшніх акцый “Дзень волі” ў Беларусі.
25.03.2017 МЗС Францыі выказаў заклапочанасць хваляй рэпрэсій у Беларусі
Афіцыйны Парыж заклапочаны “хваляй рэпрэсій” у Беларусі, якая «ўдарыла па лідэрах апазіцыі, актывістах, грамадзянах, журналістах за іх удзел у мірных акцыях», гаворыцца ў апублікаванай 24 сакавіка заяве знешнепалітычнага ведамства Францыі.
18.03.2017 ЕС запатрабаваў ад беларускіх улад неадкладнага вызвалення дэманстрантаў і журналістаў
Неадкладнага вызвалення ўдзельнікаў акцый пратэсту і журналістаў запатрабаваў ад беларускіх улад Еўрапейскі саюз.
17.03.2017 Рэпрэсіі ў Беларусі: каля 200 затрыманых і арыштаваных за два тыдні. Заява FIDH і ПЦ “Вясна”
Праз год пасля таго, як ЕС зняў санкцыі супраць Беларусі, улады краіны вяртаюцца да жорсткіх і гвалтоўных рэпрэсій для падаўлення самых масавых пратэстаў з часоў прэзідэнцкіх выбараў у снежні 2010 года.
14.03.2017 Андрэа Віктарын: Мы спадзяемся, што ў Беларусі не будзе якіх-небудзь гвалтоўных дзеянняў
Прадстаўніцтва Еўрасаюза ў Беларусі працягне сачыць за развіццём сітуацыі ў краіне. Пра гэта 14 сакавіка заявіла кіраўнік прадстаўніцтва ЕС Андрэа Віктарын у адказ на просьбу БелаПАН пракаментаваць масавыя затрыманні грамадзян і журналістаў у Беларусі апошнімі днямі.
14.03.2017 Прадстаўнік МЗС Германіі: У Беларусі не павінна быць адкату назад у плане дэмакратыі і правоў чалавека
"Таму мы вельмі моцна заклапочаныя тымі падзеямі, якія адбываюцца цяпер, — сказаў Рот у інтэрв'ю БелаПАН . — Мы чакаем, што ў краіне будзе такая сітуацыя, каб грамадзяне маглі свабодна і без страху выказваць сваю думку. Мы таксама чакаем неадкладнага вызвалення арыштаваных".
13.03.2017 ЕС заклікае вызваліць усіх затрыманых на акцыях пратэсту ў Беларусі
Еўрасаюз заклікае ўлады Беларусі неадкладна вызваліць усіх затрыманых падчас акцый пратэсту. Пра гэта заявіла БелаПАН прэс-сакратар Еўрапейскай службы знешніх дзеянняў Мая Качыянчыч, каментуючы сітуацыю з затрыманнямі і арыштамі ў краіне.
