Навіны на тэму: выбары-2008
04.08.2008 Менск: Прымусовы збор подпісаў на прадпрыемстве
Супрацоўнікаў НПА "Інтэграл" прымушаюць прыходзіць на працу з пашпартамі і ставіць свае подпісы ў падтрымку намесьніка генеральнага дырэктара прадпрыемства спадара Казлова. "Падчас збору подпісаў па кватэрах пра гэты факт прымусу за адзін толькі вечар я пачуў дзесьці ад 5-6 выбаршчыкаў 97-ай Кастрычніцкай акругі. Пры гэтым людзі кажуць, што іх папярэджваюць пра тое, што падпісвацца за іншых прэтэндэнтаў яны ўжо не маюць права", - паведаміў Сяргей Карповіч, сябра ініцыятыўнай группы Віктара Івашкевіча.
04.08.2008 Акруговая камісія №21 не ведае пра колькасць і межы выбарчых участкаў
У 21- ую выбарчую акругу ўваходзяць тры сельскіх раёны: Віцебскі, Гарадоцкі, Шумілінскі і частка г. Віцебска: г.п. Руба (Чыгуначны раён). Адзінага зацверджанага спісу выбарчых участкаў у 21-ай акрузе няма. Па стане на 19 гадзінаў 1 жніўня ў камісіі былі толькі ў наяўнасці газетныя публікацыі па Віцебскім, Шумілінскім, Чыгуначным раёнах. Тэрмін стварэння ўчасткаў – не пазней за 26 ліпеня. Прайшоў тыдзень, а акруговая камісія №21 не ведае пра колькасць і межы ўчасткаў у Гарадоцкім раёне.
04.08.2008 Віцебск: месцы працы і партыйнасць прэтэндэнтаў у кандыдаты – сакрэт
Сакратар акруговай выбарчай камісіі па Віцебскай сельскай выбарчай акрузе №21 Здольнікава Марына Анатольеўна адмовілася прадставіць журналісту Валерыю Шчукіну звесткі пра месцы працы і партыйнасці прэтэндэнтаў у кандыдаты, ініцыятыўныя групы якіх зарэгістраваныя камісіяй. Назвала толькі імёны, прозвішчы і імёны па бацьку. Прычынай адмовы было названа тое, што дадзеныя звесткі не падлягаюць разгалошванню ў сродках масавай інфармацыі.
04.08.2008 Наваградак: супрацоўнікі КДБ атрымалі загад “адкатаць” адбіткі пальцаў партыйцаў
1 жніўня дахаты да наваградскага актывіста Артура Майсяевіча, які з’яўляецца сябрам ініцыятыўнай групы Юрыя Істоміна па Наваградскай выбарчай акрузе №57, а таксама кіраўніком Наваградскай суполкі АГП завіталі супрацоўнікі КДБ. Яны задалі актывісту толькі адно пытанне: ці сапраўды той належыць да апазіцыйнай партыі АГП. Пасля таго, як атрымалі станоўчы адказ, яны заявілі, што мусяць узяць у зборшчыка подпісаў адбіткі пальцаў. Дзеля чаго трэба “адкатаць” адбіткі пальцаў, супрацоўнікі спецслужбаў не растлумачылі. Яны не звязвалі свае дзеянні з выбухам у Мінску -- проста сказалі, што такі атрымалі загад ад кіраўніцтва.
04.08.2008 Магілёў: Дзяржаўная газета піярыць праўладнага прэтэндэнта
У Магілёўскай абласной газеце “Магілёўская праўда” за №65-66 за 1 жніўня 2008 года з’явіўся артыкул “Иди сам, помоги другим, и дано тебе будет!”. Артыкул – гэта інтэрвью са старшынёй абласнога грамадскага аб’яднання “Беларускі саюз ветэранаў вайны ў Афганістане” Уладзімірам Васіленкам. Трэба адзначыць, што вышэйзгаданы спадар ужо зарэгістраваў сваю ініцыятыўную групу па выбарчай акрузе №84. У артыкуле распавядаецца пра дасягненні арганізацыі за апошнія часы, у тым ліку звяртаецца ўвага на тое, што ветэраны вайны ў Афганістане адстаялі права на ільготны праезд, дамагліся прыняцця абласной праграмы на 2006-2010 гг. па падтрымцы ветэранаў вайны ў Афганістане і г.д.
04.08.2008 Брэсцкая вобласць -- адзіная, дзе зарэгістраваныя ўсе ініцыятыўныя групы
Па выніках рэгістрацыі па Брэстчыне зарэгістравана 49 ініцыятыўных груп па вылучэнні прэтэндэнтаў на кандыдацкія месцы. У тым ліку 34 - у падтрымку беспартыйных і 15 - у падтрымку сябраў партый, з іх 14 - ад кааліцыі АДС. Расклад выглядае так: БНФ - 5 груп, ПКБ - 4, БСДП (Грамада) - 3 і АГП - 2 ініцыятыўныя групы. Зараз ідзе вылучэнне ў сябры участковых каміссій. У Брэсцкай вобласці будзе працаваць 982 такія камісіі.
01.08.2008 Чым бліжэй выбары, тым мацнейшы ўціск
З набліжэннем парламенцкіх выбараў у Беларусі ўзмацняецца ўціск на ўдзельнікаў выбарчай кампаніі і ўвогуле на дэмакратычных актывістаў з боку як праваахоўных органаў, гэтак і фінансавай выведкі ды падаткавых інспекцыяў.
01.08.2008 Чарговы крок – участковыя выбаркамы
У часе сёньняшняе прэсавае канфэрэнцыі, якая адбылася ў сядзібе Беларускага народнага фронту, лідэры Аб’яднаных дэмакратычных сілаў падсумавалі вынікі рэгістрацыі ініцыятыўных груп прэтэндэнтаў з адзінага сьпісу АДС на парлямэнцкія выбары й распавялі пра наступныя крокі апазыцыі ў часе выбарчай гонкі.
01.08.2008 Барысаўскі райвыканкам рыхтуе інфармацыйныя сустрэчы падчас правядзеньня выбарчай кампаніі
У інтэрв'ю карэспандэнту мясцовага радыё (перадача транслявалася 31 ліпеня і 1 жніўня) намесьнік старшыні Барысаўскага райвыканкама Валянціна Шутко паведаміла, што ў бліжэйшы час адбудуцца інфармацыйныя сустрэчы, на якіх супрацоўнікі райвыканкама распавядуць "аб асноўных тэндэнцыях будучага парламента, як ён працуе, для чаго ён нам патрэбны".
01.08.2008 Гомель: Пракуратура абяцае разабрацца з фактамі ціску на членаў ініцыятыўнай групы Канстанціна Жукоўскага
Аб гэтым гаворыцца ў дакуменце Пракуратуры Цэнтральнага раёна г. Гомеля, які 30 ліпеня атрымаў Канстанцін Жукоўскі - прэтэндэнт на дэпутацкі мандат па 38-ай Буда-Кашалёўскай выбарчай акрузе.
01.08.2008 Гомель: Пётр Кузняцоў збіраецца абскардзіць рашэнне ЦВК у Вярхоўным судзе
Скарга Пятра Кузняцова, які двойчы атрымаў адмову ў рэгістрацыі сваёй ініцыятыўнай групы камісіяй Гомельскай-Цэнтральнай выбарчай акругі №33, засталася нездаволенай ЦВК РБ 31 ліпеня.
01.08.2008 Магілёў: Вылучэнцы ад ўлады ідуць адразу па двух і трох выбарчых акругах
Такімі вылучэнцамі зьяўляюцца Свірыдзенка Сяргей Уладзіміравіч (дэпутат Мікалаеўскага сельскага Савету, пенсіянер МУС) і Васільева Вольга Архіпаўна (супрацоўніца БДУ, былая старшыня камісіі па справах непаўнагадовых Адміністрацыі Ленінскага раёну г. Магілёва).
01.08.2008 Гомель: Члены ініцыятыўнай групы Васіля Палякова дапытаныя па справе менскага выбуху
30 і 31 ліпеня ў Савецкі РАУС былі выкліканыя члены ініцыятыўнай групы Васіля Палякова, прэтэдэнта ў кандыдаты па 34-ай выбарчай акрузе. Наталлі Шчукінай і Таццяне Церашковай дахаты тэлефанаваў супрацоўнік міліцыі. Ён, не прадставіўшыся, паведаміў, што жанчынам неабходна з'явіцца ў Савецкі РАУС. Па якім пытанні, не растлумачыў. На сустрэчы старэйшы оперупаўнаважаны Ягор Маслюкоў пытаўся, дзе знаходзіўся "суразмоўца" у ноч з 3 на 4 ліпеня, хто гэта можа пацвердзіць. Пасля прапанаваў здаць аналіз сліны і адбіткі пальцаў. Па выніках гутаркі пратакол не афармляўся.
01.08.2008 Магілёў: зборшчыкаў подпісаў за Ігара Каваленку не пускаюць у інтэрнат
Падчас збору подпісаў за старшыню грамадскага аб’яднання донараў “Кропля жыцця” Ігара Каваленку зборшчыкаў подпісаў не пусцілі ў інтэрнат прадпрыемства “Магатэкс”, якое знаходзіцца ў Магілёве на вуліцы Бялінскага, 48. Як патлумачылі на вахце гэтага інтэрната, існуе адпаведная разнарадка, адпаведна якой збіраць подпісы трэба за іншага прэтэндэнта ў кандыдаты.
01.08.2008 Горкі: Рэгіянальнае СМІ піярыць праўладнага прэтэндэнта ў кандыдаты
У нумары газеты “Ленінскі шлях” за 26 ліпеня 2008 года з’явіўся артыкул прысвечаны выбарчай кампаніі ў Палату Прадстаўнікоў Нацыянальнага Сходу пад назвай “Актыўная фаза кампаніі”. У артыкуле распавядаецца пра каляндарны план кампаніі і асобным абзацам вылучаным тлушчым шрыфтам ідзе гутарка пра сустрэчу праўладнага прэтэндэнта ў дэпутаты Таццяну Асмалоўскую, з працоўным калектывам СПК “Аўсянка”, якая адбылася ў мінулы аўторак. У выніку гэтай сустрэчы працоўны калектыў падтрымаў спадарыню Асмалоўскую і вылучыў яе сваім кандыдатам у дэпутаты Палаты Прадстаўнікоў трэцяга склікання па Горацкай выбарчай акрузе №86.
