Навіны на тэму: свабода асацыяцыяў
06.10.2007 Кватэру светлагорскага актывіста абшукалі на наяўнасьць угнаеньняў
У Светлагорску ўвечары 5 кастрычніка міліцыя правяла вобыск у кватэры Тэльмана Масьлюкова, мясцовага актывіста дэмакратычнага руху. Міліцыянты шукалі ў кніжных шафах каністры з мінеральнымі ўгнаеннямі.
05.10.2007 Чаргінец пра закон аб інфармацыі: Калі будзе трэба, сайт могуць закрыць
2-га кастрычніка адкрылася восеньская сесія парламента, і ўжо сёння на ёй разглядаўся праект Закону “Аб інфармацыі, інфарматызацыі і абароне інфармацыі“. У законапраекце ёсць нормы, накіраваныя непасрэдна на рэгуляванне інфармацыі ў Інтэрнэце. Ці змогуць такім шляхам увесці цэнзуру ў Інтэрнэце і павялічыць кантроль?
05.10.2007 Гомель: ад кампутараў у офісе АГП засталіся толькі маніторы
Пасьля завяршэньня ператрусу, які сёньня правялі ў прыватным доме па вуліцы Палескай ў Гомелі супрацоўнікі КДБ, у абласной і гарадзкой філіях Аб'яднанай грамадзянскай партыі засталіся толькі маніторы ад кампутараў.
05.10.2007 Ператрус у Гомелі ў офісе АГП
У Гомелі супрацоўнікі міліцыі і КДБ пачалі ператрус у прыватным доме, дзе месьціцца офіс гарадзкой арганізацыі Аб'яднанай дэмакратычнай партыі.
04.10.2007 Збой у рабоце сайту “Вясны” ліквідуецца
Па тэхнічных прычынах сайт праваабарончага цэнтру “Вясна” быў заблякаваны з апоўдня 3 кастрычніка да апоўдня 4 кастрычніка. Зараз ідзе яго наладка, таму выбачаемся за магчымыя збоі пад час яго прагляду.
02.10.2007 Вярхоўны суд пакінуў скаргу праваабаронцаў без руху і вызначыў тэрмін дзеля вызначэньня іх паўнамоцтваў
Праваабаронцы Алесь Бяляцкі, Валянцін Стэфановіч і Уладзімір Лабковіч атрымалі лісты з Вярхоўнага суду за подпісам судзьдзі Яхнавец С.К. аб тым, што 26 верасьня скарга на рашэньне Мінюста аб адмове ў дзяржрэгістрацыі Грамадзкага праваабарончага аб'яднаньня "Вясна" разгледжана, аднак да скаргі не прыкладзены дакумент, які вызначае паўнамоцтвы асобаў.
27.09.2007 Улады ня хочуць, каб грамадзтву стала вядомая праўда пра массавыя рэпрэссіі мінулых гадоў
Гомельская абласная суполка Партыі камуністаў Беларуская, абласная арганізацыя АГП і Рада гарадзкой арганізацыі Партыі БНФ атрымалі адказ ад старшыні абласнога Савету дэпутатаў Сіліцкага В.С. на сваю прапанову ўтварыць грамадзкую камісію у сувязі з правядзеньнем раскопак рэшткаў пахаваньня на тэрыторыі Гомельскага раёну. У дакуменце сказана, што паколькі знойдзеныя фрагменты астанкаў перададзеныя ў пракуратуру для правядзеньня судова-медыцынскай экспертызы з наступным узбуджэньнем крымінальнай справы, то няма неабходнасьці стварэньня такой камісіі.
26.09.2007 Упраўленьне юстыцыі заключыла міравое пагадненьне з “Супольнасьцю”
Сёньня ўпраўленьне юстыцыі Менгарвыканкаму пагадзілася з прапанаванымі ўмовамі міравога пагадненьня з гарадзкім грамадзкім аб’яднаньнем “Супольнасьць”.
25.09.2007 Партыі пад пагрозай ліквідацыі
Месяц таму Міністэрства юстыцыі вынесла пісьмовыя папярэджаньні шасьці партыям – Партыі БНФ, Беларускай партыі “Зялёныя”, Беларускай сацыял-дэмакратычнай Грамадзе, а таксама Беларускай сацыяльна-спартовай партыі, Сацыял-дэмакратычнай партыі народнай згоды і Рэспубліканскай партыі. Чыноўнікі выклалі свае прэтэнзіі да іх і прыгразілі прыпыніць дзейнасьць альбо зьліквідаваць у судовым парадку, калі даведзеныя патрабаваньні ня будуць выкананыя.
25.09.2007 26 верасьня працяг судовага паседжаньня ў справе ліквідацыі Менскага гарадзкога грамадзкага аб’яднаньня "Цэнтр Супольнасьць"
25 верасьня ў Менскім гарадзкім судзе пачаўся разгляд іску гарадзкога ўпраўленьня юстыцыі, якое патрабуе прыняць рашэньне аб ліквідацыі неўрадавай дэмакратычнай арганізацыі Менскае гарадзкое аб'яднаньне "Цэнтр Супольнасьць". Працэс вядзе судзьдзя Рымашэўская, "Цэнтр "Супольнасьць " прадстаўляюць юрысты Юры Чавусаў і Вольга Смалянка.
25.09.2007 Першыя матэрыялы па рэгуляваньні дзейнасьці інтэрнэт СМІ будуць падрыхтаваныя ў кастрычніку
Міжведамасная рэспубліканская рабочая група па вывучэнню вопыту краін СНД і Еўропы ў пытанні прававога рэгулявання дзейнасці інтэрнэт СМІ прадставіць першыя матэрыялы да сярэдзіны кастрычніка. Аб гэтым карэспандэнту БЕЛТА паведаміў намеснік міністра інфармацыі Рэспублікі Беларусь Аляксандр Слабадчук.
20.09.2007 Рух «За Свабоду» ніяк не зарэгіструюць
Сёньня Вярхоўны Суд адмовіў пакуль не зарэгістраванаму руху «За Свабоду» ў скарзе на дзеяньні Мінюсту.
20.09.2007 Вярхоўны суд падтрымаў Мінюст, які адмовіў руху “За Свабоду” ў легалізацыі
Вярхоўны суд Беларусі не задаволіў скаргу руху “За Свабоду” на рашэнне Міністэрства юстыцыі. Нагадаем, чыноўнікі адмовілі руху, лідэрам якога з’яўляецца Аляксандр Мілінкевіч, у рэгістрацыі.
18.09.2007 Супрацоўнікі гарвыканкама і міліцыя наведалі ТБШ
Супрацоўнікі Гродзенскага гарвыканкама разам з прадстаўнікамі міліцыі наведалі Таварыства беларускай школы. Мэта візіту засталася незразумелай, бо ні чыноўнікі, ні міліцыянты яе не патлумачылі.
18.09.2007 Гарадзенскі гарвыканкам адмовіў у правядзеньні мясцовага рэфэрэндуму па пытаньнях рэканструкцыі гораду.
Кіраўнікі ініцыятыўнай групы па правядзеньню рэферэндуму аб рэканструкцыі Старога гораду вырашылі зьвярнуцца ва управу юстыцыі аблвыканкаму, дзе было зроблена юрыдычнае заключэньне адносна прадстаўленых дакумэнтаў, каб ведаць канкрэтна: на падставе чаго было адмоўлена ў рэгістрацыі? Пасьля гэтага яны маюць намер зьвярнуцца ў суд, каб абскардзіць адмову, атрыманую ад гарадзкіх уладаў.
