Навіны на тэму: свабода асацыяцыяў
13.05.2009 Уладзімір Лабковіч: Можна прагназаваць, што “Наша Вясна” ізноў не будзе зарэгістраваная
Сябры ГПА “Наша Вясна”, дакументы для рэгістрацыі якога ў чарговы раз пададзеныя ў Міністэрства юстыцыі, паведамляюць, што па месцы іх працы прыходзяць запыты і тэлефанаванні з мінюста. У працадаўцаў цікавяцца ўсялякай інфармацыяй, датычнай жыцця і дзейнасці іх супрацоўнікаў, што сталі заснавальнікамі праваабарончага аб’яднання.
13.05.2009 БТ нацкоўвае бацькоў на дзяцей
Маладафронтаўцы тры тыдні таму паведамлялі “Свабодзе”, што БТ разам з КДБ рыхтуе фільм пра сяброў арганізацыі. Яны лічаць, што ўлады спрабуюць узьдзейнічаць на бацькоў патэнцыйных сяброў моладзевых арганізацый.
12.05.2009 Маладым сацыял-дэмакратам адмовiлi ў рэгістрацыі
Міністэрства юстыцыі Беларусі адмовіла ў рэгістрацыі грамадскаму аб’яднаню “Маладыя сацыял-дэмакраты - Маладая Грамада”.
12.05.2009 Ніна Шыдлоўская: “Такога адчування непрабіўной сцяны ніколі не было”
Арганізатары V З’езду беларусаў свету ўжо амаль страцілі надзею на тое, што яго ўдасца правесці ў Беларусі. Пра гэта карэспандэнту www.Euramost.org расказала кіраўнік аргкамітэту З’езда Ніна Шыдлоўская.
12.05.2009 Міністэрства юстыцыі адмовіла ў дзяржрэгістрацыі Партыі БХД
Міністэрства юстыцыі Беларусі адмовіла ў дзяржаўнай рэгістрацыі Партыі "Беларуская хрысціянская дэмакратыя" (БХД). Рашэнне прынята па выніках вывучэння пададзеных БХД дакументаў, якія, сцвярджае Мінюст, утрымліваюць недакладныя звесткі.
06.05.2009 Асамблея НДА збіраецца ініцыяваць грамадзкія слуханьні па пытаньні права на аб’яднаньне
Асамблея НДА зьвернецца да эўрапейскай супольнасьці з просьбай аб пасярэдніцтве ў арганізацыі грамадзкіх слуханьняў, прысьвечаных праву на аб'яднаньне і неабходным зьменам у заканадаўстве аб НДА, якія заплянаваныя на бягучую восень. Гэтая прапанова будзе выказаная падчас канфэрэнцыі “Усходняе партнэрства: насустрач грамадзянскаму форуму”, што праходзіць 5-6 траўня ў Празе, перад самітам «Усходняга Партнэрства».
06.05.2009 Па справе рэгістрацыі БХД Мін’юст разглядае ананімку
Адзін з сустаршыняў Беларускай хрысціянскай дэмакратыі Павел Севярынец, а таксама адказны сакратар партыі Дзяніс Садоўскі сёння мелі сустрэчу з міністрам юстыцыі Віктарам Галаванавым. Размова ішла пра рэгістрацыю БХД.
30.04.2009 Заява Міжнароднага Фонду па абароне праваабаронцаў Front Line адносна адмовы ў рэгістрацыі праваабарончай аргінізацыі “Наша Вясна”
Front Line занепакоены рашэньнем Вярхоўнага Суда Рэспублікі Беларусь ад 22 красавіка 2009 году пакінуць у сіле папярэднее рашэньне Міністэрства Юстыцыі аб адмове ў рэгістрацыі праваабарончай арганізацыі “Наша вясна”. “Наша вясна” – гэта новая назва праваабарончага цэнтра, раней вядомага як “Вясна”, які быў ліквідаваны Вярхоўным Судом па запатрабаваньні Міністэрства юстыцыі 28 Лістапада 2003 году. Праваабарончы цэнтар “Вясна” – адна з самых актыўных беларускіх праваабарончых арганізацый, якая спецыялізуецца на абароне і прапагандзе палітычных і сацыяльных правоў.
30.04.2009 Асамблея няўрадавых арганізацый будзе судзіцца з Мінюстам
Сябры працоўнай групы па стварэньні Асамблеі няўрадавых дэмакратычных арганізацый (Асамблеі НДА) Сяргей Мацкевіч, Алег Гулак і Алесь Бяляцкі падалі ў Вярхоўны суд Беларусі пазоў на Міністэрства юстыцыі Беларусі. Заяўнікі просяць прызнаць неправамерным рашэньне Мін’юсту аб адмове ў рэгістрацыі Асамблеі НДА.
25.04.2009 Бог любіць троіцу
25 сакавіка адзін з заснавальнікаў Грамадскага праваабарончага аб'яднання "Наша Вясна" юрыст Уладзімір Лабковіч падаў у МІністэрства юстыцыі Рэспублікі Беларусь дакументы на рэгістрацыю. Нягледзячы на працоўны дзень, кабінет аддзелу грамадскіх аб'яднаняў быў зачынены, і дакументы былі аддадзены ў канцэлярыю міністэрства.
24.04.2009 "Наша Вясна" звяртаецца ў Мінюст з нагоды рэгістрацыі ў апошні раз
25 красавіка заснавальнікі ГПА “Наша Вясна” падаюць дакументы для рэгістрацыі аб’яднання ў Міністэрства юстыцыі Рэспублікі Беларусь. Пры гэтым праваабаронцы падкрэсліваюць, што трэцяя спроба звароту да Мінюсту ў выпадку чарговай адмовы ў рэгістрацыі стане апошняй.
24.04.2009 У Інтэрнеце кожны дзень будзе з’яўляцца па адной беларускай казцы
Аўтары новага інтэрнет-праекта “Казкі беларускія” разлічваюць на сотні наведвальнікаў штодня. Яны сцвярджаюць, што нічога падобнага няма не толькі ў Інтэрнеце -- добрых казак на беларускай мове не стае і на паліцах кніжных крамаў.
23.04.2009 Магілёўскі суд адмовіў незалежнаму прафсаюзу
22 красавіка Ленінскі суд Магілёва не задаволіў скаргі прафсаюзу радыёэлектроннай прамысловасьці і іншых галін народнай гаспадаркі на неправамерныя дзеяньні гарвыканкаму. Нагодай для суду сталася адмова выканаўчай улады рэгістраваць гарадзкую арганізацыю прафсаюзу. Чыноўнікі сваю пастанову аргумэнтавалі тым, што ў сьпісе выбарных органаў суполкі няма агульных інтарэсаў паводле роду дзейнасьці іх сяброў.
22.04.2009 "Наша Вясна” ізноў без рэгістрацыі (дапоўнена)
22 красавіка Вярхоўны суд Рэспублікі Беларусь пакінуў без задавальненьня скаргу заснавальнікаў ГПА “Наша Вясна” на рашэньне Міністэрства юстыцыі аб адмове ў рэгістрацыі.
22.04.2009 “Нашай Вясне” адкажуць сёньня
Рашэньне Вярхоўнага Суда па скарзе заснавальнікаў ГПА “Наша Вясна” на адмову ў рэгістрацыі аб’яднання Міністэрствам юстыцыі будзе абвешчанае сёньня ў 17 гадзін.
