Навіны на тэму: свабода асацыяцыяў
14.06.2012 Адміністрацыя “Граніту” ўсебакова ігнаруе незалежную прафсаюзную суполку
Бухгалтэрыя РУВП “Граніт” не робіць адлічэнні на карысць Беларускага незалежнага прафсаюза з заробкаў працоўных, якія з’яўляюцца сябрамі прафсаюза. Такім чынам парушаецца Пастанова Савета міністраў ад 2002 года №1282, згодна з якой такія адлічэнні павінны быць зроблены ў безнаяўным парадку.
14.06.2012 У чарговай "гранітаўскай" справе суд стаў на бок прадпрыемства
Намесніку старшыні “гранітаўскай” суполкі незалежнага прафсаюза Мікалаю Карышаву не ўдалося адстаяць сваё права на працу ў судзе Лунінецкага раёна.
11.06.2012 Сёння і заўтра Магілёўскага Праваабарончага Цэнтру (відэа)
Праваабарончых арганізацыяў ў Беларусі лічаныя адзінкі, да таго ж і легальны статус з іх маюць не ўсе. Адна з афіцыйна зарэгістраваных - "Магілёўскі праваабарончы цэнтр" - 5 чэрвеня правяла справаздачна-выбарчы сход, на якім падсумавала вынікі сваёй дзейнасці. Пра дасягненні, праблемы і будучыню арганізацыі распавядаюць новаабраныя кіраўнікі МПЦ.
08.06.2012 Кіраўніцтва Брэсцкага дзяржаўнага універсітэту працягвае ціск на незалежны прафсаюз
Старшыня Брэсцкай абласной арганізацыі Свабоднага прафсаюзу Беларускага (СПБ) Валянцін Лазарэнкаў атрымаў ад рэктара БрДУ Мечыслава Часноўскага ліст, у якім патрабуецца прадставіць поўны спіс сяброў суполкі СПБ у гэтай навучальнай установе.
06.06.2012 Незалежная суполка “Граніта”: мы – не “пятая калона”
Незалежная суполка “Граніта” не прымае ўдзелу ў палітыцы. Такі зварот у беларускія СМІ накіравалі сябры незалежнай суполкі на прадпрыемстве “Граніт” у Мікашэвічах. Справа ў тым, што дзяржаўныя сродкі масавай інфармацыі прадстаўляюць рабочых незалежнай суполкі як “пятую калону” і амаль агентамі замежных разведак.
06.06.2012 Брэсцкая раённая “Белая Русь” нацэлена на выбары
Сябры арганізацыі ўвойдуць ў выбарчыя камісіі, будуць вылучаць і падтрымліваць сваіх кандыдатаў, у офісах “Белай Русі” будуць арганізаваны грамадскія прыёмныя для сустрэч кандыдатаў з выбаршчыкамі.
05.06.2012 Бабруйск: Чарговае паседжанне па справе прафсаюзнага лідэра адбудзецца 8 чэрвеня
5 чэрвеня ў Бабруйску адбылося судовае паседжанне па справе Міхаіла Кавалькова -- лідэра пярвічкі Свабоднага прафсаюза Беларускага на заводзе ТДіА, які судзіцца за права мець вольны доступ на тэрыторыю прадпрыемства.
05.06.2012 Незалежнага прафсаюза для дырэкцыі “Граніта” не існуе
Суполцы незалежнага прафсаюза на прадпрыемстве “Граніт” у Мікашэвічах дырэкцыя прадпрыемства адмовіла ў выдзяленні памяшкання. Рабочыя па дапамогу ў вырашэнні гэтага пытання звярталіся да дэпутата Палаты прадстаўнікоў Ларысы Вершаловіч, і яна напісала ліст да выканаўцы абавязкаў генеральнага дырэктара «Граніту».
04.06.2012 Бабруйск: Міхаіл Кавалькоў судзіцца з кіраўніцтвам заводу
Лідэр пярвічкі Свабоднага прафсаюза Беларускага заводу трактарных дэталяў і агрэгатаў (ТдіА) Міхаіл Кавалькоў судзіцца за права без перашкодаў выконваць свае абавязкі. "Заўтра, 5 чэрвеня, бабруйская суддзя Тамара Карпоўская заслухае спрэчкі бакоў і павінна вынесці рашэнне па маёй справе".
29.05.2012 Гарадзенскае аддзяленне Партыі БНФ зноў спрабуе зарэгістравацца
Тры гады таму была ўжо спроба зарэгістраваць абласную структуру Партыі БНФ, але яна скончылася няўдачай. Чыноўнікі не зарэгістравалі арганізацыю паводле надуманай бюракратычнай прычыны – шрыфт, якім былі выкананы дакументы, быў 12-га памеру, а не 14-га.
24.05.2012 Скарга грамадскага аб’яднання “За справядлівыя выбары” зарэгістраваная ў ААН
У сярэдзіне мінулага года Міністэрства юстыцыі Беларусі адмовіла заснавальнікам Сяргею Калякіну, Валерыю Ухналёву і Віктару Карняенку ў дзяржаўнай рэгістрацыі грамадскага аб'яднання “За справядлівыя выбары”. Вярхоўны суд пацвердзіў высновы рэгіструючага органа, тым самым паставіўшы сябраў аб'яднання ў нелегальнае становішча.
23.05.2012 Вярхоўны Суд адмовіў у разглядзе скаргі на нерэгістрацыю БХД: наперадзе зварот у ААН
Кіраўніцтва аргкамітэту па стварэнні партыі "Беларуская Хрысціянская Дэмакратыя" атрымала адказ з Вярхоўнага Суду на скаргу на адмову ў разглядзе Вярхоўным судом скаргі на Міністэрства юстыцыі за адмову ў рэгістрацыі БХД. Адказ з ВС – адмоўны.
22.05.2012 Чыноўнік Сумар паставіў актывісту Чарнавусу невыканальныя ўмовы
Грамадскі актывіст Мікалай Чарнавус з Баранавіч ужо два гады абівае парогі кабінетаў розных чыноўнікаў, каб атрымаць у арэнду памяшканне для рэгістрацыі грамадскага аб’яднання баранавіцкіх украінцаў “Кабзар”.
22.05.2012 “Магілёўскі моладзевы цэнтр” ізноў пад увагай падаткавікоў
У лютым гэтага года падаткавікі хацелі зачыніць цэнтр за тое, што ён не вядзе гаспадарчую працу. Гэтым разам грамадскую ўстанову абвінавацілі ў тым, што яе чальцы не падалі дэкларацыю аб прыбытках.
04.05.2012 Асамблея НДА адмяніла кангрэс
Так і не ўдалося аргкамітэту Кангрэсу Асамблеі НДА дамовіцца зь Міжнародным адукацыйным цэнтрам (IBB), які адмовіў у памяшканьні для правядзеньня ў Менску 5-6 траўня Асамблеі няўрадавых арганізацыяў ды ініцыятываў (VII Кангрэс Асамблеі НДА). Арэндадаўца спаслаўся на ўказаньне зь Менскага гарвыканкамe і за два дні да мерапрыемства скасаваў ранейшыя дамоўленасьці.
