Навіны на тэму: свабода асацыяцыяў
26.11.2012 «Міжнародная амністыя»: канфіскацыя офіса «Вясны» з'яўляецца абуральным парушэннем міжнародных абавязацельстваў Беларусі
«Канфіскацыя офіса праваабарончага цэнтра "Вясна " з'яўляецца абуральным парушэннем міжнародных абавязацельстваў Беларусі ў галіне правоў чалавека, у тым ліку права на свабоду асацыяцыяў», - заявіў 26 лістапада намеснік дырэктара праграм праваабарончай арганізацыі "Міжнародная амністыя" для Еўропы і Цэнтральнай Азіі Давід Дыяс-Жаж’е .
26.11.2012 “Граніт” трапіў у спіс нядобранадзейных прадпрыемстваў
За парушэнні правоў сяброў незалежнага прафсаюзу “Граніт” трапіў у спіс нядобранадзейных прадпрыемстваў. Такое рашэнне прыняла Міжнародная арганізацыя працы ў адносінах да прадпрыемства ў Мікашэвічах, дзе сёлета працягваўся ціск з боку адміністрацыі на актывістаў незалежнага прафсаюзнага руху, а некаторыя з іх былі звольненыя.
21.11.2012 Магілёўшчына: у прафсаюзе работнікаў адукацыі і навукі павінна быць 100% працоўных гэтай сферы
“Пуцёўкі, экскурсіі, санаторыі – гэта ўсё добра, але гэта далёка не галоўная мэта прафсаюзу. Прафсаюз мусіць абараняць у першую чаргу працоўныя правы работнікаў, але пра гэтыя факты нічога не сказана. Дзяржаўныя прафсаюзы работнікаў адукацыі і навукі, як і пры савецкай ўладзе, засталіся сацыяльна-бытавымі аддзеламі".
21.11.2012 Актывіст БХД абскарджвае пастаноўку на прафілактычны ўлік у КДБ
У Магілёве актывіст БХД Алег Аксёнаў праз суд абскарджвае пастаноўку на прафілактычны ўлік у КДБ. Адпаведную скаргу ён накіраваў сёння, 21 лістапада, у суд Ленінскага раёна Магілёва. Алег Аксёнаў хоча, каб суд прызнаў ягоную пастаноўку на прафулік незаконнай, а прафілактычную размову з супрацоўнікамі КДБ неабгрунтаванай.
19.11.2012 Валянцін Стэфановіч: “Вясна” ў любым разе будзе працягваць сваю працу
У мінулую суботу стала вядома, што канфіскацыя офісу Праваабарончага цэнтра “Вясна” прызначана на 26 лістапада. Праваабаронцы адзначаюць, што для супрацоўнікаў арганізацыі гэта не стала нечаканасцю і сваю працу яны будуць працягваць у любых абставінах.
19.11.2012 МАП: сітуацыя з правамі прафсаюзаў у Беларусі становіцца катастрафічнай
Камітэт па свабодзе аб’яднанняў Міжнароднай арганізацыі працы (МАП) заявіў пра пагаршэнне сітуацыі з правамі прафсаюзаў у Беларусі. Пра гэта сказана ў дакладзе па выніках пасяджэнняў Адміністрацыйнай рады МАП, якія праходзілі ў Жэневе 1–16 лістапада.
12.11.2012 У Бабруйску офіс дэпутата “Грамадзянскай дамовы” будзе дзейнічаць у прыватнай кватэры
Як адзначае бабруйскі каардынатар кампаніі “Гавары праўду” Алена Мядзведзева, офіс у прыватнай кватэры – вымушаны крок. Яна кажа, што зняць нейкае памшяканне ў горадзе пад грамадскую прыёмную “ад апазіцыянераў” даўно ўжо нерэальна.
11.11.2012 Шклоў: мясцовыя жыхары ігнаруюць грамадскую прыёмную “Белай Русі”
За дзесяць месяцаў 2012 года ў грамадскую прыёмную Шклоўскай раённай арганізацыі РГА “Белая Русь” за дапамогай у вырашэнні разнастайных пытанняў звярнулася толькі сем чалавек.
06.11.2012 Рабочых нацкоўваюць на незалежныя прафсаюзы
Адміністрацыя Бабруйскага завода трактарных дэталяў вінаваціць лідара Свабоднага прафсаюза прадпрыемства ў жаданні пазбавіць людзей права на працу.
29.10.2012 Гомель: антыалкагольная ініцыятыва не можа атрымаць юрыдычны адрас для рэгістрацыі аб'яднання
У Гомелі актывісты ініцыятывы «Хопіць піць – трэба жыць» не могуць атрымаць юрыдычны адрас, каб затым афіцыйна зарэгістраваць грамадскае аб'яднанне. Зміцер Карашкоў лічыць, што дзяржава не зацікаўлена, каб барацьба з п'янствам і алкагалізмам была рэальнай, а не папяровай – праз дырэктывы, указы, якія не прыносяць ніякага плёну.
16.10.2012 Абсерваторыя па абароне праваабаронцаў рэзка асуджае судовае рашэнне па закрыцці “Платформы”
Абсерваторыя па абароне праваабаронцаў, сумесная праграма Міжнароднай Федэрацыі за правы чалавека (FIDH) і Сустветнай арганізацыі супраць катаванняў (OMCT), распаўсюдзіла тэрміновы зварот з рэзкім асуджэннем судовага рашэння па закрыцці “Платформы”, паколькі яно з’яўляецца адвольным і падаецца скіраваным на забарону праваабарончай дзейнасці.
15.10.2012 Бабруйск: прафсаюзнаму лідэру выдалі новы пропуск
Пытанне з пропускам на тэрыторыю завода ТДіА (трактарных дэталяў і агрэгатаў) у чарговы раз вырашылася ў Міхаіла Кавалькова. Нагадаем, што лідэр суполкі Свабоднага прафсаюза беларускага ўжо неаднаразова трапляў у сітуацыі, калі яго пропуск “ламаўся” ці блакаваўся.
10.10.2012 Рух «За свабоду» ня можа знайсьці памяшканьне, каб правесьці зьезд
Гатэлі «Crown Plaza» і «Вікторыя», а таксама менскі Міжнародны адукацыйны цэнтар адмовіліся здаць у арэнду памяшканьне, каб рух «За свабоду» правёў сваю справаздачна-выбарчую канфэрэнцыю.
09.10.2012 «Плятформу» зьліквідавалі
Гаспадарчы суд Менску задаволіў пазоў падатковай інспэкцыі Савецкага раёну Менску і пастанавіў зьліквідаваць «Плятформу».
09.10.2012 9 кастрычніка — працяг суду ў справе ліквідацыі «Плятформы»
Працэс праходзіць у Гаспадарчым судзе Менску. Справу разглядае судзьдзя Алег Клюйко.
