Навіны на тэму: цэнзура
01.09.2010 У Беларусі пачынаюць фільтраваць інтэрнэт
Ад 1 верасьня інтэрнэт-правайдэры абавязаныя запусьціць сыстэмы абмежаваньня доступу да пэўных інтэрнэт-рэсурсаў.
09.07.2010 БАЖ пра знікненне часткі накладу «Нашай Нівы»
Жанна Літвіна, старшыня ГА «БАЖ»: «Пры канцы 2008 года, пасля вяртання ў сістэмы распаўсюду „Нашай Нівы“ і „Народнай волі“, былі спадзевы, што наступным крокам можа стаць зняцце „блакады“ на распаўсюд астатніх недзяржаўных выданняў… Але, на жаль, факт знікнення большай часткі накладу «НН», што мела паступіць у кёскі сістэмы „Саюздрук“, — сумная прыкмета ажыццяўлення цэнзуры ў нашай краіне.
24.06.2010 Атака на сайты. Рэпэтыцыя
Заканадаўчыя акты адносна «ўдасканаленьня» нацыянальнага сэгмэнту сеткі Інтэрнэт у Беларусі пачнуць дзейнічаць толькі праз тыдзень, аднак апрабацыя асобных пунктаў прэзыдэнцкага ўказу і ўрадавай пастановы ўжо пачалася. Пра гэта гавораць прадстаўнікі інтэрнэт-супольнасьці, якія сутыкнуліся са спробамі спаралізаваць іх дзейнасьць звонку. Асабліва гэта стала заўважна падчас палітычных спрэчак паміж кіраўнікамі Беларусі і Расеі ў так званай «газавай вайне».
29.03.2010 Фотавыстава Аляксандра Ждановіча прызнаная крамольнай
Выстава канцэртных фатаграфій Аляксандра Ждановіча (Tarantino) «Адваротны бок зорак», якая адкрылася 10 сакавіка ў фае кінатэатра «Перамога», была датэрмінова згорнутая і змушаная перабрацца ў інтэрнэт.
05.03.2010 Спэцслужбы атрымалі доступ да базаў мабільных апэратараў
Парадак узаемадзеяньня апэратараў электрасувязі зь сілавымі структурамі зацьверджаны ўказам А.Лукашэнкі № 129.
04.03.2010 Спэктакль пра насаджанае “двуязычые” пазбавілі афішаў
Прэм’ерныя паказы спэктакля “Translations” у Купалаўскім тэатры засталіся бяз кідкіх зазыўных афішаў. Днямі менская публіка заўважыла, што ў тэатральных касах зьніклі плякаты з выявай дзяўчыны, у якой рот залеплены стужкай, і з надпісам “Translations” (“Пераклады”).
15.12.2009 Дзяржава вяртаецца да намеру кантраляваць Байнет?
У рэдакцыю газеты «Наша Ніва» трапіў праект указа кіраўніка дзяржавы, які датычыць удасканалення дзейнасці нацыянальнага сегменту Інтэрнета, — паведаміў 14 снежня сайт nn.by.
16.04.2009 Эўрапарлямэнтары супраць цэнзуры ў Інтэрнэце
Ад сёньняшняга дня Эўрапарлямэнт распачаў кампанію супраць цэнзуры ў Інтэрнэце. Як заявіў яе галоўны ініцыятар, эўрадэпутат ад галяндзкай Народнай партыі за свабоду і дэмакратыю (VVD) Жуль Маатэн: “У такіх краінах, як Куба, Беларусь, Іран, Бірма і Кітай, улады хочуць прымусіць апазыцыю маўчаць у Інтэрнэце. Наша мэта — шырокае інфармаваньне адносна спробаў блякаваць онлайн”.
12.03.2009 Сёння – Сусветны дзень супраць цэнзуры ў Інтэрнеце
Другі год запар міжнародная арганізацыя «Рэпарцёры без межаў» ладзіць 12 сакавіка Дзень супраць цэнзуры ў Інтэрнеце, каб прыцягнуць увагу грамадскаці да праблемы свабоднага доступу ў Сеціва ва ўсім свеце.
21.01.2009 Партал TUT.BY узмацніў кантроль за выказваннямі на форумах
Найбуйнейшы беларускі інтэрнет-партал TUT.BY узмацніў кантроль за выказваннямі наведнікаў на форумах.
03.11.2008 Экстрэмісцкую кнігу “Агляд-хроніка парушэньняў правоў чалавека” пакінулі без разгляду
Адна з грамадзянскіх спраў, якія былі ўзбуджаныя на падставе заявы начальніка УКДБ па Гродзенскай вобласці Ігарам Сяргеенкам аб прызнаньні экстрэмісцкімі шэрагу матэрыялаў, перададзеных у КДБ гарадзенскімі мытнікамі “пакінута без разгляду”. Гэта тычыцца «Агляду-хронікі парушэньняў правоў чалавека ў Беларусі ў 2004 годзе», які падрыхтаваў праваабарончы цэнтр "Вясна". Сакратар суда Кастрычніцкага раёна не патлумачыла, па якой прычыне было прынятае такое рашэньне.
15.10.2008 Кроў: «Сьпісы забароненых проста зьмянілі колер»
Рэпэр Кроў з ЧпБ сьведчыць: «чорныя» сьпісы нікуды ня зьніклі. Проста яны …зьмянілі свой колер. «Чорных сьпісаў ужо няма! …Ёсьць карычневыя. Відаць толькі абраных, якія адракліся і пакаяліся, выдалілі з чорнага сьпісу», — такую выснову зрабіў выканаўца пасьля таго, як даслаў свае запісы на адну зь беларускіх радыёстанцыяў.
09.10.2008 Улады памнажаюць сьпісы “экстрэмісцкага” мастацтва
Дзякуючы пільнасьці беларускіх уладаў імкліва пашыраецца сьпіс “экстрэмісцкай”, а значыць — забароненай кіна- і відэапрадукцыі. Мы ўжо паведамлялі, што ў газэце “Звязда” надрукаваны пералік твораў, якія апошнім часам выклікалі падазрэньне дзяржаўных экспэртаў: дакумэнтальны фільм “Урок беларускай мовы” польскага рэжысэра Міраслава Дэмбінскага, відэазапіс канцэрту ў Варшаве “Салідарныя зь Беларусьсю” і нават дыскі з фотаздымкамі падзеяў у Менску ў дзень прэзыдэнцкіх выбараў 2006 году. Матэрыялы былі сканфіскаваныя ў магілёўскага журналіста Аляксандра Буракова, і рашэньнем суду Кастрычніцкага раёну Горадні іхні зьмест прызнаны “экстрэмісцкім”.
03.10.2008 «Урок беларускае мовы» прызнаны экстрэмізмам
У газэце «Звязда» ад 2 кастрычніка зьмешчаны рэспубліканскі сьпіс экстрэмісцкіх матэрыялаў. Паводле рашэньня суду Кастрычніцкага раёну Горадні ў гэты сьпіс трапілі фільм «Урок беларускай мовы» Міраслава Дэмбіньскага, а таксама запіс канцэрту «Салідарныя зь Беларусьсю», які праходзіў у Варшаве 12 сакавіка 2006 году.
01.10.2008 Для Мінкульту «Тутэйшыя» — праява шавінізму
Упраўленне рэгістрацыі і класіфікацыі кіна- і відэапрадукцыі пры Міністэрстве культуры адмовіла ў рэгістрацыі тэлеспектаклю «Тутэйшыя», знятага на замову тэлеканалу «Белсат».
