Навіны на тэму: акцыі
10.12.2016 Берасце: інфармацыйная акцыя да Дня правоў чалавека
Праваабаронцы «Берасцейскай Вясны» адзначылі 68-ю гадавіну прыняцця Ўсеагульнай дэкларацыі правоў чалавека рознымі мерапрыемствамі: правялі круглы стол, прысвечаны апошнім судовым працэсам за ўдзел у несанкцыянаваных масавых акцыях і праву на мірны сход, а таксама раздалі некалькі сотняў спецвыпуску газеты «Народная Воля».
08.12.2016 Эколагі пададуць заявы ў міліцыю на дзеянні «Зелянбуду»
7 снежня ў Катоўскім парку Мінска адбылася сутычка паміж супрацоўнікамі «Зелянбуду» і «Рэмаўтадару» з аднаго боку, і экалагічнымі актывістамі і мясцовымі жыхарамі з другога.
28.11.2016 Справаздача па маніторынгу масавага мерапрыемства «Ушанаванне памяці ўдзельнікаў Слуцкага паўстання 1920 года»
26 лістапада 2016 года ў г. Слуцку адбылася акцыя, прымеркаваная да 96-ай гадавіны Слуцкага збройнага чыну.
28.11.2016 Васіля Клімовіча пакаралі штрафам "за ўдзел" у Дні памяці паўстанцаў, на якім яго не было
Мастоўскага грамадскага актывіста Васіля Клімовіча суд Мастоўскага раёну пакараў штрафам у памеры 9 базавых велічынь за нібыта "удзел у несанкцыянаваным мерапрыемстве".
25.11.2016 Справаздача па маніторынгу масавага мерапрыемства “20-я гадавіна антыканстытуцыйнага перавароту”
24 лістапада 2016 г. на плошчы Свабоды горада Мінска адбылася акцыя, прымеркаваная да 20-й гадавіны антыканстытуцыйнага перавароту.
25.11.2016 Ушанаванне памяці паўстанцаў Каліноўскага: штогод - пратаколы і штрафы
Традыцыя ўшанавання памяці паўстанцаў Кастуся Каліноўскага ў Свіслачы і Якушоўцы закладзеная больш за дзесяць гадоў таму. Ніводная акцыя за гэты час не прайшла без складання пратаколаў на яе ўдзельнікаў, тых, хто шануе сваю гісторыю і ганарыцца сапраўднымі героямі Беларусі.
24.11.2016 Актывіста пераследуюць за ўдзел у свіслацкай акцыі, на якой яго не было
Супрацоўнікі міліцыі Лідскага РАУС завіталі да актывіста на падворак пасля 9-й гадзіны вечара і прапанавалі яму даць тлумачэнні па факце ўдзелу ў масавых мерапрыемствах у Свіслачы. На што ён адмовіўся ўпускаць іх у дом і даваць якія-небудзь тлумачэнні.
18.11.2016 Грамадскі актывіст Юры Глебік аштрафаваны на 40 базавых велічынь
18 лістапада ў Свіслачы адбыўся першы працэс па адміністрацыйнай справе за ўдзел у Дні памяці паўстанцаў 1863 году, які прайшоў 30 кастрычніка ў Свіслачы і Якушоўцы.
17.11.2016 Свіслацкая міліцыя выклікае барда Зьміцера Захарэвіча
Свіслацкая міліцыя выклікае барда Зьміцера Захарэвіча ў раённы цэнтр. У Менск творцу і грамадскаму актывісту прыйшла позва. У ёй паведамляецца, што ў дачыненні да яго вядзецца адміністрацыйны працэс.
17.11.2016 Пракаповіча за салідарнасць з Пальчысам аштрафавалі на 1050 рублёў
Суд Фрунзенскага раёна Менска аштрафаваў 16 лістапада каардынатара БХД па Менскай вобласці па ч.3 арт.23.34 КаАП за акцыю салідарнасці з Эдуардам Пальчысам 14 кастрычніка на 50 базавых велічыняў.
15.11.2016 За запаленую свечку пад суд. Лібералізацыя?
16 лістапада ў 14-00 cуд Маскоўскага раёна Мінска пачне разгляд адміністрацыйнай справы Марыны Адамовіч, жонкі былога палітвязня Міколы Статкевіча, якую вінавацяць у “дэманстрацыі запаленай свечкі”.
11.11.2016 Суды Мінска пачынаюць разгляд спраў за акцыі салідарнасці з Пальчысам
Суд Маскоўскага раёна Мінска 17 лістапада разгледзіць адразу тры адміністрацыйныя пратаколы, складзеныя за ўдзел у несанкцыянаваных масавых мерапрыемствах на актывіста Віктара Кулака.
08.11.2016 Маніторынгавая справаздача па назіранні за акцыяй 7 лістапада ў Мінску
7 лістапада 2016 года ў Мінску праходзіла акцыя, прысвечаная Дню памяці і смутку.
08.11.2016 Акцыя на прыступках КДБ завяршылася складаннем пратаколаў
У Мінску 7 лістапада прадстаўнікі дэмакратычных сілаў і правацэнтрысцкай кааліцыі, правялі акцыю ў памяць ахвяраў савецкіх рэпрэсій, у якой удзельнічалі каля 20 чалавек.
31.10.2016 Справаздача па выніках маніторынгу масавага мерапрыемства “Дзяды – 2016” у Мінску
Арганізатары акцыі атрымалі дазвол на правядзенне масавага мерапрыемства ад дзвюх устаноў: Мінскага гарвыканкама і абласнога выканаўчага камітэта ў сувязі з тым, што збор і шэсце праводзяцца на тэрыторыі горада Мінска, а мітынг ва ўрочышчы “Курапаты”, размешчаным на тэрыторыі Мінскага раёна. Неабходнасць атрымліваць два дазволы і сама працэдура атрымання дазволаў істотна абмяжоўвае права на мірныя сходы.