Навіны на тэму: акцыі
31.03.2017 КДБ нярвуецца – да будынку прыгналі аўтазакі, затрымліваюць людзей
У апошні дзень сакавіка ў Мінску актывісты розных грамадскіх рухаў і сваякі затрыманых па справе "легіянераў" паведамілі аб тым , што выйдуць у 19-00 да будынку КДБ у Мінску.
27.03.2017 Справаздача па выніках маніторынгу масавага мерапрыемства на Кастрычніцкай плошчы ў Мінску 26 сакавіка
Масавае мерапрыемства было сарванае супрацоўнікамі міліцыі, а большасць яго ўдзельнікаў затрыманы. Паколькі пры гэтым парушэнняў грамадскага парадку і агрэсіўных дзеянняў з боку ўдзельнікаў зафіксавана не было, назіральнікі расцэньваюць затрыманні як адвольныя.
26.03.2017 У Кіеве прайшла акцыя ў падтрымку рэпрэсаваных у Беларусі
Акцыя ў падтрымку рэпрэсаваных беларускіх актывістаў, якая прайшла 26 сакавіка ў Кіеве каля Амбасады Рэспублікі Беларусь, сабрала каля 100 удзельнікаў.
26.03.2017 Акцыі пратэсту ў рэгіёнах: затрымана больш за 80 чалавек
У сувязі з анансаванымі напярэдадні ў СМІ акцыямі пратэсту, якія плануецца правесці 26 сакавіка ў розных гарадах Беларусі, супрацоўнікі міліцыі працягваюць сёння затрымліваць патэнцыйных удзельнікаў акцый і дэмакратычных актывістаў. Многіх запрашаюць у міліцыю позвамі, у некаторых адбываюцца ператрусы.
26.03.2017 Разгон акцыі на Кастрычніцкай плошчы
Сярод затрыманых - праваабаронца "Вясны" Таццяна Рэвяка, разам з ёй у аўтазак пасадзілі яшчэ 9 чалавек. Таксама затрыманы кіраўнік Арт-Сядзібы Павел Белавус, блогеры Раман Пратасевіч, Руслан Кісялёў, Стась Карпаў.
26.03.2017 Справаздача па выніках маніторынгу акцыі “Дзень Волі” ў Мінску 25 сакавіка
Прэвентыўна былі затрыманыя праваабаронцы і назіральнікі, якія збіраліся ажыццяўляць грамадскае назіранне за мірным сходам 25 сакавіка. Падчас акцыі было затрымана не менш за 700 чалавек. Непрафесійныя дзеянні міліцыі прывялі да затрымання вялікай колькасці людзей, якія не ўдзельнічалі ў акцыі.
25.03.2017 Дзень Волі адзначаюць у рэгіёнах: пачаліся затрыманні
Дзень Волі 25 сакавіка дэмакратычная грамадскасць Беларусі будзе адзначаць з дазволу гарадскіх уладаў у Берасці, Горадні і Гомелі.
25.03.2017 Дзень Волі ў Мінску – пад афіцыйнай забаронай
Дзень абвяшчэння Беларускай Народнай Рэспублікі, які дэмакратычная грамадскасць краіны традыцыйна адзначае шэсцем у Мінску, сёлета азмрочаны рашэннем сталічных уладаў: любыя мерапрыемствы, якія могуць адбыцца 25 сакавіка, будуць прызнаныя незаконнымі.
25.03.2017 У Пецярбургу паліцэйскія спынілі акцыю "Вясны" каля консульства Беларусі (фота)
У шэсці дзяўчына несла плакат «Галоўны дармаед - гэта ты», а малады чалавек - «Лукашэнка, валі да нас, пакуль не позна». Таксама ў удзельнікаў быў беларускі сцяг.
18.03.2017 Затрыманні перад акцыямі пратэсту ў рэгіёнах: асноўны ўдар - па журналістах
У сацыяльных сетках паведамляецца, што ў выходныя, 18 і 19 сакавіка, акцыі пратэсту супраць Дэкрэту №3 плануецца правесці сама мала ў 13 гарадах Беларусі. Сёння ранкам заўважаная актывізацыя сілавых структур у некаторых раённых цэнтрах, праводзяцца затрыманні. Ці адбудуцца акцыі – пакуль невядома. Пратэстоўцы выйшлі на плошчы ў Салігорску, Мазыры, Кобрыне, Светлагорску.
17.03.2017 Адпраў паштоўку салідарнасці з затрыманымі «недармаедамі»
15 сакавіка ў Мінску да і пасля правядзення санкцыянаванай акцыі пратэсту супраць дэкрэта №3 было груба затрымана больш за 50 мірных дэманстрантаў людзьмі ў цывільным. На працягу наступнага дня адбыліся суды над усімі затрыманымі, якія адправілі актывістаў і выпадковых людзей за краты на тэрмін ад 3 да 15 сутак.
17.03.2017 Мазыр: У міліцыю выклікалі арганізатара Марша абураных палешукоў
Арганізатара Марша абураных палешукоў Рыгора Крывіцкага тэрмінова выклікаюць 17 сакавіка ў Мазырскі РАУС.
17.03.2017 Алесь Бяляцкі: Пытанне правоў чалавека замыльваецца
У праграме “Гарачы каментар” тэлеканала БелСАТ старшыня Праваабарончага цэнтра “Вясна” Алесь Бяляцкі каментуе масавыя пратэсты грамадзян і апошнія заявы прэзідэнта Аляксандра Лукашэнкі наконт правоў чалавека ў Беларусі.
16.03.2017 Справаздача па маніторынгу масавага мерапрыемства “Марш недармаедаў” у Гродна 15 сакавіка
15 сакавіка 2017 года ў Гродна праходзіла акцыя пратэсту супраць Дэкрэта №3 "Марш недармаедаў".
16.03.2017 Справаздача па маніторынгу масавага мерапрыемства “Марш недармаедаў” у Мінску 15 сакавіка
15 сакавіка 2017 года ў Мінску праходзіла акцыя пратэсту супраць Дэкрэту №3 аб сацыяльным утрыманстве “Марш недармаедаў”.