Навіны на тэму: апазіцыя
18.11.2008 Затрыманыя ў Мінску актывісты "Моладзі БНФ" адпушчаны
Затрыманыя ў Мінску актывісты маладзёжнай арганізацыі Партыі БНФ "Моладзь БНФ" адпушчаны з міліцыі без складання пратаколаў.
14.11.2008 Распачаты збор подпісаў за беларусізацыю паслугаў сувязі
У межах кампаніі “Мабільная сувязь па-беларуску” актывістамі Маладога Фронту і Моладзі БНФ распачаты збор подпісаў пад зваротамі да кіраўнікоў вядучых беларускіх сотавых аператараў. Апроч гэтага днямі мае распачаць працу і адмысловы сайт кампаніі, накіраванай на беларусізацыю паслугаў сувязі.
11.11.2008 Клецкі міліцыянт папрасіў прабачэньня ў Яўгена Мікуліча
Як паведаміў сп. Мікуліч, учора ўвечары яму патэлефанавалі з РУУС і папрасілі дазволу наведацца да яго дахаты. Прыехаў асабіста крыміналіст Сяргей Касьцюкевіч. Па словах Мікуліча, міліцыянт перапрасіў за свае дзеяньні і папрасіў забраць заяву з пракуратуры. Мікулічы адмовіліся гэта зрабіць.
11.11.2008 За акцыю каля суда затрымалі актывіста "Маладога Фронту"
10 лістапада а 22 гадзіне супрацоўнікі міліцыі затрымалі актывіста "Маладога Фронту" Мікалая Дземідзенку, які ўдзельнічаў у акцыі ў падтрымку маладых апазіцыянераў, якіх судзілі ўчора ў Ленінскім судзе за пікет насупраць КДБ.
10.11.2008 Сёньня будуць судзіць маладафронтаўцаў
У судзе Ленінскага раёну Менску сёньня будуць судзіць моладзевых актывістаў, якіх затрымалі 7 лістапада насупраць будынку КДБ. Яны трымалі расьцяжку: “Камунізм пад трыбунал!”. Непаўналетніх адпусьцілі, а супраць пяці сяброў незарэгістраванай арганізацыі “Малады фронт” склалі пратаколы за ўдзел у несанкцыянаваным пікеце.
06.11.2008 Апазыцыянэру не даюць давучыцца
Васемнаццацігадовага актывіста Станіслава Сенакосава адлічылі з Магілёўскага прафэсійнага ліцэю № 2. Актывіст цьвердзіць, што нагодай для адлічэньня сталася яго грамадзкая дзейнасьць. У адміністрацыі ліцэю сьцьвярджаюць, што хлопец груба парушыў дысцыпліну.
06.11.2008 Збор подпісаў за змены ў Выбарчы кодэкс Беларусі
У ініцыятыўную групу па зборы подпісаў за змены ў Выбарчым кодэксу Беларусі ўвойдзе ад 500 да 600 актывістаў. Такую мэту перад аб’яднанымі дэмакратычнымі сіламі ставіць Прэзідыум Палітрады АДС. Пра гэта было заяўленна падчас паседжання 5 лістапада ў Менску. Цягам месяца сябрам групы трэба будзе сабраць не менш за 50 тысячаў подпісаў грамадзянаў.
03.11.2008 Уладзімера Казеку аштрафавалі за газету “Тут і цяпер”
Кіраўнік дарагічынскай суполкі Партыі БНФ Уладзімер Казека пакараны за газэту «Тут і цяпер», якая была знойдзеная ў яго падчас ператрусу. Рашэньне пакараць актывіста штрафам у 700 тысяч рублёў прынятае адміністратыўнай камісіяй Дарагічынскага райвыканкама
02.11.2008 Заява Івана Шылы пра аднаўленьне ў школе не задаволена
Судзьдзя Вольга Пракаповіч у пятніцу адхіліла заяву Ўладзімера Шылы з патрабаваньнем да гарадзкога адзьдзелу адукацыі прызнаць незаконным выключэньне з салігорскай СШ № 4 яго сына Івана.
02.11.2008 Полацкіх актывістаў дапытваюць па дзейнасьці «Маладога фронту»
Актывіста полацкай філіі «Маладога Фронту» Зьмітра Сакалова ў пятніцу забралі з працы на допыт у міліцыю. Міліцыянта, спадара Крахотку, цікавілі падрабязнасьці дзейнасьці полацкіх маладафронтаўцаў і іх супраца зь іншымі моладзевымі дэмакратычнымі арганізацыямі, паведамляе сайт “Маладога Фронта”.
31.10.2008 Распачатая кампанія "Мабільная сувязь па-беларуску"
Моладзь БНФ разам з Маладым Фронтам абвесьціла аб пачатку кампаніі "Мабільная сувязь па-беларуску", мэта якой прымусіць мабільных апэратараў перавесьці абслугоўваньне абанэнтаў на беларускую мову.
31.10.2008 Суд па справе Івана Шылы (дапаўняецца)
У Салігорскім раённым судзе, дзе сёння, 31 кастрычніка, разглядаецца справа моладзевага актывіста Івана Шылы, зараз аб’яўлены перапынак.
29.10.2008 Затрыманыя Франак Вячорка і Міхаіл Пашкевіч
Супрацоўнікі міліцыі затрымалі Франака Вячорку і Міхаіла Пашкевіча ў Палацы Рэспублікі. Хлопцы прыйшлі туды на паседжаньне 40 з’езду БРСМ, які праводзіўся ў 90-ю гадавіну ленінскага камсамолу.
29.10.2008 Актывістаў «Еўрапейскай Беларусі» выклікаюць у КДБ
Адразу двух актывістаў грамадзянскай кампаніі «Еўрапейская Беларусь» выклікалі «на гутарку» у Камітэт дзяржаўнай бяспекі.
29.10.2008 На Полаччыне дапыталі моладзевага актывіста
28 кастрычніка супрацоўнікі Полацкага РАУС Валеры Драгун і Юлія Дзямешчанка дапытвалі актывіста незарэгістраванай моладзевай арганізацыі “Маладая Беларусь” Алеся Круткіна. Яны прыехалі ў вёску, дзе пражывае ягоная маці.
