Навіны на тэму: апазіцыя
06.05.2009 Суд над Вячоркам адбудзецца 12 траўня
5 траўня Цэнтральны вайсковы суд перанес разгляд скаргі Франака Вячоркі з-за няяўкі заяўніка зыску – кіраўніцтва вайсковай часткі яшчэ ўчора вырашыла не адпускаць моладзевага актывіста ў Менск, аднак суддзі запатрабавалі ўсё ж зрабіць гэта 12 траўня.
05.05.2009 Малады Фронт – за школу для ўсіх
Малады Фронт ізноў пікетаваў Міністэрства абароны. Моладзевыя актывісты дамагаюцца для свайго салігорскага паплечніка дазволу здаць апошні школьны экзамен падчас вайсковай службы.
04.05.2009 Трынаццаць чалавек абвесцілі галадоўку
Сёння аладоўку абвесцілі прадпрымальнік Алесь Макаеў, моладзевы актывіст Андрэй Кім, экс-кандыдат у прэзідэнты Аляксандр Казулін, палітыкі Мікола Статкевіч, Лявон Баршчэўскі, Сяргей Скрабец, Вячаслаў Сіўчык, Міхаіл Марыніч, прадпрымальнік Сяргей Парсюкевіч, моладзевыя актывісты Наста Палажанка, Андрэй Цянюта, Мікола Дземідзенка, Арцём Дубскі.
29.04.2009 Моладзевыя актывісты звярнуліся да Генпракурора
Грамадзкія актывісты накіравалі адкрыты зварот Генеральнаму пракурору з просьбаю ўзяць расьсьледваньні злачынстваў ў дачыненьні да моладзевых апазыцыйных актывістаў пад асабісты кантроль.
29.04.2009 Моладзевых лідэраў Івана Шылу і Андрэя Кіма ўзнагародзілі Ордэнамі Свабоды
C 24 па 28 красавіка ў Страсбурзе прайшоў Другі кангрэс новай беларускай дыяспары Еўропы і ЗША. Сёлета ён насіў назву «Форум новых беларускіх лідэраў: Пакаленне Адраджэння» і быў арыентаваны на адносіны Беларусі і Еўрапейскага Звяза, а таксама актывізацыю новага пакалення беларусаў, якія жывуць у краінах ЕЗ.
29.04.2009 Пракуратура адмовілася шукаць выкрадальнікаў Палажанкі і Карнова
Менская пракуратура адказала адмоваю на заяву намесьніцы лідэра незарэгістраванай арганізацыі “Малады фронт” Насты Палажанкі і яе паплечніка Дзяніса Карнова, якія патрабавалі знайсьці невядомых асобаў, якія іх схапілі, зьбілі і вывезьлі за межы Менску.
23.04.2009 Актывіст Міхал Ільін асуджаны да 10 сутак арышту
Суд Ленінскага раёна Брэста 23 красавіка прызнаў актывіста міжнароднага грамадскага аб’яднання «Малады фронт» Міхала Ільіна вінаватым па арт. 17.1 КоАП (дробнае хуліганства) і прыгаварыў да дзесяці сутак адміністрацыйнага арышту.
22.04.2009 Міністр адукацыі запрасіла Івана Шылу здаць апошні школьны іспыт у Польшчы
Моладзевы лідэр Іван Шыла, які быў выключаны са школы па палітычных матывах, а пасля гвалтоўна прызваны ў войска, цяпер можа скончыць сярэднюю адукацыю ў Польшчы.
22.04.2009 Маладафронтаўцу пагражаюць выключэннем з універсітэта за графіці
Актывісту Маладога Фронту Пятру Рузаву пагражаюць выключэннем з Баранавіцкага дзяржаўнага ўнівэрсытэта за шэраг графіці.
20.04.2009 Улады абвясцілі ў вышук удзельніцу "працэсу 14-ці"
Актывістка кампаніі Таццяна Цішкевіч абвешчаная ў вышук. Аб гэтым стала вядома ад лідэра моладзевай арганізацыі АГП "Маладыя дэмакраты" Міхася Пашкевіча.
20.04.2009 Іван Шыла звярнуўся па дапамогу да міністра адукацыі Польшчы
Намесьнік старшыні Маладога Фронту Іван Шыла зьвярнуўся да Міністра адукацыі Польшчы Катаржыны Халь "з просьбаю знайсьці тэхнічную магчымасьць здаць апошні іспыт па ангельскай мове і атрымаць атэстат аб сярэдняй адукацыі", бо такой магчымасьці яго пазбавілі беларускія ўлады.
17.04.2009 Актывіст бароніць гонар у судзе
Александр Жыткевіч падаў зыск у суд да "Гарадоцкага весніка" і журналісткі Людмілы Мукамол па абароне гонару, годнасці і рэпутацыі на агульную суму 22 млн. руб.
17.04.2009 Суд не задаволіў скаргу Хведарука
Суд Першамайскага раёну Менску не задаволіў скаргу моладзевага актывіста Зьмітра Хведарука на незаконныя дзеяньні вайскоўцаў падчас прызыву.
14.04.2009 14 траўня – марш "За незалежнасьць”
Да гадавіны рэфрэндуму 1995 года 14 траўня "Малады фронт" зьбіраецца правесьці ў Менску марш "За незалежнасьць" – ад Кастрычніцкай плошчы да плошчы Незалежнасьці.
14.04.2009 Міліцыя "не змагла" знайсьці тых, хто зьбіваў Франака Вячорку
На імя Франака Вячоркі прыйшло паведамленьне, падпісанае С.Бясьсьмертным, намесьнікам начальніка УУС Савецкага раёну Менска. УУС (у арыгінале па-расейску) піша: "Вашая заява разгледжаная. Прынятымі мерамі росшуку высьветліць асобу, якая прычыніла Вам цялесныя пашкоджаньні, ня сталася магчымым. Адміністрацыйны працэс паводле Вашай заявы спынены на падставе ч.1 п.3 арт. 9.6 Працэсуальна-выканаўчага кодэксу Рэспублікі Беларусь аб адміністрацыйных правапарушэньнях па сканчэньні тэрмінаў накладаньня адміністрацыйнага спагнаньня".
