08.06.2009 Яўгена Скрабца выпусцілі са шпіталя

У пятніцу ўвечары берасьцейскага маладафронтаўца Яўгена Скрабца адпусьцілі са шпіталя. Нагадаем, некалькі дзён назад міліцыянты і супрацоўнікі ваенкамата ля пад'езду затрымалі Яўгена Скрабца і гвалтам адвезьлі ў вабласны шпіталь на абсьледваньне.

08.06.2009 Разгляд адміністратыўнай справы Дубскага - 10 чэрвеня

Справу Арцёма Дубскага, якога абвінавацілі ў нанясеньні надпісаў “Свабоду Аўтуховічу!”, будзе разглядаць адміністратыўная камісія.

Разгляд адміністратыўнага пратаколу прызначаны на 9:30 10 чэрвеня.

04.06.2009 Маладафронтаўцы - за правы беларускамоўных карыстальнікаў мабільнай сувязі

4 чэрвеня актывісты Маладога Фронту паўторна зьвярнуліся да кіраўніцтва кампаніі мабільнай сувязі "Velcom" з просьбаю перакласьці інтэрфэйс апэратара на беларускую мову, паведамляе прэс-служба арганізацыі.

04.06.2009 Суд у справе Івана Шылы адбыўся безь яго

Салігорскі суд разгледзеў пазоў маладафронтаўца Івана Шылы да вайскоўцаў. Іван намагаецца, каб суд прызнаў дзеяньні вайскоўцаў і мэдыкаў падчас гвалтоўнага вайсковага прызыву незаконнымі. Камандаваньне часткі пад Лепелем, дзе служыць маладафронтавец, не адпусьціла Івана на суд. Нягледзячы на хадайніцтва бацькі і адваката хлопца, суд палічыў магчымым разглядаць пазоў без Івана.

04.06.2009 Моладзевыя актывісты ізноў пад прыцэлам вайскоўцаў

Сёння, 4 чэрвеня, актывіста Берасьцейскага Маладога Фронту Яўгена Скрабца затрымалі ля пад'езду супрацоўнікі ваенкамата і міліцыі.

04.06.2009 Сьледства ў справе Дубскага падоўжылі на няпэўны тэрмін

Актывіст “Маладога фронту” Арцём Дубскі даведаўся 3 чэрвеня, што сьледчы падоўжыў тэрмін сьледзтва на нявызначаны тэрмін. Арцёма, фігуранта “справы 14-ці”, абвінавачваюць у парушэньні правілаў адбыцьця пакараньня.

03.06.2009 Ваўкавыск: удзельнікаў ланцугу неабыякавых людзей выклікаюць у суд

Восем сябраў АГП з Горадні і Ваўкавыску былі затрыманыя 16 траўня за тое, што арганізавалі насупраць цэнтральнага рынку ў Ваўкавыску ланцуг неабыякавых людзей і трымалі ў руках партрэты Мікалая Аўтуховіча. Суд прызначаны на 8 чэрвеня.

02.06.2009 Івана Шылу не адпускаюць на суд

Камандзір вайсковай брыгады Ігар Пільневіч паведаміў бацьку Івана Шылы, што не адпусьціць хлопца на суд у Салігорск, 4 чэрвеня.

01.06.2009 У Менску за расцяжку супраць абортаў затрыманыя актывісты БХД

Актывісты маладзёвай фракцыі “Беларускай Хрысьціянскай Дэмакратыі” Любоў Каменева, Ірына Губская і Зміцер Тамковіч былі затрыманыя супрацоўнікамі службы бяспекі прэзідэнта, а потым перададзеныя нараду міліцыі. Маладыя хрысьціянскія дэмакраты хацелі нагадаць мінчанам пра тое, што сёння адзначаецца Міжнародны дзень абароны дзяцей, і прыцягнуць увагу да праблемы абортаў у Беларусі.

01.06.2009 Затрыманні актывістаў “Маладой Беларусі”

31 траўня супрацоўнікі міліцыі Маскоўскага раёну Менску затрымалі актывістаў руху "Маладая Беларусь" Паўла Несьцяровіча і Ільлю Шчарбінскага.

29.05.2009 Пасьля розгласу ў СМІ Пятра Рузава аднавілі ва ўніверсітэце

Актывіста Баранавіцкай філіі Маладога Фронту Пятра Рузава, якога ўчора адлічылі з 1 курсу Баранавіцкага дзяржаўнага ўнівэрсытэту, аднавілі на вучобе.

28.05.2009 Маладафронтаўца адлічылі з універсітэту за графіці "Свабоду Аўтуховічу!"

Сёньня маладафронтавец, студэнт-першакурсьнік Баранавіцкага дзяржаўнага ўнівэрсытэта Пётр Рузаў даведаўся аб сваім выключэньні.

27.05.2009 Пяць пратаколаў аб правапарушэньні за адну акцыю

26 траўня у Цэнтральным РАУСе Гомеля быў складзены пратакол аб адміністрацыйным правапарушэньні на яшчэ аднаго ўдзельніка акцыі памяці зьніклага генерала Захаранкі. Дэмакратычнага актывіста і праваабаронцу Анатоля Паплаўнага выклікалі позваю ў міліцыю пасьля таго, як актывіст адмівіўся ўпусціць супрацоўніка міліцыі ў дом.

27.05.2009 Яшчэ адзін штраф за "Школу для ўсіх"

Непаўнагадовага салігорскага маладафронтаўца Ільлю Шылу адміністратыўная камісія салігорскага райвыканкаму аштрафавала на 50 базавых велічынь (1 млн. 750 тыс. рублей) за пікет, у якім ён не прымаў удзел. Рашэньне камісіі было прынята без удзелу маладафронтаўца.

26.05.2009 Артуру Фінькевічу пагражаюць фізічнай расправай

Сёння моладзевы лідар Артур Фінькевіч накіраваў у пракуратуру Заводскага раёну Менску заяву з просьбай правесці праверку, устанавіць і прыцягнуць да адказнасці асобаў, якія тэлефанавалі і пагражалі яму фізічнай расправай.