Навіны на тэму: свабода слова
17.09.2007 Сябра БАЖ падаў у суд на газету "Гомельская праўда"
Юрыдычны дарадца Гомельскай гарадской арганізацыі БАЖ Леанід Судаленка звярнуўся ў суд Чыгуначнага раёна Гомеля з зыскам да рэдакцыі газеты “Гомельская праўда” і аднаго з журналістаў выдання. Нагодай для звароту ў суд стаў артыкул С. Грушэнкі “Сваіх дзяцей – за мяжу, чужых – “у барацьбіты за дэмакратыю” (“Гомельская праўда”, №117-118 ад 2 жніўня 2007 года).
14.09.2007 Апазіцыйны актывіст, дэпутат Вярхоўнай Рады 13 скліканьня Андрэй Клімаў прысуджаны да 2 гадоў калоніі строгага рэжыму за публікацыю ў Інтэрнэце.
Сёмага жніўня 2007 у сродках масавай інфармацыі з'явілася інфармацыя аб тым, што Андрэй Клімаў прысуджаны да двух гадоў калоніі. Інфармацыю пра суд над Клімавым журналісту Андрэю Груздзіловічу пацвердзілі ў Пракуратуры і Цэнтральным судзе горада Менска.
13.09.2007 «Белсат» ужо замінае ўладам?
Кіраўніцтва новага спадарожнікавага каналу “Белсат” паведаміла сёньня, што адпаведныя беларускія структуры адмовілі каналу ў набыцьці дамэну belsat.by, прычым фірма-пасярэднік, якая выступала ад імя “Белсату” заяўляе, што прычыны адмовы беларускі бок не патлумачыў.
11.09.2007 У Мінску ўручылі прэміі імя Дзмітрыя Завадскага і дыплом імя Ігара Герменчука
10 верасьня ў Мінску тры беларускія журналісты – Генадзь Барбарыч, Анатоль Гатоўчыц і Наталля Макушына – атрымалі прэміі Дзмітрыя Завадскага “За мужнасць і прафесіяналізм”, якую штогод уручаюць расійскі “Первый канал” і ГА “Беларуская асацыяцыя журналістаў”. Цырымонія ўручэння была прымеркаваная да Міжнароднага дня салідарнасці журналістаў, які адзначаўся 8 верасня.
06.09.2007 “Моладзевы бюлетэнь” прыцягнуў увагу міліцыянтаў
Учора, 5 верасня, каля 20-00 ў Магілёве за распаўсюд “Моладзевага бюлетэня” былі затрыманы трое юнакоў. Гэта здарылася ў цэнтры гораду на пешаходнай вуліцы Ленінскай. У моладзевых актывістаў Алеся Анісімава, Кастуся Яўсеева, Арцёма Давыдава міліцыянты сканфіскавалі 173 асобнікі “Моладзевага бюлетэня”. (Даведка ПЦ “Вясна”: Моладзевы бюлетэнь UFF-BY.org” – гэта неперыядычнае маланакладнае студэнцкае выданьне пра культуру, мастацтва і студэнцкае жыцьцё ў Беларусі. Сканфіскаваны нумар быў прысвечаны фэстывалю “Басовішча-2007”). Непаўнагадовых юнакоў трымалі ў міліцыі больш за тры гадзіны.
04.09.2007 У Нясьвіжы за фатаграфаваньне затрыманыя незалежныя журналісты
Каля будынку суду ў Нясьвіжы, дзе адбываецца судовы разгляд крымінальнай справы над моладзевай актывісткай Настай Азаркай, якую абвінавачваюць ва ўдзеле ў дзейнасьці незарэгістраванай арганізацыі "МФ", супрацоўнікі міліцыі пачалі хаваць хлопцаў у футболках з надпісам "Малады Фронт". Незалежныя журналісты Сяргей Сыс і Уладзімір Грызін, які фатаграфавалі спробы затрыманьня, самі сталі "ахвярамі" сілавікоў.
04.09.2007 Пракуратура папярэдзіла незалежных гарадзенскіх журналістаў
Натальлі Макушынай вынесьлі папярэджаньне за супрацоўніцтва без акрэдытацыі з замежным радыё “Нямецкая хваля”, Івану Роману — з радыё “Рацыя”. Абодвум журналістам аб’явілі, што іх матэрыялы носяць тэндэнцыйны характар і могуць пашкодзіць міжнароднаму іміджу Рэспублікі Беларусь.
31.08.2007 Магілёўская журналістка спрабуе прыцягнуць да адказнасьці міліцыянта
Незалежная журналістка Ганна Ільіна абвінавачвае маёра Сяргея Андрэенку ў незаконным затрыманьні і гвалце. Сёньня магілёўскія судмэдэкспэрты зафіксавалі на целе Ганны Ільіной некалькі гематомаў. У другой палове дня Магілёўская раённая пракуратура мае прыняць рашэньне пра заяву журналісткі — тая патрабуе прыцягнуць да адказнасьці маёра Андрэенку.
27.08.2007 «Рэпарцёры без межаў» супраць «рэгулявання» інтэрнэт-СМІ
Праваабарончая арганізацыя "Рэпарцёры без межаў" 24 жніўня выказала занепакоенасць у сувязі з планамі беларускіх улад стварыць працоўную групу па вывучэнні сусветнага досведу ў галіне рэгулявання дзейнасці інтэрнэт-СМІ.
22.08.2007 Журналістку будуць судзіць за тое, што яна прысутнічала на прэзентацыі кнігі
Сябру ГА “Беларуская асацыяцы журналістаў” Любоў Праневіч абвінавачваюць у парушэнні вызначанага парадку правядзення масавых мерапрыемстваў (арт. 23.34 ч.1 КаАП). 22 жніўня ў 10.00 суд Маскоўскага раёна г. Брэста будзе разглядаць яе адміністратыўную справу.
21.08.2007 Намеснік міністра інфармацыі: "Развіццё інтэрнэт-СМІ не можа быць па-за рамкамі прававога рэгулявання"
На рэспубліканскім узроўні ствараецца працоўная група, якая зоймецца “вывучэннем і прапрацоўкай” праблемы заканадаўчага рэгулявання Інтэрнэт. Пра гэта паведаміў 20 жніўня ў інтэрвью агенцтву “Інтэрфакс” намеснік міністра інфармацыі Беларусі Аляксандр Слабадчук.
17.08.2007 Акцыя салідарнасьці: гарады і ўдзельнікі (агляд падзеяў 16 жніўня)
У Менску міліцыя чыніла 16 жніўня ўсялякія перашкоды для правядзеньня акцыі салідарнасці. Найбольш груба і бесцырымонна паводзілі сябе міліцыянты і амап ля касцёла Святога Язэпа на плошчы Свабоды.
16.08.2007 Міліцыянт ужыў сілу ў дачыненні да магілёўскай журналісткі
У Магілёве адбыўся інцыдэнт, падчас якога прадстаўнік праваахоўных органаў ужыў фізічную сілу ў дачыненні да журналісткі Ганны Ільіной пры выкананні ёю прафесійных абавязкаў.
15.08.2007 У Клецку ўзбудзілі крымінальную справу за самвыдат
Супраць стваральніка самвыдавецкага бюлетэня «Бойкий Клецк», актывіста дэмакратычных сілаў Сяргея Панамарова ўзбуджаная крымінальнае справа. Гэта адбылося праз некалькі гадзін пасля таго, як Панамароў падаў у мясцовы райвыканкам заяву аб правядзенні пікету ў абарону палітвязняў.
14.08.2007 Рэпарцёры без межаў» асудзілі сітуацыю з свабодай слова ў Беларусі
Праваабарончая арганізацыя "Рэпарцёры без межаў" асудзіла адмову камісіі па правах чалавека і сродках масавай інфармацыі Палаты прадстаўнікоў Нацыянальнага сходу разгледзець запыт грамадскай арганізацыі "Беларуская асацыяцыя журналістаў" (БАЖ) аб адпаведнасці Канстытуцыі артыкула 10 дзейнага закона аб друку, паведамляе БелаПАН.
