Навіны на тэму: пракуратура
01.03.2016 Слуцая пракуратура не стала ініцыяваць роспуск мясцовага Савета дэпутатаў
Пракуратура Слуцкага раёна не пабачыла ў дзеяннях старшыні Слуцкага раённага Савета дэпутатаў Віктара Ражанца падставаў для прыняцця мераў пракурорскага рэагавання і ініцыявання роспуску Савета.
23.02.2016 У Слуцку таксама патрабуюць ініцыяваць роспуск Савета дэпутатаў
Слуцкі раённы Савет дэпутатаў не стаў разглядаць праект рашэння мясцовга праваабаронцы Віталя Амяльковіча “Аб свабодзе мірных сходаў”. Грамадскі актывіст звярнуўся з гэтай нагоды ў пракуратуру з патрабаваннем ініцяваць роспуск Савета.
08.02.2016 Праваабаронца просіць пракуратуру праверыць публікацыі на сайце «Вечерний Могилев» на наяўнасць прыкмет экстрэмізму
Падставай для звароту сталі неаднаразовыя публікацыі аб «гражданине Д.», у якіх факусуецца ўвага на прыналежнасці гэтай асобы да катэгорыі трансгендэраў і дазваляюцца выказванні ў пагардлівым тоне пра прадстаўнікоў сэксуальных меншасцяў у цэлым.
14.12.2015 Скаргу на салігорскіх чыноўнікаў пракуратура адфутболіла на разгляд самім чыноўнікам
Скаргу мясцовага грамадскага актывіста Уладзіміра Шылы на дзеянні чыноўнікаў Салігорскага райвыканкаму, звязаныя з ушчыльненнем гарадской забудовы ў раёне стадыёна школы №2 па вуліцы Горкага, пракуратура Салігорскага раёна перанакіравала на разгляд самім чыноўнікам.
11.12.2015 Пракуратура абавязала міліцыю правесці паўторную праверку фактаў паклёпу на гродзенскага журналіста Андрэя Мялешку
Андрэй Мялешка скардзіўся на размяшчэнне ў інтэрнэце на адным з прыватных, але ананімных сайтаў, матэрыялаў, якія абражалі гонар і годнасць журналіста і яго сям’і.
11.12.2015 Пракуратура перагледзіць справу гарадзенскага журналіста
Гарадзенская пракуратура вырашыла праверыць, ці з’яўляецца паклёпам і крымінальным злачынствам непраўдзівая інфармацыя пра журналіста-фрылансера Андрэя Мялешку, якая была размешчана на адным з сайтаў.
17.11.2015 Леанід Кулакоў: “Навошта Беларусі патрэбна такая структура, як пракуратура, ад якой карысьці – нуль".
Актывіст “Еўрапейскай Беларусі” Леанід Кулакоў, які скардзіўся на ўмовы ўтрымання ў Смалявіцкім ІЧУ, дзе ён адбываў адміністратыўны арышт, атрымаў адказ на свой зварот у пракуратуру гэтага раёна.
19.09.2015 Тацьцяну Севярынец апыталі ў пракуратуры наконт «расьпісак за Лукашэнку»
Актывістка распавяла, што жыхары Віцебску казалі ёй, нібыта ў бацькоў, чые дзеці вучацца ў сярэдняй школе №38, бралі расьпіскі, што яны прагаласуюць на прэзыдэнцкіх выбарах за Аляксандра Лукашэнку.
18.09.2015 Салігорск: пракуратура адфутбольвае скаргі грамадскіх актывістаў на райвыканкам у райвыканкам
У футбол згуляла пракуратура з салігорскім змагаром супраць ушчыльнення гарадской забудовы Уладзімірам Шыла. Яго скаргу на фальсіфікацыю мясцовымі чыноўнікамі вынікаў грамадскіх слуханняў пракуратура Салігорскага раёна перанакіравала на разгляд гэтым жа выканкамаўскім чыноўнікам.
14.09.2015 Ігар Барысаў налічыў 8 недакладнасцяў у афіцыйным каментары УУС Магілёўскага аблвыканкаму па сваёй справе. Пададзены скаргі ў пракуратуру
Ігар Барысаў дамагаецца, каб міліцыя апублікавала абвяржэнне дадзенага артыкула, а на час правядзення праверкі быў адхілены ад займанай пасады намеснік начальніка УУС Магілёўскага аблвыканкама палкоўнік Сяргей Волкаў.
08.09.2015 Жанне Пцічкінай не даюць азнаёміцца з пастановай Генпракуратуры па справе аб смерці сына (аўдыё)
Маці Ігара Пцічкіна, які памёр у СІЗА на Валадарцы ў 2013 годзе, доўгі час спрабуе высветліць акалічнасці смерці сына і прыцягнуць да крымінальнай адказнасці асобаў, павінных у гэтай трагедыі.
09.08.2015 Баранавічы: праваабаронца падаў скаргу ў Генеральную пракуратуру
Суды адмовілі ў задавальненні яго скаргі на дзеянні Баранавіцкага гарвыканкама аб забаране правядзення пікета 10 снежня 2014 года, таму праваабаронца і звяртаецца ў дзяржаўны орган, які ажыццяўляе нагляд за дакладным і аднастайным выкананнем законаў.
06.08.2015 Мікалай Аўтуховіч: “Цырк працягваецца!”
5 жніўня калегія Гродзенскага абласнога суда адмяніла рашэнне Ваўкавыскага раённага суда ад 17 ліпеня, які пастанавіў не працягваць прэвентыўны нагляд за былым палітвязнем Мікалаем Аўтуховічам.
29.07.2015 Гомельская пракуратура папярэдзіла пастара Нікалаенку
Гомельская гарадзкая пракуратура вынесла афіцыйнае папярэджаньне пастару пратэстанцкай суполкі Царквы Божай «Праабражэньне» Сяргею Нікалаенку. Яго падпісаў пракурор Сяргей Зайцаў.
28.07.2015 За дыскрымінацыю беларускамоўнага кіроўцы пракуратура супрацоўнікаў ДАІ караць не будзе
Пракуратура Салігорскага раёну вывучыла скаргу мясцовага аўтааматара Аляксандра Малочкі па пытанні адмовы супрацоўнікаў ДАІ мець з ім афіцыйныя зносіны на беларускай мове і адмовы складаць пратакол па-беларуску.
