Навіны на тэму: суды
23.01.2012 Гомельскія апазіцыянеры звярнуліся ў Канстытуцыйны суд
Заяўнікі звяртаюць увагу, што норма закону адносна правапарушэння, «за якое ў якасці спагнання прадугледжаны адміністрацыйны арышт ці дэпартацыя», не можа прымяняцца ў некаторых канкрэтных выпадках, паколькі санкцыі артыкулу 23.34 КаАП прадугледжваюць альтэрнатыўныя спагнанні, у дадзеным выпадку – штраф.
23.01.2012 Брэсцкія актывісты Руху “За свабоду” судзяцца з выканкамам
На 24 студзеня прызначана паседжанне ў судзе Ленінскага раёна Брэста, якое тычыцца нежадання мясцовых уладаў паведаміць прадстаўнікам грамадскасці пра выкананне рашэння пра рэканструкцыю аднаго з гандлёвых аб’ектаў у цэнтры горада.
23.01.2012 Абскарджанне па справе аб запаленых свечках прызначана на канец студзеня
Арцём Мархасёў, які за запаленыя ў Бабруйску на Дзяды свечкі быў пакараны штрафам на 700 тысяч беларускіх рублёў, атрымаў ліст з Магілёўскага абласнога суда. Бабруйчанін расказаў, што разгляд справы па яго скарзе прызначылі на 31 студзеня
20.01.2012 Валянцін Стэфановіч абскардзіў судовую пастанову пра спагнанне падаткаў
Намеснік старшыні ПЦ “Вясна” Валянцін Стэфановіч 19 студзеня накіраваў у Менскі гарадскі суд касацыйную скаргу на прысуд суда Партызанскага раёна. Праваабаронца дамагаецца адмены судовага рашэння пра спагнанне падаходнага падатку.
20.01.2012 Віалета Пракапенка: Выглядае, што змягчэння прысуду не будзе
Вярхоўны суд адмовіў у задавальненні скаргаў асуджаных да сямі гадоў зняволення за напад на будынак Бабруйскага КДБ Арцёма Пракапенкі і Паўла Сырамалотава.
19.01.2012 Іван Шэга: “Сёння суд у вертыкальшчыкаў выйграць немагчыма”
Сёння, 19 студзеня, у памяшканні суда Слонімскага раёна адбылося судовае паседжанне па скарзе лідэра мясцовай суполкі Партыі БНФ Івана Шэгі на дзеянні Слонімскага райвыканкаму, які паслядоўна забараніў усе заяўленыя акцыі салідарнасці з праваабаронцам Алесем Бяляцкім.
18.01.2012 Наталля Пінчук дзякуе ўсім за салідарнасць
18 студзеня жонка Алеся Бяляцкага перавяла на рахунак Упраўлення юстыцыі Менгарвыканкама для суда Першамайскага раёна 757 мільёнаў 526 тысяч 717 рублёў - прысуджаную суму ўрону, нібыта нанесенага ім дзяржаве. Наталля Пінчук дзякуе кожнаму з 765 чалавек, якія такім чынам падтрымалі праваабаронцу.
18.01.2012 Берасьце: актывіста судзяць за адмову ад дактыляскапіі
Берасьцейскага актывіста АГП, інжынэра-праграміста Сяргея Вельгаса будуць судзіць у Ленінскім райсудзе за адмову прайсьці дактыляскапію.
18.01.2012 Дэканат абараніў студэнтку, затрыманую за акцыю пратэсту
Святлану Задзядзюрыну 19 снежня 2011 г. затрымалі каля Чырвонага касцёлу нібыта за ўдзел у акцыі пратэсту. Студэнтка 4 курсу фізфаку БДУ запэўнівае, што яна проста вярталася дадому.
18.01.2012 Замест дазволу на пікет – у суд
Грамадскі актывіст Мікола Чарнавус быў выкліканы ў Баранавіцкі гарадскі аддзел унутраных спраў для подпісу пратакола, згодна з якім ён абвінавачваецца па артыкулу 23. 39 Кодэкса аб адміністратыўных правапарушэннях – “самаўпраўства”. Справа ў тым, што ў заяўцы на пікет ён назваў сябе старшынёй аб’яднання ўкраінцаў “Кобзарь” у Баранавічах.
17.01.2012 Жыхар Гомеля апраўданы судом, але застаецца ў «чорных спісах» злачынцаў
У жыхара Гомеля, былога псіхіятра Яўгена Дзедушкіна лёс, у які нахабна ўмяшалася беларускае правасуддзе, склаўся так, што ён, прызнаны без віны вінаватым, адседзеў у турме па абвінавачванню ў падпалах, а праз тры гады быў цалкам апраўданы судом. А зараз з-за свайго «цёмнага» мінулага не можа нідзе ўладкавацца на працу.
17.01.2012 Мікалай Аўтуховіч будзе пераведзены ў турму да канца тэрміну
У Івацэвіцкай калоніі № 5 адбыўся суд над палітвязнем Мікалаем Аўтуховічам, ініцыянаваны кіраўніцтвам калоніі. Зыходзячы са шматлікіх парушэнняў рэжыму яму змененыя ўмовы ўтрыманьня на больш жорсткія. Рэшту тэрміну, а гэта 2 гады, 2 месяцы і 21 дзень, ён правядзе ў турме. Верагодна, што Аўтуховіча накіруюць у Гародню.
17.01.2012 Барысаў: Абласны суд пакінуў штраф дэмактывісту ў сіле
Суддзя Менскага абласнога суда Г.В. Руноў палічыў, што пакаранне зборшчыку подпісаў за правядзенне Народнага сходу Мікалаю Ільюшонку ў выглядзе штрафу ў памеры 15 базавых велічынь за нібыта арганізацыю несанкцыянаванага масавага мерапрыемства, правамерна.
17.01.2012 Вярхоўны суд не адмяніў арышт за “дробнае хуліганства”
Грамадскі актывіст, ініцыятар грамадзянскай кампаніі «Справаводства па-беларуску!» Ігар Случак атрымаў адказ на сваю скаргу ў Вярхоўны суд. Малады чалавек не быў згодны з пастановай суду Савецкага раёну Гомеля аб прыцягненні яго да арышту за «брудную лаянку» і абскарджваў дадзенае рашэнне ў вышэйстаячых інстанцыях.
17.01.2012 Мікалай Уласевіч нанёс прадпрымальніку “маральных стратаў” на мільён рублёў
Пастановай суду Ашмянскага раёну часткова задаволены пазоў індывідуальнага прадпрымальніка, дырэктара будаўнічай фірмы Андрэя Дзятко да грамадскага актывіста з мястэчка Варняны, каардынатара рэгіянальнай ініцыятывы “Астравецкая атамная станцыя – гэта злачынства” Мікалая Уласевіча.
