Навіны на тэму: суды
05.04.2018 Абласны суд не задаволіў скаргу брэсцкага блогера Сяргея Пятрухіна
Суддзя Руслана Сянько лічыць, што пакаранне, вынесеная судом Ленінскага раёна нібыта за заклік удзельнічаць у несанкцыянаванай акцыі супраць будаўніцтва акумулятарнага завода, адэкватнае і справядлівае.
03.04.2018 Суд адмовіў былым фігурантам справы "Аб падрыхтоўцы масавых беспарадкаў" у маральнай кампенсацыі
Суддзя Вольга Гусакова стала на бок Мінфіна і пракурора, якія лічаць, што незаконнасць дзеянняў органаў, якія вялі крымінальны працэс, пакуль не даказаная.
31.03.2018 Суд аштрафаваў актывістку з Дуброўна, якая збіралася ў Мінск на Дзень Волі
Суд Дубровенскага раёна аштрафаваў Наталлю Стрэльчанка на восем базавых велічынь за супраціўленне законным патрабаванням міліцыі. Яна плануе абскарджваць дадзенае рашэнне.
30.03.2018 Суд за расцяжку “Свабоду Хартыі97”: штраф 20 базавых
Суд Першамайскага раёна Мінска 30 сакавіка разгледзеў адміністрацыйную справу Рамана Галавашкі за вывешванне расцяжкі “Свабоду Хартыі-97” каля Батанічнага саду 13 сакавіка.
28.03.2018 Колькі ў Беларусі каштуе любоў да роднай мовы?
Суды працягваюць разглядаць адміністрацыйная справы ўдзельнікаў збору подпісаў у падтрымку беларускай мовы і адкрыццё нацыянальнага ўніверсітэта, які праходзіў у Мінску і некаторых гарадах 21 лютага і ў наступныя дні.
28.03.2018 Мінфін не жадае выплочваць кампенсацыю маральнай шкоды. Што скажа суд?
Суд Маскоўскага раёну Мінска пачаў 27 сакавіка разгляд калектыўнай скаргі чатырох фігурантаў «справы аб масавых беспарадках» да Мінфіна аб кампенсацыі маральнай шкоды, нанесенай ім незаконным затрыманнем і ўтрыманнем пад вартай працяглы час.
27.03.2018 Мінскі гарадскі суд пакінуў прысуд Андрэю Бяляўскаму без зменаў
27 сакавіка адбыўся разгляд апеляцыйнай скаргі былога фігуранта справы “Аб падрыхтоўцы масавых беспарадкаў” Андрэя Бяляўскага. Ён скардзіўся на прысуд Ленінскага раённага суда, які прысудзіў яго да аднаго года “хатняй хіміі” за захоўванне аднаго патрона.
27.03.2018 За адмову размаўляць з КДБ – штраф 20 базавых велічынь
26 сакавіка ў судзе Баранавічскага раёна і г. Баранавічы адбыўся разгляд адміністрацыйнай справы ў дачыненні да актывіста Іллі Сянько. Яго вінавацілі ў непадпарадкаванні законнаму патрабаванню службовай асобе за тое, што ён не з’явіўся на прафілактычную размову ў КДБ.
26.03.2018 "Судоў ня будзе, па ўсіх пытаннях тэлефануйце ў РУУС"
Адміністрацыйныя справы затрыманых 25 сакавіка ў Мінску актывістаў, валанцёраў, праваабаронцаў і проста грамадзян, павінны былі разглядаюцца сёння ў судах Мінска. Сакратар суда Савецкага раёна абвесціла, што судоў сёння не будзе. Прычынаў такога рашэння не патлумачылі і новай даты не назвалі. Аднак ніхто не разыходзіцца, бо баяцца, што суды могуць правесці без удзелу правапарушальнікаў.
23.03.2018 Афнагель атрымаў 10 сутак, Касавараў - 6 базавых штрафу. Абодвух судзілі па 23.34 КаАП
Бліжэй да вечара нарэшце стала вядома, што Афнагель арыштаваны на 10 сутак. Арцёма Касаварава прызналі вінаватым у парушэнні артыкула 23.34 КаАП. Суддзя палічыла фота са скульптурай гарадавога, якое актывіст зрабіў падчас раздачы ўлётак, незаконным пікетаваннем.
23.03.2018 Тры гады "хатняй хіміі" і 40 базавых штрафу - прысуд Васілю Белькіну
Суд Дзяржынскага раёна вынес прысуд мужчыне, якога мінулым летам ва ўласным доме збілі міліцыянты. Яго прызналі вінаватым ў прымяненні гвалту ў дачыненні супрацоўніка міліцыі і ў яго абразе.
23.03.2018 Актывіста будуць судзіць за нежаданне прысці на "прафілактычную размову" у КДБ
23 сакавіка ў 16.30 актывіста Іллю Сенько чакае разгляд адміністрацыйнай справы па арт. 23.4 КаАП (“Непадпарадкаванне законнаму патрабаванню службовай асобы”) у судзе Баранавічскага раёна і г. Баранавічы.
22.03.2018 Актывісты - суду: “Забарона шэсцяў парушае права на мірны сход”
Актывісты “Народнай грамады” звярнуліся ў раённы суд, каб ён прызнаў рашэнне Мінгарвыканкама па забароне дэманстрацыі 25 сакавіка незаконным.
22.03.2018 Актывістка, у якой канфіскавалі запрашальнікі на "Дзяды", патрабуе маральную і матэрыяльную кампенсацыю
Разгляд справы будзе адбывацца ў судзе Завадскога раёна 27 сакавіка ў 9.15 ранку. Суддзя – Жанна Роўда.
22.03.2018 Берасце: на судзе супраць будаўніцтва акумулятарнага завода ўсплываюць розныя хітрыкі
27 сакавіка працягнецца разгляд пазову праціўнікаў будаўніцтва акумулятарнага завода кампаніі “IPOWER”. Ініцыятарамі падачы выступілі прадстаўнікі ініцыятыўнай групы грамадзян і грамадская арганізацыя “Экадом”.
