Навіны на тэму: суды
29.01.2020 Вярхоўны суд разгледзіць скаргу на прысуд Дзмітрыя Паліенкі
Былы палітвязень Дзмітры Паліенка распавёў сайту palitviazni.info, што разгляд яго касацыйнай скаргі на рашэнне Мінскага гарадскога суда адбудзецца 14 лютага ў Вярхоўным судзе.
28.01.2020 Наталлю Спірыдонаву аштрафавалі за пікет і пачалі судзіць за расклейванне налепак
28 студзеня ў судзе Чыгуначнага раёну Віцебску актывістку «Еўрапейскай Беларусі» Наталлю Спірыдонаву аштрафавалі на 25 базавых велічынь за ўдзел у снежаньскім антыінтэграцыйным пікеце на плошчы Перамогі. У гэты ж дзень у судзе Кастрычніцкага раёну яна разам з полацкім актывістам Алесем Круткіным стала фігуранткай іншай адміністрацыйнай справы, піша "Віцебская Вясна".
28.01.2020 Праваабарончая праграма "Вясна" на Беларускім Радыё Рацыя
Асоба: 83-х гадовага Яна Грыба часта можна пабачыць на розных акцыях. “З 1988-га года я не прапусціў ні адной з іх”. А за апошнія мірныя сходы за незалежнасць актывіста ўжо пакаралі на 60 базавых велічынь (1620 рублёў). Хто ж ён — Ян Грыб?
28.01.2020 Гомель: Барысу Анікееву прысудзілі штраф за ўдзел у акцыі ў Мінску
Гомельскага актывіста Руху “За свабоду” Барыса Анікеева пакаралі штрафам памерам 15 базавых велічыняў за ўдзел у акцыі ў падтрымку незалежнасці Беларусі.
27.01.2020 Тыдзень пачынаецца з судоў: Новыя 15 сутак "Шэраму кату" і вялікія штрафы ўдзельнікам акцый за незалежнасць
Апошні тыдзень студзеня пачаўся з новых судоў над удзельнікамі акцый у падтрымку незалежнасці.
27.01.2020 Рэпартаж з суда, на якім журналістку "Новага Часу" аштрафавалі на 50 базавых
Па падліках праваабаронцаў "Вясны" за адзін дзень 27 студзеня мінскія суды вынеслі штрафаў на агульную суму 200 базавых велічыняў (5400 рублёў). У судзе Першамайскага раёна г. Мінска таксама судзяць журналістку “Новага Часу” Дзіяну Серадзюк.
24.01.2020 "Злачынства робяць тыя, хто спускае гэтыя пратаколы". Як прайшоў суд на Аланай Гебрэмарыям
24 студзеня ў судзе Маскоўскага раёна г. Мінска прайшло чарговае судовае пасяджэнне па адміністрацыйнай справе актывісткі “Моладзевага блока” Аланы Гебрэмарыям. Справа заведзеная па артыкуле 23.34 КаАП (парушэнне парадку правядзення несанкцыянаванага масавага мерапрыемства).
23.01.2020 Тры суды – тры штрафы. Прыхільнікаў незалежнасці аштрафавалі на 2160 рублёў
23 студзеня ў судзе Першамайскага раёну Віцебску суддзя Міхаіл Юрчанка аштрафаваў грамадзкіх актывістак Наталлю Спірыдонаву на 25 базавых велічынь, а Таццяну Севярынец – на 30. У той жа час у судзе Віцебскага раёну Міхаіл Зубеня прысудзіў Алене Янушкоўскай 25 б.в. Усіх трох звінавацілі паводле ч.1, арт. 23.34 КаАП.
22.01.2020 У Вілейцы асудзілі актывіста за акцыі ў падтрымку незалежнасці
Актывіст з Вілейкі Андрэй Кудзік 22 студзеня атрымаў штраф у 30 базавых велічынь (810 рублёў) за ўдзел у акцыях у падтрымку незалежнасці, якія праходзілі ў Мінску 20 і 21 снежня 2019 года. Такое рашэнне прыняла суддзя суда Вілейскага раёна Алена Ахметава.
22.01.2020 Саляніка ўтрымлівалі ўсю ноч у ізалятары і РАУСах, а раніцай асудзілі за "хуліганства"
Мікалая Саляніка, якога забралі з будынку Гарадзенскага абласнога суда людзі ў маскамі на тварах, цэлую ноч утрымлівалі ў РАУСах і ІЧУ. Нягледзячы на тое, што Салянік з'ўяляецца інвалідам другой групы і ў яго хворае сэрца.
22.01.2020 "Памыліліся і абазналіся". Журналістку "Новага Часу" зноў будуць судзіць
Як паведаміла праваабаронцам "Вясны" журналістка "Новага Часу" Дзіяна Серадзюк, на яе склалі новы адміністрацыйны пратакол па ч.3 арт. 23.34 КаАП за ўдзел у снежаньскіх антыінтэграцыйных акцыях. Новы суд прызначаны на панядзелак, 27 студзеня ў 11:00 у судзе Першамайскага раёна г. Мінска.
22.01.2020 Віцебскага блогера Аляксандра Дуброўскіх асудзілі на 15 сутак
Віцяблянін Аляксандр Дуброўскіх знаходзіцца зараз у ізалятары часовага ўтрыманьня, дзе адбывае 15 сутак арышту. Пра гэта паведаміў «Віцебскай вясне» праваабаронца Павал Левінаў, спаслаўшыся на інфармацыю, якую атрымаў у судзе і віцебскім ІЧУ.
22.01.2020 Гародня: перформанс актывіста Саляніка ў судзе завяршыўся затрыманнем. Яго месцазнаходжанне дагэтуль невядома
У Гарадзенскім абласным судзе 21 студзеня адбыўся разгляд скаргі Мікалая Саляніка, якога суд Кастрычніцкага раёна Гародні абвінаваціў ў арганізацыі і ўдзеле ў несанкцыянаванай акцыі “За Незалежнасць”.
21.01.2020 У Віцебску суддзя разгледзела справу Алены Янушкоўскай за 5 хвілін: штраф – 675 рублёў
Крыху больш за 5 хвілін доўжыўся суд над актывісткай і блогеркай Аленай Янушкоўскай, якую вінавацілі ў парушэнні заканадаўства аб масавых мерапрыемствах (ч.1 арт. 23.34 КаАП). Суд Чыгуначнага раёну Віцебска 21 студзеня прызнаў яе вінаватай і ў «хуткасным рэжыме» пакараў штрафам у памеры 25 базавых велічынь (675 рублёў).
21.01.2020 Праваабарончая праграма "Вясна" на Беларускім Радыё Рацыя
Падзея: Паспрабуем разабрацца ў “чэрыкаўскай трагедыі” (10 снежня там былі вынесеныя адразу два смяротныя прысуды братам Іллі і Станіславу Косцевым за забойства настаўніцы Наталлі Кастрыцы).
