Навіны на тэму: суды
23.02.2021 Пачаўся суд над палітвязнем Яўгенам Дзмітрыевым. Пацярпелыя не маюць патрабаванняў
У судзе Цэнтральнага раёна г. Мінска 23 лютага пачаўся судовы працэс над 26-гадовым палітвязнем Яўгенам Дзмітрыевым, якога абвінавачваюць паводле ч. 1 арт. 342 і арт. 364 Крымінальнага кодэкса за падзеі 4 кастрычніка, калі быў зламаны вадамёт.
23.02.2021 “Замест кансалідацыі, выбраў дэструктыўны шлях”. Аляксандра Дзеркача асудзілі на 4 гады калоніі
23 лютага ў судзе Маскоўскага раёна Мінска працягваецца разгляд крымінальнай справы ў дачыненні да Аляксандра Дзергача, якога вінавацяць ў актыўным ўдзеле ў групавых дзеяннях, што груба парушаюць грамадскі парадак, пагрозе прымянення гвалту да супрацоўніка міліцыі і наўмысным пашкоджанні маёмасці.
23.02.2021 Праваабарончая праграма "Вясна" на Беларускім Радыё Рацыя
Крымінальныя рэпрэсіі па палітычных матывах. Ідзе суд на Віктарам Бабарыкам, а валанцёраў яго штаба ці ўжо асудзілі (як Лявона Халатрана) ці працягваюць судзіць (як Антона Бяленскага). Узгадаем таксама гісторыю палітвязня Ігната Сідорчыка: 17 лютага яго асудзілі на “хімію” у Маскоўскім судзе — у тым жа судзе, дзе зараз праходзіць працэс над Бабарыкам і дзе з-за гэтага перанеслі суд над Бяленскім.
23.02.2021 Суд па справе Віктара Бабарыкі адкладзены на нявызначаны тэрмін
У будынку суда Маскоўскага раёна Вярхоўны суд працягвае разгляд крымінальнай справы "Белгазпрамбанка", адным з фігурантаў якой з'яўляецца палітвязень экс-прэтэндэнт у кандыдаты ў прэзідэнты Віктар Бабарыка.
23.02.2021 Віцебск: Паўтары гады калоніі медсястры, якая хацела дапамагчы збітаму амапам хлопцу
Суд Кастрычніцкага раёна Віцебска 23 лютага асудзіў Юлію Кашавераву за тры ўдары па міліцэйскаму бусіку на на 1 год і 6 месяцаў калоніі агульнага рэжыму.
23.02.2021 Пракурор просіць два гады калоніі для Наталлі Раентавай, якая ўкусіла сілавіка за сцягно пры затрыманні ў тралейбусе
Суд Цэнтральнага раёна Мінска 23 лютага пасля больш за тры месяцы перапынку працягнуў разгляд крымінальнай справы ў дачыненні да Наталлі Раентавай, якая пры затрыманні 29 жніўня ў тралейбусе пасля Жаночага маршу салідарнасці ўкусіла супрацоўніка АМАПа за сцягно.
23.02.2021 Антыфашыста Уладзіслава Зяневіча пакаралі трыма гадамі "хіміі"
Прысуд вынесла суддзя Марына Запаснік.
22.02.2021 Мінск: пачаўся суд над Рыгорам Давыдавым. Вінавацяць у "замахванні", пацярпелых няма
Суд Фрунзенскага раёна пачаў разглядаць крымінальную справу ў дачыненні да 26-гадовага Рыгора Давыдава
22.02.2021 У Віцебску пачаўся крымінальны працэс супраць мужчыны, хворага на анкалогію. Яго вінавацяць у гвалце над міліцыянтамі
Суд Першамайскага раёну Віцебску пачаў разглядаць справу 54-гадовага Уладзіміра Малахоўскага. Яго вінавацяць у гвалце і пагрозе гвалту ў дачыненні супрацоўнікаў унутраных справаў (арт. 364 КК). Уладзімір Малахоўскі хворы на рак, мае трэцюю групу інваліднасці, паведамляе "Белсат".
22.02.2021 Дзверы ў судовую залу замыкаюцца на ключ. Працягваецца закрыты суд над журналісткай і лекарам па справе "нуль праміле"
Суд Маскоўскага раёна Мінска 22 лютага працягвае разглядаць крымінальную справы супраць журналісткі Кацярыны Барысевіч і лекара Арцёма Сарокіна. Іх абвінавачваюць у разгалошванні медыцынскай таямніцы, што заключаецца ў паведамленні імі, што ў вечар бойкі Раман Бандарэнка не быў п'яны (ч. 3 арт. 178 КК).
22.02.2021 Віцебск: Замест вынясення прысуду Юліі Кашаверавай суд пастанавіў працягнуць судовае следства
Суддзя растлумачыў, што на працэсе паўторна вывучаць адзін з відэазапісаў, а таксама паказанні Юліі Кашаверавай, якія яна дала на папярэднім следстве — «з прычыны істотных супярэчнасцяў».
22.02.2021 Гародня: Пракурор патрабуе для таксіста Аляксея Лапы тры гады пазбаўлення волі
Гэта адзін з самых працяглых судоў па крымінальнай справе па артыкуле 364 за апошні час, суд распачаўся яшчэ 5 лістапада і доўжыцца тры з паловай месяцы.
22.02.2021 Вынікі судоў па адміністрацыйных справах за 22 лютага
22 лютага ў Мінску і іншых гарадах адбываюцца разгляды адміністрацыйных спраў у дачыненні да тых, каго затрымлівалі на выходных і ў папярэднія месяцы, а таксама, каго выклікалі ў суд павесткай.
22.02.2021 У Гомелі вынеслі суровыя прысуды па справе аб "кактэйлях Молатава"
У Чыгуначным судзе Гомеля раніцай 22 лютага былі агучаныя прысуды па так званай справе аб "кактэйлях Молатава", піша Гомельская Вясна.
22.02.2021 На два гады "хіміі" асудзілі маладзечанца, які трымаў музычную калонку на акцыі 9 жніўня
У судзе Маладзечанскага раёна 22 лютага быў вынесены прысуд па крымінальнай справе мясцовага жыхара Віктара Таўгеня паводле артыкула 342 Крымінальнага кодэкса за ўдзел у акцыі пратэсту 9 жніўня ў горадзе. Суддзя Іна Каханоўская прысудзіла Віктару два гады абмежавання волі з накіраваннем у папраўчую ўстанову адкрытага тыпу ("хімія"). Менавіта такое пакаранне запрасіў падчас спрэчак пракурор.
