Навіны на тэму: звароты
09.10.2009 “Бацькаўшчына” заклікае парламент прыняць закон аб беларусах замежжа
На падставе рашэнняў нядаўняга Пятага з’езда беларусаў свету МГА “ЗБС “Бацькаўшчына” звярнулася да Палаты Прадстаўнікоў з тым, каб была ўзноўленая праца па распрацоўцы праекта закона, які б рэгуляваў стасункі Рэспублікі Беларусь з беларусамі замежжа.
07.10.2009 Тысячы беларусаў просяць прэзідэнта Расіі спыніць перамовы ў справе АЭС
Больш як пяць тысяч беларускіх грамадзян звярнуліся да прэзідэнта Расіі Дзмітрыя Мядзведзева з просьбай спыніць перамовы аб будаўніцтве АЭС у Беларусі.
01.09.2009 Вядомыя грамадскія дзеячы звярнуліся да сусветных лідэраў
Вядомыя грамадскія дзеячы звярнуліся да сусветных лідэраў з просьбай аб садзейнічанні ў правядзенні незалежнай экспертызы справы Аўтуховіча, Лявонава і Асіпенкі. Пра гэта паведаміў праваабаронца Алег Волчак.
01.09.2009 Генеральны пракурор адфутболіў зварот сваякоў зніклых палітыкаў
Зінаіда Ганчар, жонка выкрадзенага ў верасні 1999 года апазіцыйнага палітыка і віцэ-прэм’ера Віктара Ганчара, разам са сваякамі іншых зніклых Вольгай Завадскай і Ульянай Захаранка, звярнулася 17 жніўня ў Генеральную пракуратуру Беларусі са зваротам, у якім патрабавала, каб цягам бліжэйшага месяца - да 16 верасня – Генеральны пракурор Рыгор Васілевіч зрабіў публічную справаздачу аб выніках праведзенага па справе знікненняў раследавання. У выніку – атрымала чарговую адпіску.
25.08.2009 Палітыкі і грамадскія дзеячы прынялі зварот у падтрымку царквы "Новае жыццё"
Беларускія палітыкі і грамадскія дзеячы прынялі адкрыты зварот да Адміністрацыі прэзідэнта, Мінгарвыканкама, Нацыянальнага схода і Савета міністраў, у якім заклікалі спыніць пераслед вернікаў царквы "Новае жыццё". Аўтары звароту нагадваюць кіраўніцтву Беларусі "аб адказнасці і перад Богам, і перад людзьмі за дэстабілізацыю сітуацыі ў краіне".
24.08.2009 Зварот адносна нерэгістрацыі "Нашай Вясны" - міма вушэй
Беларускі Дом правоў чалавека і Фундацыя дамоў правоў чалавека атрымалі на свой зварот да беларускіх уладаў адказ з Вярхоўнага Суду РБ. На жаль, заклік “прытрымлівацца нацыянальнага заканадаўства і міжнародных дакументаў”, якія гарантуюць права на свабоду аб’яднанняў, быў фактычна ігнараваны.
20.08.2009 Пастары Беларусі звярнуліся да прэзідэнта з нагоды парушэння правоў вернікаў
20 жніўня 50 пастараў евангельскіх цэркваў Беларусі падпісалі зварот да прэзідэнта краіны Аляксандра Лукашэнка. У лісце паднімаюцца актуальныя пытанні парушэння правоў чалавека службоўцамі, якія абавязаны ўдзельнічаць у забеспячэнні выканання заканадаўства ў галіне свабоды сумлення, але "на практыцы ажыццяўляюць рэпрэсіўную палітыку датычна евангельскіх цэркваў".
18.08.2009 Гары Паганяйла: «Справы аб знікненні беларускіх палітыкаў раскрыты на юрыдычным узроўні...»
17 жніўня сваякі зніклых беларускіх палітыкаў і незалежныя юрысты, якія працуюць па гэтых справах, склікалі спецыяльную прэс-канферэнцыю. Справа ў тым, што сёлета — своеасаблівы “юбілей ганьбы” беларускай праваахоўнай сістэмы: дзесяць год, як у краіне зніклі вядомыя людзі, але злачынствы так і не раскрыты.
15.08.2009 Жанчыны перадалі свой зварот Філіпу Гордану
Памочніку дзяржсакратара ЗША па справах Еўропы і Еўразіі Філіпу Гордану быў перададзены зварот грамадскай ініцыятывы «Жанчыны супраць беззаконня ў судах і пракуратуры», які падпісалі 176 чалавек.
27.07.2009 Праваабаронцы выступаюць супраць моўнай дыскрымінацыі ў войску
Праваабаронцы ПЦ "Вясна" накіравалі адкрыты зварот да міністра абароны і генеральнага пракурора Рэспублікі Беларусь з патрабаваннем спыніць незаконны пераслед і ціск на ваенаслужачага Франака Вячорку ды іншых беларускамоўных служачых ў сувязі з выкарыстаннем імі беларускай мовы пры праходжанні вайсковай службы.
23.07.2009 Лябедзька просіць міністра МУС адказаць за сваіх супрацоўнікаў
Лідэр Аб'яднанай грамадзянскай партыі накіраваў зварот на імя міністра ўнутраных справаў Анатоля Куляшова.
13.07.2009 Сетка ДПЧ выступіла супраць зняволення Арцёма Дубскага
13 ліпеня сябры міжнароднай Сеткі Дамоў правоў чалавека звярнуліся да беларускіх уладаў з заклікам неадкладна вызваліць моладзевага актывіста Арцёма Дубскага.
11.06.2009 Нязгодныя жанчыны ідуць да генпракурора
Група жанчын, нязгодных з прысудамі па грамадзянскіх ды крымінальных справах, маюць намер сёння накіравацца на прыём да генеральнага пракурора Беларусі Рыгора Васілевіча – у выпадку адмовы прымаць жанчынаў, грамадзянкі абяцаюць сабрацца на сталічнай Плошчы Свабоды ды падпісаць зварот у міжнародныя структуры.
07.05.2009 Галадоўнікі зьвярнуліся да Генеральнага пракурора Беларусі
Удзельнікі галадоўкі падалі заяву Генеральнаму пракурору РБ з просьбаю ў карацейшы тэрмін зьмяніць меру стрыманьня палітзьняволеным прадпрымальнікам Аўтуховічу, Лявонаву і Асіпенку ці неадкладна правесьці тэрміновы суд.
30.04.2009 Швецкія праваабаронцы заклікаюць не пускаць Навумава на чэмпіянат свету па хакеі
Швецкая ініцыятыва за дэмакратыю і правы чалавека звяртаецца ў Федэрацыю Хакея Швецыі, а таксама Швейцарскую Асацыяцыю Хакея і Швейцарскі Федэральны Аддзел замежных справаў з просьбаю пасадзейнічаць у тым, каб Уладзіміра Навумава не пусцілі на чэмпіянат свету ў Швейцарыю, паколькі ён падазраецца ў датычнасці да палітычных знікненняў людзей у Беларусі і ўваходзіць у спіс неўязных у краіны ЕС беларускіх чыноўнікаў. Зварот швецкіх праваабаронцаў падтрымаў віцэ-прэзідэнт Міжнароднай федэрацыі правоў чалавека Алесь Бяляцкі.
