Навіны на тэму: звароты
15.02.2012 Пракуратура лічыць, што Тацяна Севярынец ня мае права ініцыяваць праверку ў шпіталі
Каардынатарка аргакамітэту па стварэнні партыі БХД звярталася ў Віцебскую абласную пракуратуру з тым, каб пракурорскія работнікі правялі праверку ў Багушэўскім шпіталі для хворых на сухоты. Але пракуратура адмовіла.
14.02.2012 Зварот ПЦ "Вясна" да Сяргея Каваленкі
Праваабарончы цэнтр "Вясна" заклікае актывіста КХП-БНФ Сяргея Каваленку спыніць галадоўку. "Мы заклікаем Вас як мага хутчэй спыніць галадоўку, паколькі сёньняшнія ўлады не паважаюць ні Вашых перакананьняў, ні Вашага жыцьця. Мы лічым Ваш перасьлед выключна палітычным, і заклікаем Вас зьберагчы сваё здароўе для сваёй сям’і, жонкі, дзяцей, а таксама для Беларусі і яе будучыні".
14.02.2012 Савет Рэспублікі не падтрымаў прапанову гомельскіх апазіцыянераў прывесці адміністрацыйнае заканадаўства ў адпаведнасць Канстытуцыі
Нагодай для звароту стаў факт затрымання да суду і змяшчэнне ў ІЧУ гомельскіх апазіцыянераў напярэдадні Народнага сходу. Актывісты прабылі выходныя ў ізалятары, а ў панядзелак суд пакараў іх штрафам. Пытанне пра законнасць утрымання апазіцыянераў некалькі сутак ў ІЧУ павісла ў паветры.
13.02.2012 Адміністрацыя прэзідэнта: "Беларусь ідзе па шляху абмежавання смяротнага пакарання”
Праваабаронца Валянцін Стэфановіч атрымаў з Адміністрацыі прэзідэнта Рэспублікі Беларусь адказ на свой зварот с просьбай увесці мараторый на смяротнае пакаранне. Гэты зварот быў накіраваны разам з 165 тысячамі іншымі петыцыямі з 30 краінаў 9 снежня 2011 году, напярэдадні Дня правоў чалавека. У адказе гаворыцца, што “Рэспубліка Беларусь паслядоўна ідзе па шляху абмежавання выкарыстання смяротнага пакарання”.
09.02.2012 Канстытуцыйны суд адмовіўся разглядаць зварот Любові Кавалёвай
Любоў Кавалёва звярталася з просьбай вынесці рашэнне аб прызнанні неканстытуцыйным палажэння Крымінальна-выканаўчага кодэкса РБ, якое не прадугледжвае прыпынення выканання смяротнага пакарання ў сувязі з падачай і рэгістрацыяй індывідуальнага паведамлення ў Камітэт па правах чалавека ААН.
03.02.2012 Савет Рэспублікі: артыкул 193-1 “ахоўвае агульнапрынятыя правы чалавека і яго асноўныя свабоды”
Савет Рэспублікі не бачыць неабходнасці ініцыяваць скасаванне артыкула 193-1 Крымінальнага Кодэкса Рэспублікі Беларусь, бо "ён ахоўвае агульнапрынятыя правы чалавека і яго асноўныя свабоды і не парушае міжнародных стандартаў у галіне правоў чалавека".
02.02.2012 Маці Уладзіслава Кавалёва адказалі з адміністрацыі прэзідэнта
Любоў Кавалёва атрымала адказ на свой заврот да кіраўніка краіны з просьбай памілаваць яе сына, а таксама адказ на просьбу аб асабістай сустрэчы з Лукашэнкам.
02.02.2012 Маці Уладзіслава Кавалёва звярнулася ў Канстытуцыйны суд
Маці прыгаворанага да смяротнай кары за саўдзел у тэрарызме Уладзіслава Кавалёва звярнулася ў Канстытуцыйны суд Беларусі.
30.01.2012 Брэст: суд не знайшоў парушэнняў у дзеяннях намесніка старшыні гарвыканкама
Скаргу ў адносінах займаючага гэтую пасаду Вячаслава Хафізава накіраваў у суд Ленінскага раёна Брэста актывіст Руху “За свабоду” Сяргей Вакуленка, які лічыць, што чыноўнікаў парушыў Закон “Аб зваротах грамадзянаў”.
30.01.2012 Закон дзейнічае, а электронныя адрасы не створаны
З 22 студзеня ўступіў у законную сілу закон “Аб зваротах грамадзян і юрыдычных асоб”, нормы якога прадугледжваюць права грамадзян звяртацца з электронным зваротам да дзяржаўных органаў. На Віцебшчыне амаль нічога не зроблена, каб грамадзянін мог скарыстацца гэтым сваім правам.
26.01.2012 Сетка Дамоў правоў чалавека заклікала беларускія ўлады вызваліць Алеся Бяляцкага
“Мы расцэньваем утрыманне пад вартай Алеся Бяляцкага са жніўня 2011 года як прамы вынік яго законнай праваабарончай дзейнасці ў Беларусі”, - сказана ў закліку, распаўсюджаным сябрамі і партнёрамі Сеткі Дамоў правоў чалавека.
20.01.2012 Народны дэпутат БХД змагаецца за чыстае паветра ў Паставах
Актывіст аргкамітэту па стварэнні партыі "Беларуская Хрысціянская Дэмакратыя" Уладзімір Казлоўскі распачаў у Паставах збор подпісаў супраць будаўнітва ў горадзе ля малаказаводу ачышчальных пабудоваў.
20.01.2012 Людзей добрай волі заклікаюць ратаваць жыцьцё і здароўе Сяргея Каваленкі
Камітэт па дапамозе Сяргею Каваленку, яго блізкія і родныя зьвярнуліся да людзей добрай волі з заклікам выратаваць палітвязьня. Адпаведны зварот быў накіраваны ў дыпляматычныя і гуманітрныя ўстановы. Сярод атрымальнікаў звароту - АБСЭ, ААН, Сусьветная арганізацыя здароўя, амбасады ЗША, Швэцыі, Чэхіі, Расеі і іншых краін. Іфармацыя пра перасьлед Сяргея Каваленкі была перададзеная таксама ў праваабарончую арганізацыю Amnesty International.
10.01.2012 Пракуратура не выявіла фактаў жорсткага абыходжання з Аўтуховічам
Пракуратура Брэсцкай вобласці адмовіла ва ўзбуджэнні крымінальнай справы па фактах жорсткага абыходжання з Мікалаем Аўтуховічам, паколькі падчас праверкі выявіць факты сістэматычнай знявагі яго асабістай годнасці ці схілення яго да самагубства з боку адміністрацыі калоніі “не прадставілася магчымым”.
09.01.2012 Былы падпалкоўнік міліцыі будзе звяртацца ў Следчы камітэт
Пракуратура Мінскай вобласці не знайшла падставаў для правядзення праверкі ў дачыненні супрацоўнікаў салігорскай міліцыі, якія далі ілжывыя сведчанні ў судзе Салігорскага раёну па справе аб маўклівых пратэстах. У сувязі з гэтым былы падпалкоўнік фінансавай міліцыі Вікатар Малочка прыняў рашэнне звярнуцца з адпаведным запытам у новаствораны Следчы камітэт
