Навіны на тэму: звароты
05.07.2012 Любоў Кавалёва так і не атрымала тлумачэнняў наконт абыходжання з целамі пакараных смерцю
Маці Уладзіслава Кавалёва, расстралянага паводле абвінавачання ў тэрарызме, звярталася ў розныя інстанцыі, у тым ліку і да Аляксандра Лукашэнкі. Яна прасіла, каб ёй выклалі абгрунтаванне неабходнасці трымаць у сакрэце месцы пахавання пакараных смерцю і немагчымасці аддаць іх целы для пахавання сваякам.
29.06.2012 Гарадзенскія журналісты выступаюць у падтрымку Андрэя Пачобута
Гарадзенскія журналісты звяртаюцца да Генеральнага пракурора Рэспублікі Беларусь з заявай, у якой выказваюць пратэст у звязку з узбуджэннем чарговай крымінальнай справы ў дачыненні да публіцыста Андрэя Пачобута. Усяго пад заявай ужо падпісалася каля 20 чалавек.
26.06.2012 Міністэрства інфармацыі ў справе дыскрымінацыі цыганаў ківае на міліцыю
Гомельскія праваабаронцы, сябры БХК Марыя Багдановіч і Алесь Яўсеенка атрымалі адказ з Міністэрства інфармацыі на калектыўны зварот. Заяўнікі звярталі ўвагу Міністэрства, што ў дзяржаўных СМІ, прынамсі, у «Гомельскай праўдзе» і «Светлым жыцці» (Лельчыцы) з'яўляюцца матэрыялы, якія абражаюць цыганскую дыяспару.
22.06.2012 У Беларусі пад сур’ёзнай пагрозай знаходзіцца незалежнасць юрыдычнай прафесіі
Прэзідэнт Амерыканскай Асацыяцыі Юрыстаў Вільям Т. Робінсан III выказаў заклапочанасць становішчам беларускай адвакатуры. Ён накіраваў лісты вярхоўнаму камісару ААН па правах чалавека і старшыні Еўрапарламента, у якіх ад імя Асацыяцыі выказаў заклапочанасць з нагоды існуючых у Беларусі парушэнняў міжнароднага права, якія датычацца незалежнасці адвакацкай прафесіі.
22.06.2012 Віцебскі апазіцыянер патрабуе пакараць кіраўнікоў раённых адміністрацый
Сябар Кансерватыўна-Хрысціянскай Партыі БНФ Ян Дзяржаўцаў накіраваў ў Віцебскі гарвыканкам скаргу на чыноўнікаў, якія праігнаравалі ягонае запрашэнне далучыцца да пікетаў 22 красавіка. Актывіст лічыць, што маўчанне ў адказ на ягоную прапанову – гэта паказнік кепскай працы са зваротамі грамадзян.
11.06.2012 Жыхары Баранавіч патрабуюць зменаў выбарчага заканадаўства
Грамадскі актывіст Рыгор Грык сабраў 105 подпісаў жыхароў горада Баранавічы пад зваротам за змены выбарчага заканадаўства краіны, накіраваны ў Адміністрацыю прэзідэнта і Цэнтральную камісію па выбарах і правядзенні рэспубліканскіх рэферэндумаў.
11.06.2012 Прапановы па гуманізацыі крымінальна-выканаўчага заканадаўства могуць патануць у бюракратычнай перапісцы
Сябра Баранавіцкай гарадской філіі БХК Анжаліка Камбалава атрымала адказ ад намесніка старшыні пастаяннай камісіі Палаты прадстаўнікоў Нацыянальнага Схода па нацыянальнай бяспецы Анатоля Ваньковіча.
08.06.2012 Брэсцкая ДАІ правяла сумесную акцыю з незарэгістраванай арганізацыяй
Брэсцкі каардынатар Грамадскага аб’яднання “Рух за Свабоду" Дзяніс Турчаняк вырашыў высветліць, ці не парушыла мясцовая Дзяржаўтаінспекцыя закон, калі ладзіла масавае мерапрыемства разам з незарэгістранай арганізацый -- аўтаклубам “Патрыёт”.
08.06.2012 Бабруйчане атрымалі адказ на зварот адносна папулярызацыі беларускай мовы
У сярэдзіне траўня бабруйскія сябры ТБМ збіралі подпісы за папулярызацыю беларускай мовы ў сваім горадзе, якія былі накіраваны разам са зваротам у гарвыканкам. Бабруйчане прасілі мясцовыя ўлады надаць беларускай мове не намінальны, а рэальны дзяржаўны статус.
07.06.2012 Баранавіцкі актывіст – за паслядоўнасць у выкананні законаў
Рыгор Грык накіраваў пісьмовыя заявы ў Следчы камітэт, Міністэрства ўнутраных спраў і Генеральнаму пракурору краіны, дзе паведамляе, што 22 мая суд Савецкага раёна Мінска падчас разгляду іска Марыны Цыбліенкі да апазыцыйнага палітыка Віктара Івашкевіча пікетавалі 25 прадстаўнікоў афіцыйнай Фэдэрацыі прафсаюзаў Беларускай, а таксама актывісты БРСМ.
05.06.2012 Любоў Кавалёва напісала скаргу старшыні КДБ
Маці расстралянага Уладзіслава Кавалёва, абвінавачанага ў тэрарызме, больш як 30 дзён чакала адказу на свой ліст з СІЗА КДБ. У скарзе на імя старшыні КДБ Вадзіма Зайцава яна піша, што ягоныя падначаленыя парушаюць прэзідэнцкі ўказ пра звароты грамадзянаў.
05.06.2012 Дэпутаты не спяшаюцца гуманізаваць заканадаўства ў адносінах да асуджаных
Анжаліка Камбалава атрымала ліст ад Святланы Пішч, у якім дэпутат пісьмова выказала падзяку актывістцы за актыўную грамадзянскую пазіцыю і праяўленую ініцыятыву. Раней мы паведамлялі, што Анжаліка Камбалава накіравала лісты дэпутатам парламента з прапановаю гуманізаваць Крымінальна-выканаўчае заканадаўства краіны ў адносінах да асуджаных.
05.06.2012 У беларускім заканадаўстве з'явіцца вызначэнне паняцця "катаванне" (дакумент)
Пра гэта салігорскім грамадскім актывістам паведаміў у сваім электронным лісце старшыня Пастаяннай камісіі па заканадаўстве і судова-прававых пытаннях Палаты прадстаўнікоў М. Л. Самасейка. Нагадаем, што некалькі салігорцаў накіравалі звароты аб увядзенні ў беларускае крымінальнае заканадаўства паняцця “катаванне” і адказнасці за гэтае злачынства.
04.06.2012 Баранавіцкая міліцыя не ведае рашэння выканкаму аб масавых мерапрыемствах
Рыгор Грык не можа заключыць дамову з гарадскім аддзелам міліцыі па ахове грамадскага парадку падчас правядзення масавага мерапрыемства. Намеснік начальніка аддзела ГАУС падпалкоўнік Трафімаў А.А. паведаміў грамадскаму актывісту, што калі гарвыканкам дазволіць правядзенне пікета, тады і, маўляў, заключым дамову па ахове грамадскага парадку.
01.06.2012 Брэстчане – супраць дыскрымінацыйнага рашэння аб масавых мерапремствах
У Брэсцкі аблвыканкам перададзены зварот наконт адмены рашэння гарадскіх уладаў, якое тычыцца правядзення масавых мерапрыемстваў. Пад гэтым зваротам, які адначасова накіраваны ў пракуратуру Брэсцкай вобласці, мясцовыя праваабаронцы сабралі каля 200 подпісаў жыхароў горада.
