Навіны на тэму: сілавыя структуры
06.12.2011 Ператрус у кватэры актывісткі АГП у Бабруйску
У кватэры намесніцы старшыні Бабруйскай гарадской арганізацыі АГП Алёны Тоўсцік супрацоўнікі міліцыі правялі агляд.
05.12.2011 Магілёў: падпалкоўнік Паркаў праявіў двайную некампетэнтнасць
Першы раз на старонках газеты “Веснік Магілёва” ў артыкуле “Массовые меропритяи: новые акценты в законе” ён адзначыў, што месцаў для правядзення масавых мерапрыемстваў у горадзе два (калі яно толькі адно). А калі ў наступным нумары выйшла ўдакладненне яго словаў, высветлілася, што ён недакладна назваў і назву гэтага адзінага месца.
05.12.2011 У Быхаўскім раёне міліцыянты падрабілі пратаколы
Падчас разгляду адміністратыўнай справы ў судзе Быхаўскага раёна высветлілася, што пратаколы апытання і адміністратыўнага правапарушэння падробленыя міліцыянтамі. Пра гэта сцвярджае прыцягнуты да адказнасці жыхар вёскі Дабужа Аляксандр Шачанок, які з дапамогай праваабаронцаў рыхтуе скаргу ў пракуратуру Быхаўскага раёна.
03.12.2011 У Івацэвічах актывіста Халадовіча нейтралізавалі ў дзень прыезда Лукашэнкі
Грамадскі актывіст Станіслаў Халадовіч працуе падменным слесарам водазабора івацэвіцкай ЖКГ. У чацвер ён быў тэрмінова выкліканы да начальства, дзе яму паведамілі, што ён адкліканы з выходнага 2 снежня і павінен выйсці на змену на ачысныя, якія знаходзяцца ў лясным масіве. Прычыны ніхто не патлумачыў.
02.12.2011 У Магілёве міліцэйскі чыноўнік праявіў некампетэнтнасць
У інтэрв’ю газеце “Веснік Магілёва” падпалкоўнік міліцыі Дзмітрый Паркаў адзначыў, што ў горадзе ёсць два месцы для правядзення масавых мерапрыемстваў: стадыён па вуліцы Чалюскінцаў, 64 В і пляцоўка каля палаца культуры завода Кірава. Да гэтай заявы падпалкоўніка было вядома толькі адно з гэтых месцаў.
01.12.2011 Брэсцкая міліцыя зацікавалася малітвамі за Беларусь
У актывіста БХД Зміцера Шурхая міліцыянты дапытваліся, каму належыць ініцыятыва ладзіць такія сустрэчы, якім чынам распаўсюджваецца інфармацыя пра месца і час спатканняў. Акрамя Шурхая ў міліцыю выкліканыя таксама іншыя асобы, чые дадзеныя трапілі ў міліцыю.
01.12.2011 Канфіскаваную тэхніку вярнулі ў непрацоўным стане
Маладэчанскаму праваабаронцу Алесю Капуцкаму, нарэшце, вярнулі тэхніку, якая была канфіскавана падчас ператрусу 25 снежня мінулага года, праведзенага ў межах крымінальнай справы “аб масавых беспарадках”. Два сістэмныя блокі і фотаздымач, якія Алесь забраў з міліцыі, аказаліся зламанымі, уся інфармацыя з іх знішчана.
30.11.2011 Алесем Сердзюковым зацікавілася пракуратура і фінансавая міліцыя
Адразу дзьве позвы атрымаў актывіст Беларускай сацыял-дэмакратычнай партыі (Грамады) Алесь Сердзюкоў. Першая была з пракуратуры, другая – з Упраўлення Дэпартамента фінансавых раследванняў па Магілёўскай вобласці.
30.11.2011 Крупкі: апраўданых пры масавых затрыманнях будуць зноў судзіць
Трое жыхароў Крупак, якія былі затрыманыя 18 лістапад менскім АМАПам і апраўданыя Крупскім раённым судом, зноў паўстануць перад судом.
29.11.2011 Скаргу Сяргея Трафімчыка пракуратура “адфутболіла”
Сяргей Трафімчык, грамадска-палітычны актывіст з Бярозаўкі Лідскага раёну, атрымаў адпіску на сваю скаргу, якую ён падаваў у абласную пракуратуру на дзеянні мастоўскай міліцыі. Пракуратура пераслала гэтую скаргу ў Гарадзенскае абласное упраўленне ўнутраных справаў. Адтуль Трафімчыку паведамляюць, што разгляд яго пытання падоўжаны да 7 снежня.
28.11.2011 Крупкі: за паказаннямі сведкі мінскія міліцыянты прыйшлі ў нядзельны вечар
У Крупках да Аляксандра Бандарэнкі ў мінулую нядзелю ўвечары каля паловы на восьмую завіталі два супрацоўнікі міліцыі, каб «узяць сведкавыя паказанні». Ён быў сведкам масавага затрымання менскім АМАПам крупскіх мужчын у кафэ «Дарожнае» у ноч з 19 на 20 лістапада.
28.11.2011 Замест пракуратуры на скаргу адказаў РАУС
Паўтары месяцы чакаў адказу з пракуратуры Карэліцкага раёна кіраўнік слонімскай суполкі БНФ Іван Шэга. У пракуратуру ён звярнуўся пасля таго, як 8 кастрычніка па дарозе са Слоніма на Мінск яго затрымалі супрацоўнікі ДАІ Карэліцкага РАУС. Іх дзеянні актывіст палічыў незаконнымі і абскардзіў у пракуратуру.
23.11.2011 Затрымалі за тое, што размаўляў па-беларуску. А ў пастарунку правялі валікам для дактыласкаміі па твару і акунулі галавой ва ўнітаз
Жудасным здзекам з боку міліцыянтаў падвергся ў Магілёве бабруйскі актывіст “Моладзі БНФ” Андрэй Падаляк. Праваабаронца Барыс Бухель адзначае, што ўлада разбэшчвае свае структуры, а абсалютная ўлада разбэшчвае абсалютна.
21.11.2011 Крупкі: прайшлі першыя суды над затрыманымі ў пятніцу і суботу
Каля сарака затрыманых знаходзіліся ў ізалятары часовага ўтрымання Крупскага РАУС. У панядзелак частка з іх былі дастаўлены ў раённы суд. Многія з затрыманых мелі відавочныя прыкметы збіцця: кровападцёкі на твары, а адзін з затрыманых паказаў у зале суда сінякі на спіне.
14.11.2011 Міліцыянты гвалтам узялі адбіткі пальцаў
Філіпа Кірдуна у суботу 12 лістапада выклікалі ў Гарадскі аддзел міліцыі №1 УУС Фрунзенскага раёна Мінска нібыта па пытаньні, зьвязаным з ваенкаматам. На месцы высьветлілася, што справа тычылася зняцьця адбіткаў пальцаў.
