Навіны на тэму: сілавыя структуры
03.01.2012 Рамана Пратасевіча дапыталі ў КДБ напярэдадні Новага году
Вечарам 30 сьнежня дахаты да маладафронтаўца Рамана Пратасевіча наведаліся чэкісты. Супрацоўнікі КДБ прыйшлі нечакана...
31.12.2011 Перад Новым годам бабруйская міліцыя праводзіць абыход актывістаў
Вечарам 30 снежня участковы наведаў дома Канстанціна Локцева, які быў старшынём аргкамітэта бабруйскага Народнага сходу, і быў за гэта пакараны трыма суткамі арышту. Таксама 31 снежня міліцыянт прыходзіў дахаты да бабруйскай журналісткі Алесі Скапінцавай.
27.12.2011 Справу збітай міліцыянтамі пенсіянеркі-“хуліганкі” Менгарсуд накіраваў на новы разгляд
Праваабаронцы лічаць, што накіраваная на новы разгляд адміністратыўная справа жыхаркі Менску Святланы Вяргейчык будзе спыненая, аднак раяць ёй па-ранейшаму патрабаваць прыцягнення да адказнасці супрацоўнікаў міліцыі.
27.12.2011 Магілёўцы нізка ацэньваюць працу міліцыі
На сайце Упраўлення ўнутраных спраў Магілёўскага аблвыканкама вядзецца апытанне – як вы ацэньваеце якасць працы міліцыі на Магілёўшчыне. На дадзены момант на пытанне адказалі 107 чалавек. Сярод іх 56% ацаніла працу міліцыі як нізкаякасную, 17% - адзначыла сярэднюю якасць працы міліцыі і 27% адзначыла яе высокі ўзровень.
23.12.2011 Брэсцкі актывіст “Справядлівага свету” скардзіцца ў пракуратуру
Сябра брэсцкай арганізацыі Беларускай партыі левых “Справядлівы свет” Лявонцій Чыпурных накіраваў у раённыя пракуратуры абласнога цэнтра дзве скаргі – на дзеянні супрацоўніка міліцыі падчас затрымання і на ўмовы ў ізалятары часовага ўтрымання, дзе ён адбываў адмінстратыўны арышт.
23.12.2011 У Асіповічах пракуратура падтрымала міліцэйскае свавольства
Грамадскі актывіст Ігар Сімбіроў 22 снежня атрымаў з траспартнай пракуратуры па Асіповіцкім раёне адказ на сваю скаргу на дзеянні супрацоўнікаў міліцыі. 8 кастрычніка на вакзале ў Асіповічах Ігара Сімбірова затрымалі двое незнаёмых людзей у цывільным, якія гвалтам зацягнулі яго ў аддзяленне транспартнай міліцыі, дзе грамадскі актывіст быў збіты, міліцыянеры ўсяляк здзекваліся з яго за тое, што ён размаўляў па-беларуску.
22.12.2011 Прывід Тантон-Макута
"Калісьці даўно, у 1986 годзе, калі я вучыўся ў школе, на ўроках палітінфармацыі нам распавядалі страшныя гісторыі аб звергнутым рэжыме гаіцянскага дыктатара Дзювалье. Асабліва мяне ўразілі аповяды пра спецыяльную службу дыктара – тантон-макутаў..." - піша Валянцін Стэфановіч.
21.12.2011 Начальнік упраўлення КДБ даводзіць, што ў Еўропе спецслужбы валодаюць больш шырокімі і жорсткімі паўнамоцтвамі
Начальнік упраўлення КДБ па Магілёўскай вобласці генерал-маёр Ігар Сергіенка даў вялікае інтэрв’ю газеце “Вечерний Могилёв” па выніках напружанай працы “чэкістаў” вобласці ў мінулым 2011 годзе.
19.12.2011 У Гародні міліцыя папярэджвае актывістаў АГП
У Гародні напярэдадні 19-га снежня ўчастковыя міліцыянты наведаліся ў кватэры мясцовых лідараў АГП Юрыя Істоміна і Дзмітрыя Бандарчука. Абодвух папярэдзіл пра недапушчальнасць несанкцыянаваных акцый і адказнасць паводле Адміністрацыйнага кодэксу.
16.12.2011 Абласная пракуратура папярэджвае віцебскіх актывістаў
На афіцыйную размову наконт недапушчальнасці правядзення акцый 19 снежня выкліканы Хрыстафор Жаляпаў, Аляксей Гаўруцікаў і Ян Дзяржаўцаў, якія падавалі ў гарвыканкам заяўкі на правядзенне шэсця і сходу да ўгодкаў Плошчы.
13.12.2011 БАЖ прапануе МУС сустрэчу за «круглым сталом»
У лісце, накіраваным у панядзелак на імя міністра ўнутраных спраў Анатоля Куляшова, БАЖ прапануе зладзіць сустрэчу прадстаўнікоў праваахоўных органаў і журналісцкай супольнасці Беларусі дзеля абмеркавання «праблем узаемадачыненняў журналістаў і супрацоўнікаў міліцыі, дзейнасці міліцэйскай „інфармацыйнай групы“, неабходнасці спецыяльнага абазначэння супрацоўнікаў СМІ ў часе асвятлення вулічных акцый» і гэтак далей.
06.12.2011 Бялыніцкая пракуратура цікавілася дзейнасцю эксперта Amnesty International
Следчых цікавіла не расследванне нашумелай “машчаніцкай справы”, а падрабязнасці сустрэчы былых падазраваных і іх сваякоў з экспертам праваабарончай арганізацыі Amnesty International па Беларусі Хэзай Макгіл, якая адбылася яшчэ ў 2008 годзе.
06.12.2011 Пацярпелы за мову Андрэй Падаляк абскардзіў судовае рашэнне
Адпаведную скаргу актывіст бабруйскай моладзі БНФ падаў у Магілёўскі абласны суд. Хлопец не згодны з пастановай суду, бо лічыць, што выснова суду не адпавядае рэчаіснасці. Паводле актывіста, ён гучна размаўляў па-беларуску па мабільным тэлефоне на прыпынку, чым і прыцягнуў увагу міліцыянтаў.
06.12.2011 “Раёнкі” Гродзеншчыны рыхтуюць людзей да тэрытарыяльнай самаабароны
5 снежня “Праца” (Зэльва) і “Свіслацкая газета” пачалі выконваць новы ідэалагічны загад - апублікавалі артыкул дзяржаўнага сакратара Савета Бяспекі Леаніда Мальцава "Территориальная оборона в системе национальной безопасности".
06.12.2011 Навошта КДБ гітара?
Прайшоў амаль год пасля сумна вядомых падзей 19 снежня 2010 года ў Мінску, а грамадскі актывіст з Асіповічаў Ігар Сімбіроў ніяк не можа вярнуць сваю гітару, якая дагэтуль знаходзіцца ў супрацоўнікаў КДБ разам з асабістымі дзённікамі і нэтбукам.
