Навіны на тэму: сілавыя структуры
21.03.2012 «Генпракуратура завяршае праверку абставінаў падачы Саннікавым прашэння аб памілаванні»
Як паведамляе сайт Генпракуратуры, правяраюцца заявы, што прагучалі ў СМІ з боку асобных асоб, пра тое, што Саннікавым — «які адбывае пакаранне за арганізацыю масавых беспарадкаў, якія суправаджаліся пагромамі, гвалтам і знішчэннем маёмасці» — прашэнне аб памілаванні напісана нібыта пад ціскам».
21.03.2012 Сімбіроў паскардзіўся ў цэнтральны КДБ на старшыню менскага ўпраўлення
На гэтым тыдні, 19 сакавіка, музыка з Асіповічаў Ігар Сімбіроў паспрабаваў патрапіць на прыём да старшыні КДБ Вадзіма Зайцава. У выніку яму ўдалося зарэгістраваць сваю скаргу на дзеянні старшыні ўпраўлення КДБ па Менску і Менскай вобласці Калача У.В. у аддзеле па зваротах грамадзян Цэнтральнага апарату КДБ.
21.03.2012 Чаму пра забарону мітынгу на 25 Сакавіка гарадзенцам паведамляе міліцыя?
Увечары 20 сакавіка маёр міліцыі прыехаў на кватэру да праваабаронцы Уладзіміра Хільмановіча і паведаміў, што ў правядзенні мітынгу 25 сакавіка ў Гародні адмоўлена. А між тым за пяць дзён да заяўленага мерапрыемства гарвыканкам так і не паведаміў заяўнікам сваё афіцыйнае рашэнне.
21.03.2012 КДБ спрабуе пазбавіць Віктара Бузінаева апякунства над бацькамі?
Старшыня бабруйскай суполкі АГП Віктар Бузінаеў даведаўся з тэлефанавання сацыяльных работнікаў, што яго збіраюцца пазбаўляць апекі над бацькамі. Актывіст упэўнены, што робяць гэта па палітычных матывах.
21.03.2012 Бабруйчанін, якога аб’явілі ў вышук, насамрэч міліцыі не патрэбны
Бабруйскі актывіст Вячаслаў Шэлег пайшоў мяняць правы на кіраванне аўтамабілем у ДАІ і нечакана даведаўся, што знаходзіцца ў вышуку. У мясцовым УУС яму нават выдалі на рукі адпаведную даведку, з якой … адпусцілі дахаты.
20.03.2012 У Гародні міліцыя апярэджвае гарвыканкам
Заяўнікі мітынгу ў Гародні на Дзень Волі 25 сакавіка дагэтуль не атрымалі афіцыйнага адказу з мясцовага гарвыканкаму. Тым часам супрацоўнікі міліцыі ўжо ходзяць па кватэрах актывістаў і папярэджваюць пра адміністратыўную адказнасць за правядзенне несанкцыянаваных мерапрыемстваў.
19.03.2012 У лельчыцкіх міліцыянераў усе цыганы – злачынцы
Лельчыцкія міліцыянеры, відаць, не ведаюць такіх тэрмінаў, як «дыскрымінацыя па нацыянальнай прыкмеце», бо спакойна змяшчаюць у раённай газеце артыкул з назвай «Цыганы з дрэннымі намерамі». Прычым у артыкуле пішацца не пра нейкіх канкрэтных цыганоў-злачынцаў, а агулам пра прадстаўнікоў гэтага народу.
19.03.2012 Брэсцкія міліцыянты фактычна сарвалі дазволены пікет
Актывіст Беларускай партыі левых “Справядлівы свет” Лявонцій Чыпурных вымушаны быў адмовіцца ад правядзення пікету, падчас якога спрабаваў узняць праблему атрымання даступнага жылля ў Беларусі.
19.03.2012 У Бялынічах КДБ цікавіцца распаўсюднікамі незалежнай прэсы
У краму Бялыніцкага прадпрымальніка, дэмакратычнага актывіста Мікалая Мяцеліцы завітаў супрацоўнік Шклоўскага межрайаддзелу КДБ, які цікавіўся незалежнымі маланакладнымі выданнямі, што распаўсюджваюцца праз краму. Супрацоўнік КДБ спрабаваў даведацца, адкуль з’яўляецца інфармацыйная прадукцыя.
17.03.2012 “Гэта з міліцыі, калі вы не прыедзеце, вашага сябра затрымаем на 3 сутак”
Такое СМС прыйшло на нумар 24-гадовай дзяўчыны, якую міліцыя спрабавала выклікаць на размову.
15.03.2012 Баранавіцкая міліцыя шукае аўтара інфармацыі пра несанкцыянаваны мітынг
15 сакавіка маёр міліцыі Віталь Дабрачынскі запрасіў грамадскага актывіста Віктара Сырыцу для размовы ў кабінет № 106 гарадскога аддзела міліцыі. Супрацоўніка ГАУС цікавіла пытанне: хто напісаў 28 снежня 2011 года на недзяржаўных сайтах пра несанкцыянаваны мітынг, які планаваў правесці прадпрымальнік Мікалай Чарнавус?
15.03.2012 На гітары Сімбірова граюць у КДБ?
Прайшло ўжо год і тры месяцы пасля падзей 19 снежня 2010 года на Плошчы ў Мінску, а супрацоўнікі КДБ дагэтуль не вярнулі гітару Ігару Сімбірову. Апошнім часам супрацоўнікі ўпраўлення КДБ па Мінску і Мінскай вобласці нават не адказваюць на пісьмовыя звароты музыкі з Асіповічаў.
14.03.2012 У Чавускім раёне завяршылася акцыя “Не!” – брыдкаслоўю”
Вынікі акцыі, якая працягвалася месяц, былі падведзены на пасяджэнні “круглага стала”. Высветлілася, што ў нашай краіне не толькі дэмакратычныя актывісты напярэдадні грамадскіх акцый, а і тое, што “в милицейской Академии курсанты много сквернословят”.
09.03.2012 Міліцыя перашкодзіла гомельскім актывістам павіншаваць мінакоў з 8 сакавіка (відэа)
8 сакавіка ля цэнтральнага ўнівермагу Гомеля актывісты руху «Наша альтэрнатыва» праводзілі акцыю ў рамках кампаніі «Хопіць піць - трэба жыць!». Кастусь Жукоўскі, Зміцер Карашкоў, Васіль Такарэнка і Андрусь Цянюта віншавалі мінакоў з Міжнародным жаночым днём і раздавалі святочныя паштоўкі антыалкагольнай тэматыкі.
07.03.2012 Праваабаронцу афіцыйна папярэдзілі, каб не праводзіў інфармацыйнага пікета пра палітвязняў
Сёння ў Гародні міліцыя папярэдзіла праваабаронцу Віктара Сазонава пра адміністрацыйную адказнасць за правядзенне несанкцыянаванага пікету. Зраніцы яму патэлефанавалі з аддзялення міліцыі і спыталі, дзе ён знаходзіцца. Пасля чаго на кватэру Сазонава з’явіўся маёр міліцыі, які нагадаў пра забаронены гарвыканкамам пікет.
