Навіны на тэму: сілавыя структуры
09.06.2012 На гарадзенскага святара складзены пратакол за адмову ад дактыласкапіі
На іерэя храма Адсячэння галавы Іаана Хрышчэнніка, што па вуліцы Урублеўскага, Мікалая Гайдука распачата адміністрацыйная справа нібыта за непадпарадкаванне службовым асобам пры выкананні тымі сваіх абавязкаў па абавязковай дактыласкапіі.
08.06.2012 Брэсцкая ДАІ правяла сумесную акцыю з незарэгістраванай арганізацыяй
Брэсцкі каардынатар Грамадскага аб’яднання “Рух за Свабоду" Дзяніс Турчаняк вырашыў высветліць, ці не парушыла мясцовая Дзяржаўтаінспекцыя закон, калі ладзіла масавае мерапрыемства разам з незарэгістранай арганізацый -- аўтаклубам “Патрыёт”.
07.06.2012 Супрацоўнік праваахоўных органаў Круглянскага раёна абражае цыган
Круглянская раённая газета “Сельская жыццё” 6 чэрвеня апублікавала артыкул следчага Круглянскага раённага аддзелу Следчага камітэту А. Ганакова. У артыкуле «Остерегайтесь гостей незваных» супрацоўнік праваахоўных органаў выказвае рэзка негатыўнае перадузятае стаўленне да ўсіх прадстаўнікоў цыганскай нацыянальнасці.
07.06.2012 У Брэсце прапануюць весці “кнігі памяці” парушэнняў заканадаўства і свавольства ўладаў
З такой ініцыятывай выступіў брэсцкі сябра нацыянальнага камітэта Аб'яднанай грамадзянскай партыі Мікалай Коўш. “У нашай краіне ўзмацняюцца рэпрэсіі супраць іншадумцаў: іх звальняюць з працы, прыцягваюць па сфальсіфікаваных абвінавачваннях да крымінальнай і адміністрацыйнай адказнасці", - кажа апазіцыйны палітык.
07.06.2012 Баранавіцкі актывіст – за паслядоўнасць у выкананні законаў
Рыгор Грык накіраваў пісьмовыя заявы ў Следчы камітэт, Міністэрства ўнутраных спраў і Генеральнаму пракурору краіны, дзе паведамляе, што 22 мая суд Савецкага раёна Мінска падчас разгляду іска Марыны Цыбліенкі да апазыцыйнага палітыка Віктара Івашкевіча пікетавалі 25 прадстаўнікоў афіцыйнай Фэдэрацыі прафсаюзаў Беларускай, а таксама актывісты БРСМ.
05.06.2012 Любоў Кавалёва напісала скаргу старшыні КДБ
Маці расстралянага Уладзіслава Кавалёва, абвінавачанага ў тэрарызме, больш як 30 дзён чакала адказу на свой ліст з СІЗА КДБ. У скарзе на імя старшыні КДБ Вадзіма Зайцава яна піша, што ягоныя падначаленыя парушаюць прэзідэнцкі ўказ пра звароты грамадзянаў.
05.06.2012 Міліцыя вярнула тэхніку “Радыё Рацыя”
Пра вынікі так званай праверкі, якая доўжылася больш за месяц, праваахоўнікі не паведамілі нічога.
04.06.2012 Баранавіцкая міліцыя не ведае рашэння выканкаму аб масавых мерапрыемствах
Рыгор Грык не можа заключыць дамову з гарадскім аддзелам міліцыі па ахове грамадскага парадку падчас правядзення масавага мерапрыемства. Намеснік начальніка аддзела ГАУС падпалкоўнік Трафімаў А.А. паведаміў грамадскаму актывісту, што калі гарвыканкам дазволіць правядзенне пікета, тады і, маўляў, заключым дамову па ахове грамадскага парадку.
01.06.2012 У Гародні міліцэйская аблава на журналістаў
Першы дзень лета адзначаны ў Гародні сапраўдным “паляваннем” на журналістаў. Незалежны журналіст Андрэй Пачобут затрыманы і знаходзіцца ў міліцэйскім пастарунку па вуліцы Курчатава. Іншы журналіст Ян Роман таксама затрыманы, яго тэлефон не адказвае, па некаторай інфармацыі яго завезлі ў Ленінскі РАУС горада.
31.05.2012 У Слоніме затрымалі і збілі нагамі актывістку БХД
У Слоніме мясцовыя міліцыянты затрымалі і збілі актывістку Беларускай Хрысціянскай Дэмакратыі Вольгу Панасевіч.
31.05.2012 Магілёвец адмаўляецца праходзіцць дактыласкапію да прывядзення ў парадак адпаведнай заканадаўчай базы
Дасланую Уладзіміру Трызунову па пошце позву ён лічыць аформленай неналежным чынам, а само патрабаванне прайсці дакталаскапію – не адпавядаючым заканадаўству.
29.05.2012 У Бялыніцкім раёне за сем гадоў так і не знайшлі забойцаў сям’і з шасці чалавек
Жыхароў Бялыніцкага раёна па-ранейшаму хвалюе пытанне: “калі нашы доблесныя супрацоўнікі міліцыі нарэшце знойдуць забойцаў сям’і з шасці чалавек, у тым ліку двух маленькіх дзяцей, у вёсцы Вялікая Машчаніца? Прабачце, гэта ж якім трэба быць “прафесіяналам”, каб не раскрыць такое гучнае забойства за сем гадоў”…
29.05.2012 У Гародні супрацоўнікі КДБ пачалі прафілактыку сярод актывістаў
Як паведаміў удзельнік апошняга “Чарнобыльскага шляху” у сталіцы Беларусі Аляксей Гардзейчык, яго выклікаюць 29 траўня ў абласное ўпраўленне КДБ па вуліцы Тэльмана для ўзяцця тлумачэння. Канкрэтную прычыну гэтага выкліку яму не паведамілі.
29.05.2012 На актывістаў, якія дамагаюцца змены выбарчага заканадаўства, аказваецца ціск
Як распавёў адзін з брэсцкіх сябраў ініцыятыўнай групы Віктар Чайкоўскі, нягледзячы на тое, што спісы яшчэ толькі передадзены ў Цэнтрвыбаркам, і рашэнне пра рэгістрацыю ініцыятыўнай групы не прынята, некаторых актывістаў ужо пачалі запалохваць супрацоўнікі міліцыі і КДБ.
28.05.2012 Кошт абслугоўвання акцыі залежыць ад колькасці "зорачак" на пагонах міліцыянтаў
З Гарадоцкага РАУС спадар Аўтухоў атрымаў адказ без канкрэтных лічбаў, але з паказальным зместам. Аказваецца, расцэнкі працы міліцыянтаў залежаць ад іх звання, і ў залежнасці ад таго, сяржантаў ці маёраў дашлюць на ахову мерапрыемства, будзе разлічаны кошт паслугі.
