Навіны на тэму: сілавыя структуры
20.09.2012 Баранавічы: міліцэйскі чыноўнік не хоча бачыць парушэнняў выбарчага заканадаўства
Назіральнік Сяргей Гоўша 19 верасня атрымаў адказ з УУС Брэсцкага аблвыканкама на сваю скаргу пра ўхіленні супрацоўнікаў Баранавіцкага ГАУС ад аб’ектыўнага і сумленнага разгляду справы аб фальсіфікацыі пратакола № 1 пасяджэння акруговай выбарчай камісіі № 5.
14.09.2012 Радзіна: Шмат якія незалежныя медыі ў Беларусі маюць куратараў з КДБ
Гэта адна з прычынаў для сайту “Хартыі-97” працаваць за межамі Беларусі, распавяла яго рэдактарка ў “Гарачым каментары”.
14.09.2012 Бабруйск: за пікетам Мацвея Хатары сочаць міліцыя і КДБ (фота)
14 верасня у Бабруйску на стадыёне па вуліцы Урыцкага праходзіць пікет кандыдата ў дэпутаты ад АГП па Ленінскай акрузе Мацвея Хатары. Ужо пасля першай гадзіны правядзення мерапрыемства ў кандыдата і яго каманды ўзніклі непаразуменні з мясцовымі ўладамі.
11.09.2012 Хоцімск: кандыдат затрыманы падчас агітацыйнага пікету
Сёння ў Хоцімску супрацоўнікі міліцыі прымусілі апазіцыйнага кандыдата Валерыя Каранкевіча згарнуць пікет, пасля чаго даставілі яго ў мясцовы РАУС для дачы тлумачэнняў. Са слоў міліцыянераў, кіруючы справамі райвыканкама Васіль Мітранкоў патэлефанаваў выконваючай абавязкі пракурора раёна Ірыне Хучэвай наконт пікету, ну а тая ўжо падключыла мясцовы РАУС.
10.09.2012 Участковы на міні-трактары пераараў Крапівенскае поле
На Крапівенскае поле прыехаў участковы Аршанскага РАУС Аляксандр Ярук з міні-трактарам, з дапамогай якога дзелавіта і метадычна пераараў усё гістарычна знакамітае Крапівенскае поле і нават пешаходную сцежку, якая вядзе да памятнага месца.
07.09.2012 У Брэсце ўзяліся за анархістаў
У Брэсце на кватэрах у чатырох анархістаў 6 верасня адбыліся ператрусы, нагодай для якіх стаў муляж выбуховай прылады, знойдзены яшчэ 8 лютага ў сметніцы на вуліцы Янкі Купалы. У выніку ператрусаў канфіскаваны сістэмныя блокі і флэшкі, маладзёны выкліканы на допыты ў КДБ.
07.09.2012 Мінск: міліцыя канфіскавала ў “Гавары праўду!” тысячы агітулётак і газет
Увечары 6 верасня ў офіс кампаніі “Гавары праўду!” у Мінску прыйшлі супрацоўнікі міліцыі, нібыта атрымалі на актывістаў скаргу ад суседзяў. Убачыўшы друкаваныя матэрыялы, якія знаходзяцца ў офісе, міліцыянты канфіскавалі іх для правядзення экспертызы.
06.09.2012 Барыса Хамайду праганяюць ад "сіняга дому"
Штодня міліцыя змушае апазіцыянера пакінуць месца каля дома №28 па вуліцы Леніна, дзе ён больш за 20 год распаўсюджвае незалежную прэсу і ладзіць пікеты. 6 ліпеня на спадара Хамайду склалі пратакол за хуліганства ды ў літаральным сэнсе "прыціснулі да сценкі" сталом і лаўкамі. Актывіст мяркуе, што ўсё гэта – наступствы пікету за байкот выбараў.
06.09.2012 Салігорск: сустрэча з апазіцыйным кандыдатам не без эксцэсаў
Падчас мерапрыемства адыёзны афіцэр салігорскай міліцыі Георгій Крывальцэвіч, адказны за шматлікія затрыманні і пераслед апазіцыі ў рэгіёне, спрабаваў аршытаваць давераную асобу кандыдата ад АГП Віктара Малочкі Івана Шылу, пагражаючы яму двума суткамі арышту.
06.09.2012 Баранавічы: Назіральнік Сяргей Гоўша скардзіцца на міліцыю
6 верасня назіральнік Сяргей Гоўша накіраваў у УУС Брэсцкага аблвыканкама скаргу на дзеянні Баранавіцкага ГАУС. Ён паведамляе, што cупрацоўнікі гарадской міліцыі ўхіліліся ад аб’ектыўнага і сумленнага разгляду справы аб фальсіфікацыі пратакола № 1 пасяджэння АВК № 5.
03.09.2012 Бабруйск: Галіну Смірнову папярэдзілі ў КДБ
Галіна Смрнова: "Большую частку часу мы прысвяцілі размовам наконт майго ўдзелу ў акцыях. Таксама Павел Сілкоў даў азнаёміцца з паперай, сэнс якой быў у тым, каб папярэдзіць мяне аб адказнасці па артыкулу 342 Крымінальнага кодэксу – “арганізацыя і падрыхтоўка дзеянняў, якія груба парушаюць грамадскі парадак, ці актыўны удзел у іх”.
31.08.2012 Дзмітрыя Іванчанку пераблыталі з аднафамільцам і прынеслі яму павестку на суд па справе, да якой ён не меў дачынення
Гэтыя абставіны сталі вядомыя сёння ў судзе Завадскога раёна, падчас разгляду справы. Папярэдне было вядома, што былога супрацоўніка гатэля "Еўропа" абвінавачваюць па артыкуле 9.1 КоАП. Выявілася, што абвінавачваецца іншы Дзмітрый Іванчанка, судовыя выканаўцы пераблыталі адрэсу павесткі.
30.08.2012 Слонім: апазіцыйнага кандыдата шантажуюць старымі ўлёткамі
Івана Шэгу, кандыдата ў дэпутаты ад партыі БНФ, 30 жніўня выклікалі ў Слонімскі РАУС і абвінавацілі ў тым, што яшчэ да рэгістрацыі ў якасці кандыдата ён расклейваў свае перадвыбарчыя ўлёткі, якія распаўсюджвае і цяпер. Гэтыя ўлёткі былі надрукаваныя яшчэ падчас мясцовых выбараў 2010 году, калі сп. Шэга балатаваўся ў дэпутаты.
30.08.2012 Бабруйск: Галіне Смірновай прынеслі позву ў КДБ
Старшыню мясцовай суполкі прафсаюза Радыёэлектроннай прамысловасці Галіну Смірнову запрасілі на размову ў КДБ ў панядзелак, 3 верасня. З якой нагоды яе выклікаюць, яна пакуль не ведае.
30.08.2012 Хлопец раскрыў сакрэты гатэля «Еўропы» і цяпер хаваецца за мяжой
У лістападзе 2011-га Дзмітрый Іванчанка ананімна, а цяпер пацвярджае гэта публічна, расказаў пра тое, што ў «Еўропе» спецслужбы вядуць татальнае праслухоўванне ўсіх нумароў, незалежна ад таго, хто ў іх жыве, а таксама праглядаюць інтэрнэт-злучэнні. Тая публікацыя была адказам на прэсінг з боку спецслужбы. Бо малады чалавек быў удзельнікам суполкі «Рэвалюцыя праз сацыяльныя сеткі».
