Навіны на тэму: сілавыя структуры
02.11.2012 Пасля крытыкі стану медыцыны супраць віцебскага ўрача пачаліся правакацыі
Віцебскі ўрач Ігар Пастноў неаднаразова ўздымаў "хворыя" пытанні віцебскай медыцыны ў друкаваных СМІ і праз інтэрнэт. Цяпер ён мусіў звярнуцца ў міліцыю, бо нехта, падпісваючыся ягоным імем, размяшчае ў інтэрнэце каментары правакацыйнага зместу.
01.11.2012 У рэгіёнах -- вялікі некамплект міліцыі
У Бялыніцкай міліцыі вялікі некамплект, міліцыянеры звальняюцца з-за нізкіх заробкаў. Пра гэта заявіў падчас сустрэчы з бацькамі на бацькоўскім сходзе ў Машчаніцкай сярэдняй школе 31 кастрычніка начальнік Бялыніцкага РАУС палкоўнік міліцыі Юрый Сіманаў.
30.10.2012 Крымінальную справу ў дачыненні да былога намесніка міністра ўнутраных спраў Яўгена Полудня будзе разглядаць Ваенная калегія Вярхоўнага суда
Пра гэта паведаміла прэс-сакратар ВС Марыя Лапо. Матэрыялы ўжо накіраваныя ў Ваенную калегію. Паводле яе слоў, згодна з заканадаўствам, рашэнне аб прызначэнні даты пачатку слуханняў павінна быць прынятае на працягу трох месяцаў.
29.10.2012 Брэст: міліцыя знайшла асобу, якая здзейсніла паклёп на апазіцыйнага кандыдата ў дэпутаты
Былы вылучэнец ад Беларускай партыі левых “Справядлівы свет” па Брэсцкай-Памежнай акрузе №4 Анатоль Новік атрымаў адказ на сваю заяву ў міліцыю наконт распаўсюду зняважлівых звестак пра яго на інтэрнэт-старонцы дзяржаўнай раённай газеты “Заря над Бугом”.
27.10.2012 Пенсіянер-інвалід з Бярозаўшчыны раскайваецца ў жаданні падпаліць сябе і старшыню сельвыканкама
Павел Левашэвіч раскайваецца ў жаданні падпаліць сябе і старшыню сельвыканкама, але прасіць у яго прабачэння не збіраецца.
24.10.2012 Са Следчага камітэта звальняюць 15 палкоўнікаў юстыцыі
Усяго пад скарачэнне трапілі 34 высокія чыны.
23.10.2012 Клімавічы: супрацоўнікі міліцыі звальняюцца з працы
Супрацоўнікі клімавіцкай міліцыі амаль кожны месяц кладуць на стол кіраўніцтва заявы аб звальненні з органаў унутраных спраў і зараз, згодна неафіцыйнай інфармацыі, некамплект асабістага складу Клімавіцкага РАУС складае каля 20-25 працэнтаў.
23.10.2012 Магілёўскага актывіста БХД Алега Аксёнава паставілі на ўлік у КДБ
22 кастрычніка супрацоўнік КДБ патэлефанаваў актывісту БХД Алегу Аксёнаву на мабільны тэлефон і прапанаваў сустрэцца. Сказаў, што калі патрэбна позва, то можна яе зараз падвезці ў любое месца.
22.10.2012 Быхаўчанін Аляксандр Шачанок дамогся звальнення несумленнага міліцыянта
Участковы Віталь Вашчыла болей не працуе ў Быхаўскім РАЎСе.
18.10.2012 Ад Міколы Уласевіча запатрабавана тлумачэнне па публікацыі на “Беларускім партызане”
Да Уласевіча дахаты завітаў участковы інспектар і прапанаваў яму зрабіць пісьмовыя тлумачэнні з нагоды інтэрвію, якое ён даў нядаўна сайту «Беларускі партызан» і якое некалькі дзен таму было змешчана на гэтым інфармацыйным рэсурсе пад назвай «Мікалай Уласевіч: Я хаджу па правакацыях КДБ, як па мінным полі».
09.10.2012 Супрацоўнікі КДБ прыкрываюцца Упраўленнем адукацыі, каб выманіць інфармацыю ў студэнтаў
8-га кастрычніка студэнтку 4-га курса Міжнароднага дзяржаўнага экалагічнага ўніверсітэта імя Сахарава Іну Панчкоўскую выклікалі на размову ва Упраўленне адукацыі адміністрацыі Партызанскага раёна Мінска. Фармальная прычына – даведацца, навошта дзяўчына хоча атрымліваць другую вышэйшую адукацыю ў БДУ. Аднак падчас сустрэчы супрацоўнікі КДБ, якія хаваліся за пасады ва Упраўленні адукацыі, цікавіліся выездам за мяжу студэнткі.
09.10.2012 Яўген Полудзень абвінавачваецца ў злоўжыванні ўладай, перавышэнні ўлады і атрыманні хабару
У Следчым камітэце Беларусі завершана расследаванне крымінальнай справы ў дачыненні да былога намесніка міністра ўнутраных спраў — начальніка міліцыі грамадскай бяспекі Яўгена Полудня.
09.10.2012 Былога палітвязня Каваленку паставілі на прафілактычны ўлік
На працягу бліжэйшых двух гадоў былы палітвязень павінны адзначацца ў той самай інспекцыі, супрацоўнікі якой ініцыявалі супраць Сяргея крымінальную справу за парушэнне рэжыму так званай “хатняй хімі”, якую ён атрымаў за вывешванне 7 студзеня 2010 года бел-чырвона-белага сцяга на навагодняй ёлцы ў Віцебску.
08.10.2012 Мінская міліцыя: пікетчыка Вінаградава білі, фатографа Грыца — не
Фотакарэспандэнту Associated Press Сяргею Грыцу адмовілі ў завядзенні крымінальнай справы.
03.10.2012 Скарга на начальніка міліцыі абярнулася абвінавачваннем у паклёпе
У звароце салігорскага маладафронтаўца Івана Шылы па факце смерці грамадзяніна Трафімовіча А.А. у засценках салігорскага ІЧУ мясцовыя міліцыянты ўгледзелі паклёп.
