Навіны на тэму: сілавыя структуры
07.04.2014 Хоцімск: Грамадскі актывіст просіць міліцыю знайсці паклёпнікаў
Падставай для напісання заявы ў Хоцімскі РАУС паслужылі змешчаныя ў перыяд перадвыбарчай кампаніі па выбарах дэпутатаў мясцовых Саветаў і раней на інтэрнэт-рэсурсе voskresinfo.com матэрыялы паклёпніцкага і ганьбячага зместу ў адносінах Валерыя Каранкевіча, зневажаючыя яго гонар і годнасць.
07.04.2014 Брэст: працягваецца ціск на кандыдатаў у дэпутаты ад АГП падчас мясцовых выбараў
Ірыну Сіняпкіну, якая вылучалася ад Аб’яднанай грамадзянскай партыі, хочуць пакараць за удзел у адным з перадвыбарчых пікетаў, што адбыўся ў Брэсце 24 лютага. На яе мабільны тэлефон патэлефанаваў участковы і паведаміў, што хоча прывезці ёй для азнаямлення адміністрацыйны пратакол аб нібыта здзейсненным правапарушэнні, а таксама позву ў суд.
07.04.2014 Магілёўская міліцыя спыніла адміністрацыйную справу па факту збіцця кандыдата ў дэпутаты
Справа спынена ў сувязі з тым, што адсутнічае склад адміністрацыйнага правапарушэння. Такі адказ атрымаў ад міліцыі экс-кандыдат у дэпутаты ў Магілёўскі гарадскі і абласны Савет Аляксей Паўлоўскі.
03.04.2014 Паліцыя Прагі: беларускі сьцяг забаронены
Беларускі палітуцекач Аляксей Шыдлоўскі атрымаў адказ з паліцыі з нагоды інцыдэнту 28 лютага на хакейным матчы КХЛ паміж камандамі «Леў» (Прага) і «Дынама» (Менск), калі ахова спартовай арэны забараніла бел-чырвона-белы сьцяг і зьбіла заўзятара.
03.04.2014 Лукашэнка вызваліў ад пасады начальніка КДБ па Гомельшчыне за неналежнае выкананне абавязкаў
Палкоўнік Іван Ляскоўскі вызвалены ад пасады начальніка ўпраўлення Камітэта дзяржаўнай бяспекі Рэспублікі Беларусь па Гомельскай вобласці за неналежнае выкананне службовых абавязкаў.
01.04.2014 Магілёўскі журналіст просіць міліцыю знайсці ўзломшчыкаў сайта “Свабодны фармат”
Адпаведную заяву Алесь Буракоў накіраваў у магілёўскую міліцыю. Ён просіць устанавіць асоб, якія ўзламалі паролі і выдалілі кантэнт сайта, каб прыцягнуць іх да аказнасці, вызначанай заканадаўствам.
31.03.2014 "Лепшая прафілактыка - гэта турма"
Такога меркавання прытрымліваецца начальнік Галоўнага ўпраўлення па барацьбе з арганізаванай злачыннасцю і карупцыяй па Гомельскай вобласці Андрэй Заяц.
28.03.2014 У Віцебску Следчы камітэт шукае “Мірона”
У мясцовых апазіцыянераў – Барыса Хамайды і Аляксандра Салаўяна 24 сакавіка знайшлі нацыянальны сцяг. Абодвух затрымалі ўвечары ў пасёлку Руба, што пад Віцебскам. Двух спадароў пенсійнага веку затрымалівалі амапаўцы, паклалі тварам на зямлю, збівалі, пагражалі застрэліць…
28.03.2014 Міхасю Кукабаку адмовілі ў азнаямленні з яго «рассакрэчанымі» справамі
Міністэрства аховы здароўя РФ, куды ФСБ перанакіроўвала запыт Міхаіся Кукабакі аб рассакрэчванні матэрыялаў яго крымінальных спраў, паведаміла, што цэнтр імя Сербскага «не ў праве» знаёміць яго з экспертызамі, па выніках якіх ён неаднаразова станавіўся ахвярай карнай псіхіятрыі.
26.03.2014 Міліцыя папярэдзіла гарадзенца Алеся Кіркевіча
25 сакавіка гарадзенская міліцыя фактычна на паўдня затрымала грамадскага актывіста Алеся Кіркевіча. Спачатку ён быў выкліканы незразумелай позвай на 15-ю гадзіну ў аддзяленне міліцыі №1, што ў цэнтры гораду, для апытання і “прафілактычнай гутаркі”.
24.03.2014 Гродна: журналіста абвінавачваюць у незаконным вырабе і распаўсюдзе інфармацыі
Гарадзенскага сябра “Беларускай асацыяцыі журналістаў” Алеся Дзянісава вінавацяць у нібыта здзяйсненні адміністрацыйнага правапарушэння па частцы 2 артыкулу 22.9 КаАП – незаконны выраб і распаўсюд інфармацыі. Цяпер журналісту-фрылансеру пагражае штраф ад 20 да 50 базавых велічынь.
21.03.2014 Гродна: на грамадскіх актывістаў і журналістаў напярэдадні Дня Волі ідзе ціск
Позву ў аддзяленне міліцыі Леніскага РАУС на 25-га сакавіка атрымаў былы палітвязень Алесь Кіркевіч. Позву на рукі, аднак, ён не атрымліваў і нідзе не распісваўся. Туды ж на 24-га сакавіка выкліканы нібыта па адміністрацыйнай справе рок-музыкант і журналіст Алесь Дзянісаў.
21.03.2014 Салігорац патрабуе ад Ашмянскай мытні вынікі экспертызы па кнізе Карбалевіча
Цяпер Аляксандр Малочка настойвае на азнаямленні яго з заключэннем першапачатковай экспертызы, вынікі якой не задаволілі Ашмянскую мытню. Таксама салігорац патрабуе агучыць дату паўторнай экспертызы ды назваць арганізацыю, якой даручана правядзенне экспертызы.
19.03.2014 Суд Клімавіцкага раёна адмяніў пастанову аб спыненні адміністрацыйнай справы адносна ўчастковага інспектара
У сваёй пастанове суддзя адзначыла шматлікія парушэнні пры вынясенні пастановы аб спыненні справы аб адміністрацыйным правапарушэнні ў адносінах малодшага ўчастковага інспектара Панасенка В. С. у Клімавіцкім РАУС.
14.03.2014 Генік Лойка падаў у суд скаргу на КДБ
Скульптар і грамадскі дзеяч Гэнік Лойка падаў у суд на КДБ. Прычынай стала здарэнне, калі ў прыёмным пакоі КДБ супрацоўнік ведамства не змог адказаць наведніку на мове зварота.
