Навіны на тэму: сілавыя структуры
11.01.2011 Вы маеце поўнае права не сведчыць супраць сябе і сваіх блізкіх
Зараз шмат людзей выклікаюць па тэлефоне на так званыя гутаркі ў сувязі з падзеямі 19-20 снежня ў Менску. Што рабіць у такіх выпадках? Ці патрэбны адвакат? Каментуе сітуацыю юрыст Валянцін Стэфановіч.
11.01.2011 Допыты, допыты, допыты…
Раніцай 11 студзеня ў Магілёўскае КДБ па мабільным тэлефоне "на размову" выклікалі журналіста "Бобруйского курьера" Яўгена Васьковіча, перадае "Беларуская асацыяцыя журналістаў".
11.01.2011 Зінаіда Міхнюк ператрусу пазбегла
Ператрус у Берасьці на кватэры прафсаюзнай актывісткі Зінаіды Міхнюк, пра які паведамлялі электронныя СМІ 10 студзеня, так і не адбыўся. Следчым не ўдалося знайсьці ў гэты дзень ні гаспадыні, ні гаспадара, а выбіваць дзверы ў кватэру яны не наважыліся. Аднак верагоднасць таго, што аператыўнікі не адмовяцца ад свайго рашэньня – высокая.
10.01.2011 Ператрусы ў Брэсце працягваюцца
У Брэсце на кватэры прафсаюзнай актывісткі Зінаіды Міхнюк пачаўся ператрус. Пра гэта Еўрарадыё паведаміў праваабаронца Уладзімір Вялічкін.
10.01.2011 Ператрус параходзіць у Галіны Юрынай
У Менску на вуліцы Берута прыкладна ў 15-00 пачаўся ператрус у актывісткі Галіны Юрынай, па справе масавых беспарадкаў у Менску 19 сьнежня. Яна адчыніла следчым пасьля пагроз з іх боку ўзламаць дзверы.
10.01.2011 Ператрус у Лазаравых (Маладзечна), якія сядзелі на сутках пасля Плошчы
У кватэры ў Маладзечне, дзе прапісаныя Лазарава Анастасія (сястра) і Лазараў Пётр (бацька), якія адбылі 10 і 15 сутак, сёння адбываўся ператрус. Там пражывае толькі мама, у якой няма ні кампутара, ні носьбітаў інфармацыі, таму нічога не забралі. Проста павывучалі літаратуру і прапанавалі здаць зброю.
10.01.2011 Ператрус у рэдакцыі газеты «Борисовские новости»
Супрацоўнікі барысаўскага РУУС апісваюць аргтэхніку незалежнага выдання. У рэдакцыі незалежнай рэгіянальнай газеты «Борисовские новости» адбываецца ператрус.
10.01.2011 Сёння павінны прад’явіць абвінавачванні шэрагу актывістаў
Следчыя КДБ цягам панядзелка маюць прад’явіць абвінавачанні шэрагу актывістаў альбо прыняць рашэнне аб іх вызваленні. Праваабаронцы чакаюць, што многіх з затрыманых на мінулым тыдні супрацоўнікам сілавых органаў прыйдзецца вызваліць з-за відавочнай адсутнасці ў іхных дзеяннях складу злачынства.
10.01.2011 Прыйшлі з ператрусам да брэсцкага актывіста Андрэя Шарэнды
У кватэру брэсцкага актывіста дэмсіл Андрэя Шарэнды спрабуюць трапіць двое невядомых, паведаміў праваабаронца Раман Кісляк.
10.01.2011 Андрэя Пачобута хацелі запалохаць у КДБ
Гарадзенец Андрэй Пачобут зьяўляецца карэспандэнтам польскай “Gazety Wyborczej”. У сваім “жывым журнале” ён апавядае, што 8 студзеня яго раптоўна затрымалі каля дому і даставілі ў абласную управу КДБ на вул. Тэльмана ў Горадні. Сьледчых цікавіла яго затрыманьне на плошчы Незалежнасьці ў Менску 19 сьнежня (пасьля ночы ў “аўтазаку”, яго выпусьцілі ў будынку суду). Адказваць на пытаньні ён адмовіўся, і адзін зь іх стаў біць яго па галаве, піша журналіст.
06.01.2011 Місюкевіча проста з іспыту забралі ў КДБ
У дадзены момант маладафронтавец Юльян Місюкевіч знаходзіцца ў Камітэте дзяржаўнай бясьпекі.
06.01.2011 Мядзельскі КДБ прагне сустрэчы з назіральнікам
Мядзельскі КДБ мае намер правесці ператрус у актывіста кампаніі "За справядлівыя выбары» Дзмітрыя Вінаградава. 6 студзеня Д. Вінаградаву патэлефанавалі з Мядзельскага КДБ і паведамілі, што ў яго на кватэры маюць намер «правесці следчыя дзеянні ". Прасцей кажучы, ператрус. Сам Зьміцер Вінаградаў знаходзіцца ў 30 кіламетрах ад горада - праца ў яго звязана з раз'ездамі.
06.01.2011 Ператрусы ў Гомелі, Жлобіне, Мядзелі і Маладэчна (Аднаўляецца)
Следчыя мерапрыемствы санкцыянаваныя ў межах расследвання крымінальнай справы па арт. 293. КК РБ.
06.01.2011 КДБ хапае актывістаў проста на вуліцы
Слонімскі актывіст Барыс Кучынскі выйшаў з хаты, каб ісьці на пошту. Да яго пад’ехала легкавушка, зь яе выйшлі два мужчыны, назваліся супрацоўнікамі КДБ і папрасілі праехаць зь імі.
06.01.2011 Ператрус на кватэры маладафронтаўца Паўла Кур'яновіча
Падчас ператрусу на кватэры Паўла Кур'яновіча супрацоўнікі КДБ забралі кампутар. Раней, за некалькі дзён да выбараў, супрацоўнікі міліцыі забралі ў Паўла пашпарт.
