Навіны на тэму: культура
06.03.2014 Брэст: забаронены дакументальны спектакль “Чарнобыль”
Беларуская прэм’ера гэтага спектакля ў выкананні актораў тэатра “Крылы халопа” павінна была адбыцца 6 сакавіка ў Цэнтры культуры і вольнага часу брэсцкага мікрараёна Паўднёвы. Аднак напярэдадні трупе тэатра паведамілі, што спектакль адмяняецца, пасля чаго “Крылы халопа” змясцілі на сваім афіцыйным сайце і ў сацыяльных сетках заяву з гэтай нагоды.
26.02.2014 Міністэрства інфармацыі падмяняе моўную дыскрымінацыю свабодай слова
Адміністрацыя прэзідэнта перанакіравала скрагу салігорскіх актывістаў на моўную дыскрымінацыю з боку мясцовага тэлеканала ў Міністэрства інфармацыі. Намеснік міністра Шэдко Д. Г. умешвацца ў працу дзяржаўнага камунальнага прадпрыемства «Салігорскі тэлевізійны канал» адмовіўся.
26.02.2014 Канцэрт гурта “Dzieciuki” ў Берасці не адбудзецца
Пра адмену канцэрта гурта “Dzieciuki” ў Берасці стала вядома за тры дні да запланаванага выступу гарадзенскага калектыва.
14.02.2014 Брэст: пракуратуру просяць распачаць крымінальную справу ў дачыненні да кіраўніцтва камунальнай службы і гарвыканкама
Жыхары дома №10 па вуліцы Астроўскага абвінавачваюць адказных асоб гарадскога ЖРЭУ і Брэсцкага гарвыканкама ў крадзяжы, злоўжываннях службовымі паўнамоцтвамі і бяздзейнасці.
12.02.2014 У Магілёве пад знос пайшоў будынак XVIII стагоддзя
Дом не меў статуса гісторыка-культурнай каштоўнасці. Пра знос гістарычнага будынка паведаміў старшыня Магілёўскай абласной арганізацыі ГА "Беларускае добраахвотнае Таварыства аховы помнікаў архітэктуры і культуры" Уладзімір Краўчанка.
01.02.2014 Міністэрства культуры будзе адказчыкам у судзе
Брэсцкі каардынатар Руху “За Свабоду” Дзяніс Турчаняк спрабуе аспрэчыць дзеянні Міністэрства культуры РБ, якое ўзгадняла праектную дакументацыю і выдала дазвол на будаўніцтва аўтадарожнага моста на тэрыторыі Брэсцкай крэпасці.
22.01.2014 Лукашэнка: мова — не для рэвалюцый
На заўвагу пра тое, што ў Беларусі на нацыянальнай мове друкуецца небагата кніг, Лукашэнка нагадаў, што калісь ужо прапаноўваў беларускім літаратарам напісаць хоць адзін годны твор, аднак пакуль ніхто яму такога не паказаў.
09.01.2014 Канцэрт Касі Камоцкай у Менску забаронены
Выступ сьпявачкі меўся быць першым афіцыйным канцэртам у Менску за апошнія 10 гадоў. "Адміністрацыя КЗ “Менск” заявіла, што падпарадкоўваецца не выканкаму, а адміністрацыі прэзыдэнта і не дала дазвол на правядзеньне", - паведаміла Кася Камоцкая парталу tuzin.fm.
13.12.2013 У Брэсце забаранілі канцэрт праекту «Тузін.Немаўля»
Імпрэза плянавалася на 15 сьнежня ў мясцовым Доме культуры. Пасьля тыдняў перамоваў кіраўніцтва Берасьця ў асобе намесьніка старшыні Генадзя Барысюка і кіраўніцы аддзелу ідэалягічнай працы Алы Старыкевіч забараніла правядзеньне канцэрту.
11.12.2013 Палітвязень Ігар Аліневіч – першы лаўрэат прэміі імя Аляхновіча
У Міжнародны дзень правоў чалавека 10 снежня Беларускі Пэн-цэнтр і Радыё “Свабода” абвясцілі лаўрэатаў на прэмію імя імя Францішка Аляхновіча — за найлепшы твор, які быў напісаны ў зняволенні.
10.12.2013 Магілёў: пададзена скарга з нагоды парушэння закона аб мовах
У Магілёве на беларускамоўную скаргу адказалі па-руску. З гэтай нагоды намеснік старшыні Беларускай сацыял-дэмакратычнай партыі (Грамады) Ігар Барысаў напісаў скаргі ў магілёўскую пракуратуру, Магілёўскі аблвыканкам і Міністэрства транспарту і камунікацый.
06.12.2013 Фотавыставу "Першапачатак" і экспазіцыю да 80-годдзя СБП спехам згарнулі
У Дзяржаўным гістарычным музеі Беларусі спехам згарнулі выставу Саюза беларускіх пісьменнікаў. Фотавыставу "Першапачатак" і экспазіцыю да 80-годдзя СБП прэзентавалі 27 лістапада ў Нацыянальным гістарычным музеі. Працаваць яна павінна была да 8 снежня.
06.12.2013 Рок за правы чалавека: Музыка – не для катаванняў
Выпуск праваабарончага падкаста распавядае пра катаванні музыкай, якія практыкуюцца ў турмах кшталту Гуантанама і Абу-Грэйб. Пры гэтым не засталіся без увагі і вядомыя праваабаронцам “экзатычныя” спосабы катаванняў у мінскай “амерыканцы”.
05.12.2013 У Магілёве цэлы квартал пазбавілі статуса гісторыка-культурнай каштоўнасці
Дамы па вуліцы Лазарэнкі №5, 7, 13 і 15 больш не ахоўваюцца дзяржавай, і іх чакае ў бліжэйшы час далёка не светлая будучыня. Рашэнне аб пазбаўленні іх статуса гісторыка-культурнай каштоўнасці было прынята 27 лістапада Беларускай рэспубліканскай навукова-метадычнай радай па пытаннях гісторыка-культурнай спадчыны.
27.11.2013 У Оршы забаранілі канцэрт Вайцюшкевіча
Выступ знакамітага спевака ўваходзіў ў шэраг мерапрыемстваў, прысвечаных Дню нараджэння Уладзіміра Караткевіча і павінен было адбыцца ў музеі пісьменніка сёння. Адпаведна і песні, якія павінны былі выконвацца на канцэрце, планаваліся пераважна на тэксты Уладзіміра Сямёнавіча.