Навіны на тэму: выбары-2016
01.07.2016 У Шклове прэтэндэнт у кандыдаты здолеў падаць дакументы на рэгістрацыю ініцыятыўнай групы толькі пасля доўгіх пошукаў
Пётр Шымбалёў на працягу значнага адрэзку часу вымушаны быў расшукваць чальцоў акруговай камісіі па будынку Шклоўскага райвыканкама, бо кабінет, дзе павінна працаваць камісія, у яе працоўны час аказаўся зачыненым.
01.07.2016 Аналітычная справаздача па выніках назірання за фарміраваннем тэрытарыяльных і акруговых выбарчых камісій
Адсутнасць заканадаўча замацаваных крытэраў для прэтэндэнтаў у склад выбарчых камісій па-ранейшаму робіць магчымым суб’ектыўны падыход да персанальнага складу гэтых камісій. Доля прадстаўнікоў палітычных партый у складзе ТВК і АВК па-ранейшаму застаецца нязначнай.
01.07.2016 Сёння адбудзецца суд па справе аб неўключэнні вылучэнкі ад грамадзян Тамары Шчапёткінай у камісію
У канцы працоўнага дня 30 чэрвеня Тамары Шчапёткінай патэлефанавалі па мабільнаму тэлефону з Брэсцкага абласнога суда і паведамілі, што 1 ліпеня адбудзецца судовае паседжанне па яе справе.
01.07.2016 Размяшчэнне інфармацыі на афіцыйных інтэрнэт-рэсурсах толькі па-руску гродзенскі праваабаронца лічыць дыскрымінацыяй выбаршчыкаў па моўнай прыкмеце
З гэтай нагоды гродзенскі праваабаронца і назіральнік па Гродзенскай-Ленінскай акрузе №52 Віктар Сазонаў звярнуўся у ЦВК.
30.06.2016 Таццяны Малашчанка не змагла падаць дакументы на рэгістрацыю ініцыятыўнай групы – не працавала камісія
У акруговай выбарчай камісіі Баранавіцкай-Заходняй выбарчай акругі № 5 29 чэрвеня аказалася немагчыма падаць дакументы на рэгістрацыю ініцыятыўную групу. Расклад працы на дзвярах, дзе месціцца камісія быў, а вось сябраў камісіі на месцы не было.
30.06.2016 Шклоў, Крычаў, Слуцк, Салігорск, Баранавічы, Слонім, Бяроза, Барысаў: рэгіёны розныя , а камісіі сфармаваны з аднолькавымі падыходамі
Пад выглядам прадстаўнікоў грамадскіх аб’яданняў і вылучэнцаў ад грамадзян у склад акруговых выбарчых камісій былі ўключаны чыноўнікі мясцовых выканамаў. Кіруючы склад усіх акруговых выбаркамаў рэгіёна быў сфармаваны з правераных кадраў.
30.06.2016 Рух «За Свабоду» звярнуўся ў суд і патрабуе адмяніць вынікі фармавання выбарчых камісій у Брэсцкай вобласці
У скарзе гаворыцца, што пры стварэнні трох выбаркамаў у гэтым рэгіёне вылучаныя кандыдатуры ад Руху «За Свабоду» не толькі не трапілі ў склад камісій, але іх прозвішчы нават не былі агучаны падчас фармавання выбаркамаў.
30.06.2016 Старшынёй адной з акруговых выбарчых камісій у Брэсце абралі асобу, якая падчас прэзідэнцкіх выбараў праігнаравала скаргу адносна падлогу бюлетэняў
Кіраваць выбаркамам у Брэсцкай-Цэнтральнай выбарчай акрузе №2 будзе загадчыца дзіцячым садком №69 Галіна Янголенка, якая ў мінулым годзе была старшынёй Маскоўскай раённай горада Брэста камісіі па выбарах прэзідэнта Рэспублікі Беларусь.
29.06.2016 Акруговай камісіяй Быхаўскай выбарчай акругі №81 будуць кіраваць правераныя кадры
Віктар Агнетаў, які накіраваны ў склад акружной выбарчай камісіі ад РГА “Белая Русь”, ужо даволі даўно працуе кіраўніком спраў Быхаўскага райвыканкама. Вылучэнка Рэспубліканскага прафсаюза работнікаў дзяржаўных і іншых устаноў Таццяна Ермаліцкая таксама працуе ў Быхаўскім райвыканкаме.
29.06.2016 Магілеўскія ўлады спрабуюць знівеліяваць у вачах грамадскасці парушэнні падчас фармавання выбаркамаў
Магілеўскі аблвыканкам вуснамі членаў праўрадавых арганізацый спрабуе "адвесці вочы" ад парушэнняў пры фармаванні выбарчых камісій.
29.06.2016 Бабруйск: у склад акруговых камісій зноў увайшлі чыноўнікі з вопытам
Cклад АВК па Ленінскай выбарчай акрузе № 78 не цалкам, але змяніўся, - калі параўноваць з апошнімі выбарамі ў ПП НС, і практычна не змяніўся, калі параўноўваць са складам ТВК на апошніх прэзідэнцкіх выбарах.
29.06.2016 У Маладэчне выканкамаўскія супрацоўнікі “маскіравалі” сваё вылучэнне “ад грамадзян”
Як, напрыклад, абраная старшынёй камісіі Святлана Юрчык, якая працуе начальнікам аддзела Маладзечанскага райвыканкама па рабоце са зваротамі насельніцтва і юрыдычных асоб, ды яе намеснік Александр Уланчык – кіраўнік справамі Валожынскага райвыканкама.
29.06.2016 Кіраваць Брэсцкай абласной выбарчай камісіяй будзе былы намеснік старшыні аблвыканкама
Для Міхаіла Юхімука гэта першы непасрэдны досвед удзелу ў выбарчай кампаніі ў якасці сябра камісіі, аднак раней ён займаў пасаду намесніка старшыні Брэсцкага аблвыканкама.
29.06.2016 Камуніст Сяргей Хільман абраны старшынёй Мінскай гарадской камісіі
На першым паседжанні Мінскай гарадской выбарчай камісіі, якое адбылося ўвечары 28 чэрвеня, былі абраныя асобы на кіруючыя пасады.
29.06.2016 Бяроза: грамадзяне абскарджваюць неўключэнне Тамары Шчапёткінай у акруговую камісію
Грамадзяне, якія накіравалі Тамару Шчапёткіну ў склад акруговай камісіі Бярозаўскай акругі №9 па выбарах дэпутатаў Палаты прадстаўнікоў, не пагадзіліся з яе неўключэннем у сябры камісіі і накіравалі скаргу ў Брэсцкі абласны суд.