Навіны на тэму: выбары-2016
28.07.2016 Бярозаўка: збор подпісаў пад бел-чырвона-белым сцягам у Дзень незалежнасці (фота)
У цэнтры горада Бярозаўка Лідскага раёна 27 ліпеня з самай раніцы залунаў бел-чырвона-белы сцяг. Пад сцягам сябры ініцыятыўнай групы па вылучэнні кандыдатам у дэпутаты ў парламент Беларусі Вітольда Ашурка (Партыя БНФ) выйшлі на пікет па зборы подпісаў.
28.07.2016 Празрыстае фінансаванне ўсіх этапаў выбарчай кампаніі - крок да справядлівых выбараў
У межах кампаніі “Праваабаронцы за свабодныя выбары” юрыст Павел Сапелка прааналізаваў магчымасці ўдзельнікаў парламенцкіх выбараў пры падрыхтоўцы і правядзенні электаральнай кампаніі праз прызму нормаў выбарчага заканадаўства, якія рэгулююць пытанні фінансавання, і суаднёс іх з міжнароднымі стандартамі ў гэтай галіне. Выявіліся сітуацыі, якія ўказваюць на няроўнасць кандыдатаў.
28.07.2016 Ва ўчастковыя камісіі ў Гродне не ўключаны прадстаўнікі дэмакратычных партый
Асноўныя агучаныя крытэры “адбору” былі названыя: досвед працы ў камісіях папярэдніх кампаній па выбарах, камунікабельнасць, сяброўства ў масавых арганізацыях, актыўны ўдзел у грамадскім жыцці.
27.07.2016 Слонім: з 25 вылучэнцаў ад БНФ “Адражэнне” ў склад камісій уключылі аднаго
На пытанне, чаму з 25 чалавек у склад камісій уключылі толькі аднаго, удзельнікі пасяджэння Слонімскага раённага выканаўчага камітэту па фарміраванні ўчастковых камісій патлумачылі, што ў многіх з прэтэндэнтаў няма вопыту.
27.07.2016 Смаргонь: дакументы па вылучэнні ў склад участковых камісій зноў сталі таемнай інфармацыяй
На рэмарку Алеся Дзергачова, што гэта пытанне галоснасці выбараў паводле артыкула 13 Выбарчага кодэкса, адказалі, што гэта “не той выпадак”.
27.07.2016 Бабруйск: месцаў для агітацыі стала больш
Калі параўноваць з мінулымі выбарамі ў ПП НС, умовы для агітацыі ў Першамайскай і Ленінскай акругах у Бабруйску палепшыліся.
27.07.2016 Жодзіна: участковыя камісіі сфармаваны на безальтэрнатыўнай аснове
Старшыня паседжання адразу негатыўна выказаўся наконт фатаграфавання ў зале паседжанняў, вынес пытанне на галасаванне і абсалютнай большасцю галасоў прысутных забараніў назіральніку фатаграфаваць на мерапрыемстве.
27.07.2016 Салігорск: у склад участковых камісій увайшлі людзі “з досведам працы”
Пры гэтым прысутнаму на паседжанні Салігорскага раённага выканаўчага камітэту па фармаванні ўчастковых камісіяў незалежнаму назіральніку Леаніду Мархотку азнаёміцца з дакументамі аб вылучэнні сяброў у іх склад не дазволілі.
27.07.2016 Гродзенскі назіральнік накіраваў скаргу адносна выкарыстання дзяржаўнага інфармацыйнага рэсурсу за некаторых прэтэндэнтаў
Гродзенскі незалежны назіральнік Раман Юргель накіраваў скаргу ў ЦВК, у якой звяртае ўвагу на сістэмнае парушэнне заканадаўства рэдакцыяй афіцыйнага органа Гродзенскага аблвыканкаму “Гродзенская праўда”.
27.07.2016 У Крычаве акруговая камісія распачала праверку падпісных лістоў
Дакументы на рэгістрацыю акруговую камісію ўжо падалі два прэтэндэнта ў кандыдаты - старшыня Крычаўскага раённага Савета дэпутатаў, член КПБ Таццяна Марачкава і галоўны дзяржаўны санітарны ўрач Чэрыкаўскага раёна Людміла Шматава.
26.07.2016 "Арганізатарамі выбараў у Беларусі фактычна з'яўляюцца праўладныя грамадскія аб'яднанні"
Паводле ЦВК, найбольшую колькасць вылучэнцаў ва ўчастковыя камісіі маюць грамадскія арганізацыі — 49,9%. Праваабаронца Валянцін Стэфановіч у каментары Свабодзе назваў гэта "спецыфікай палітычнай сістэмы Беларусі".
26.07.2016 Чаму вынеслі і чаму папярэджанне адмянілі – прэтэндэнт у кандыдаты атрымаць адказу не можа
Прэтэндэнт у кандыдаты па Баранавіцкай-Усходняй выбарчай акрузе №6 Мікалай Чарнавус да гэтага часу не можа атрымаць матываваных адказаў на пытанні: чаму яму было вынесена папярэджанне і чаму адмененае.
26.07.2016 БАЖ: Надвор’е і спорт цікавяць беларускія СМІ больш за выбары
26 ліпеня БАЖ прэзентавала вынікі першага этапу маніторынга асвятлення парламенцкіх выбараў у беларускіх СМІ.
26.07.2016 Кандыдат хоча кантраляваць кожны выбарчы ўчастак
Кандыдат у дэпутаты ад Аб'яднанай грамадзянскай партыі (АГП) па Гомельскай-Сельмашаўскай акрузе №32 Уладзімір Кацора патрабуе ўключыць у склад усіх 34 сфармаваных участковых выбарчых камісій па акрузе свае кандыдатуры.
26.07.2016 Праваабаронцы: «За прэтэндэнтаў у кандыдаты ад улады ўжо вядзецца агітацыя»
Назіральнікі кампаніі “Праваабаронцы за свабодныя выбары” ў Гародні фіксуюць няроўныя ўмовы ў выбарчай кампаніі нават на этапе збору подпісаў, пра што распавялі Свабодзе.
