Навіны на тэму: выбары-2015
18.08.2015 Самы шматлюдны пікет у Оршы – з удзелам Таццяны Караткевіч (фота)
Пікет прайшоў спакойона. У спрэчкі, але ў тактоўнай форме, кідаўся толькі адзін наведнік – хлопец у майцы са сцягам расійскай імперыі і надпісам “С нами Бог». Ён спытаў у спадарыні Караткевіч, ці мае яна намер далучыць Беларусь да Расіі. Пачуўшы адмоўны адказ, пачаў гаворку на іншую тэму.
18.08.2015 Дзяржаўны «клопат» пра народ перад выбарамі: у Рэчыцы створаны «дэпутацкія пасты»
«Пасты» створаны «з мэтай вывучэння і ліквідацыі негатыўных тэндэнцый сацыяльна-эканамічнага характару, якія ўплываюць на рэйтынг даверу насельніцтва да ўлады».
17.08.2015 Таццяна Караткевіч наведала магілёўскую турму №4, дзе адбывае пакаранне палітвязень Мікалай Статкевіч
Прэтэндэнт у кандыдаты на пасаду прэзідэнта РБ Таццяна Караткевіч 17 жніўня наведала магілёўскую турму №4 і сустрэлася з начальнікам гэтай установы. Менавіта ў турме №4 зараз адбывае пакаранне палітвязень, кандыдат на пасаду прэзідэнта на прэзідэнцкіх выбарах 2010 года Мікалай Статкевіч.
17.08.2015 Аналітычная тыднёвая справаздача па выніках назірання: 10-17 жніўня
Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары».
17.08.2015 Цэнтрвыбаркам рэкамендуе ніжэйстаячым камісіям даваць адказы на мове звароту
Гэта вынікае з адказу на скаргу магілёўскага праваабаронцы Аляксея Колчына, які накіраваў скаргу ў Цэнтрвыбаркам з прычыны таго, што старшыня Магілёўскай абласной выбарчай камісіі Валеры Берастаў на беларускамоўныя скаргі адказвае па-руску.
17.08.2015 Бабруйск: прыхільнікі Улаховіча завабліваюць выбаршчыкаў песнямі (фота)
З 14 жніўня ў Бабруйску з’явіліся пікеты і сяброў ініцыятыўнай групы Мікалая Улаховіча. Яны абралі месца каля ўваходу на цэнтральны рынак, побач са скульптурай Бабра. У выходныя тут таксама можна было ўбачыць два пікеты ў падтрымку Таццяны Караткевіч і адзін за Анатоля Лябедзьку.
17.08.2015 На сайтах раённых газет Гродзеншчыны – інфармацыя пра збор подпісаў за Аляксандра Лукашэнку
Інфармацыі пра збор подпісаў за альтэрнатыўных прэтэндэнтаў у дзяржаўных раённых газетах амаль няма. Як выключэнне пра працу ініцыятыўнай групы Анатоля Лябедзькі ёсць згадка ў адной інфармацыі “Ашмянскага весніка”.
17.08.2015 У Магілеве затрымлівалі членаў ініцыятыўнай групы Таццяны Караткевіч
Валянціна Шчэтнікава і Алесь Шаўцоў збіралі подпісы ў падтрымку прэтэндэнта ў кандыдаты ў прэзідэнты Таццяны Караткевіч на Віленскім рынку. Удзельнічала і сама Караткевіч - на працягу гадзіны яна размаўляла з магілёўцамі. Пасля яе ад'езду пачаліся праблемы.
16.08.2015 У Бярозе збіраюць подпісы толькі за Таццяну Караткевіч (фота)
Пікеты па збору подпісаў за вылучэнне кандыдатаў у прэзідэнты ў Бярозе праводзілі толькі ініцыятыўныя групы Аляксандра Лукашэнкі і Таццяны Караткевіч. Апошнія дні подпісы за дзеючага прэзідэнта ў пікетах ужо не збіраюць.
16.08.2015 У Бабруйску са 106 участкаў 73 размешчаны ў навучальных установах
У двух раёнах Бабруйску сфармавалі 106 выбарчых участкаў: 51 у Ленінскім і 55 у Першамайскім. З іх 36 участкаў дзеляць памяшканне з іншымі, усе "двайняты" знаходзяцца ў навучальных установах.
14.08.2015 У Брэсцкай вобласці сёлета на прэзідэнцкіх выбарах будзе 36 закрытых участкаў для галасавання
Увогуле ў Брэсцкай вобласці створана 939 участкаў для галасавання на выбарах прэзідэнта Беларусі, і ў параўнанні з папярэднімі выбарамі ў 2010 годзе іх будзе на 47 участкаў менш.
14.08.2015 Праваабаронца заклікае ЦВК і Пракуратуру прыняць меры ў дачыненні да “Беларускага таварыства паляўнічых і рыбаловаў” за парушэнне заканадаўства
Каардынатар кампаніі “Праваабаронцы за свабодныя выбары” Уладзімір Лабковіч накіраваў у Цэнтральную выбарчую камісію і пракуратуру скаргу на парушэнне заканадаўства Рэспублікі Беларусь.
13.08.2015 У Гомельскай вобласці на 43 участках не будзе датэрміновага галасавання
На ўчастку №32, размешчаным у ЛПП у Светлагорску, датэрміновага галасавання не будзе. Таксама на базе аддзелаў унутраных спраў выдзелена 20 памяшканняў для галасавання (выязнымі камісіямі з замацаваных выбарчых участкаў): арыштны дом СІЗА (Гомель), арыштны дом калоніі №20 (Мазыр), 18 ІЧУ.
13.08.2015 У Мікашэвічах затрымлівалі зборшчыка подпісаў за Таццяну Караткевіч
Каля 20 вечара 12 жніўня быў затрыманы Леанід Дубаносаў, які збіраў подпісы за патэнцыйнага кандыдата ў прэзідэнты Таццяну Караткевіч. Затрыманне супрацоўнік міліцыі абгрунтаваў нібыта званком у міліцыю, што Дубаносаў збірае подпісы ў стане алкагольнага ап’янення.
13.08.2015 У Слуцку выбарчая кампанія праходзіць надзвычай пасіўна
Па словах сябра БХК Віталя Амяльковіча, ад пачатку кампаніі па зборы подпісаў у Слуцку былі зафіксаваныя ўсяго некалькі пікетаў за Аляксандра Лукашэнку і адзін пікет за Анатоля Лябедзьку. Інфармацыя аб якім-небудзь сур’ёзным зборы подпісаў па кватэрах да мясцовых праваабаронцаў таксама не даходзіла.
