Навіны на тэму: выбары-2015
24.08.2015 У Крычаве правераць подпісы за Лукашэнку, Улаховіча і Караткевіч
У Крычаўскую раённую выбарчую камісію паступілі падпісныя лісты з подпісамі за трох прэтэндэнтаў у кандыдаты: за вылучэнне Аляксандра Лукашэнкі 11 825 подпісаў, за Мікалая Улаховіча 144 подпісы, і за вылучэнне Таццяны Караткевіч 767 подпісаў.
24.08.2015 ЗША вітаюць вызваленне беларускіх палітвязняў і заклікаюць да дэмакратычных выбараў
У сваёй заяве Дзярждэп ЗША заклікае ўлады Беларусі правесці выбары ў адпаведнасці са стандартамі БДІПЧ АБСЕ, што "будзе садзейнічаць далейшаму паляпшэнню двухбаковых адносінаў".
24.08.2015 У Баранавічах пакуль толькі прадстаўнікі “Справядлівага свету” вылучаны ва ўчастковыя камісіі
У Баранавічах з дэмакратычных палітычных партый і недяржаўных грамадскіх арганізацый пакуль толькі прадстаўнікі гарадской філіі партыі левых “Справядлівы свет” вылучылі чатырох сваіх прадстаўнікоў ва ўчастковыя выбарчыя камісіі.
24.08.2015 Мазырскі назіральнік просіць пра магчымасць азнаёміцца з падпіснымі лістамі
Уладзімір Целяпун накіраваў заяву ў раённую выбарчую камісію, у якой просіць азнаёміць яго з падпіснымі лістамі ў падтрымку прэтэндэнтаў на пост кіраўніка дзяржавы. Таксама заяўнік просіць камісію прадставіць яму магчымасць прысутнічаць пры працэдуры праверкі падпісных лістоў.
24.08.2015 Бабруйск: ТВК Першамайскага раёну агучыла фантастычную колькасць подпісаў за Улаховіча
Сябры яго ініцыятыўнай групы позна пачалі станавіцца ў пікеты, казалі, што дагэтуль збіралі подпісы "у вузкім коле, пакватэрна". Але зборшчыкі подпісаў за іншых прэтэндэнтаў і незалежныя назіральнікі ў адзін голас кажуць, што нідзе і ніколі не бачылі сляды дзейнасці "ўлахоўцаў".
24.08.2015 Аналітычная тыднёвая справаздача па выніках назірання: 17-23 жніўня
Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ "Вясна" ў межах кампаніі "Праваабаронцы за свабодныя выбары».
24.08.2015 Салігорскія праваабаронцы: выбарчая кампанія на Салігоршчыне ідзе надзвычай пасіўна
Этап збору подпісаў скончыўся, але сур'ёзнай актыўнасці ні з боку патэнцыйных кандыдатаў, ні з боку выбаршчыкаў салігорскія праваабаронцы з гэты перыяд не зафіксавалі.
24.08.2015 У Смаргонскім раёне 25% выбаршчыкаў “ахоплена подпісамі” за аднаго прэтэндэнта
У раённую камісію здала свае подпісныя лісты толькі адна ініцыятыўная група – Алякасандра Лукашэнкі. У лістах аказалася 10 тысяч 223 подпісы. З гэтай лічбы вынікае, што ў раёне “ахоплена подпісамі” за аднаго прэтэндэнта каля 25% выбаршчыкаў.
23.08.2015 Прэзідэнт Еўрапарламента: Вызваленне палітвязняў - запознены крок
Прэзідэнт Еўрапейскага парламента Марцін Шульц вітаў навіну аб вызваленні беларускіх палітвязняў. Але выказаў меркаванне, што дадзенага кроку не дастаткова для перагляду стасункаў з Беларуссю.
21.08.2015 “Праспект нацыянальнага сцягу” ператварыўся ў кароткую “вуліцу” (відэа)
Удзельнікам мінскай акцыі з нагоды апошняга дня збору подпісаў за вылучэнне кандыдатаў у прэзідэнты не ўдалося расцягнуцца ад гарадской ратушы да Палацу спорта, як планавалася: менавіта ў гэты час камунальшчыкам стала неабходна прыбіраць мост, і на яго нікога не пусцілі.
21.08.2015 Бабруйск: выбарчыя ўчасткі чакаюць спонсараў
Бабруйскія чыноўнікі прыспешваюць падначаленых у падрыхтоўцы выбарчых участкаў. На апошняй планёрцы старшыня гарвыканкаму заявіў, што "далёка не ўсе ўчасткі для галасавання сёння прыведзены ў належны стан".
21.08.2015 Сяргей Калякін выбыў з прэзідэнцкай гонкі
Прэтэндэнт на пасаду прэзідэнта Сяргей Калякін не будзе здаваць сабраныя подпісы ў выбарчыя камісіі і стане агітаваць грамадзян галасаваць супраць усіх. Ён выказаў упэўненасць, што ні адзін з прэтэндэнтаў рэальна не сабраў партабуемай колькасці подпісаў, акрамя Лукашэнкі.
21.08.2015 Брэст: свой апошні пікет сябры ініцыятыўнай групы Анатоля Лябедзькі правялі пад лозунгам “За сумленныя і свабодныя выбары”
Падчас гэтага пікету, які адбыўся на вуліцы Савецкай каля кінатэатру “Беларусь”, к кіраўнік Брэсцкай абласной арганізацыі Аб’яднанай грамадзянскай партыі Дыяна Касцюковіч патлумачыла, што збор 100 тысяч подпісаў не быў галоўнай мэтай цяперашняй выбарчай кампаніі для актывістаў АГП.
21.08.2015 Гродзеншчына: дэмакратычныя партыі вылучылі ва ўчастковыя камісіі 54 чалавекі
Паводле слоў старшыні Гродзенскай абласной арганізацыі АГП Аляксандры Васілевіч, іх структура вылучыла 25 сваіх прадстаўнікоў у камісіі, 10 з іх вылучана ў Гродне (6 – па Ленінскім, 4 – па Кастрычніцкім раёне), астатнія вылучаны ў Астравецкім, Ашмянскім і Іўеўскім раёнах.
21.08.2015 Збор подпісаў у Віцебску завяршаецца "ланцугом пікетаў" (фота)
20 жніўня ўздоўж вуліцы Леніна паўстаў цэлы шэраг пікетаў пад бел-чырвона-белымі сцягамі. Завяршаючы збор подпісаў за вылучэнне кандыдатаў на прэзідэнцкія выбары, да гараджан выйшлі ініцыятыўныя групы падтрымкі Таццяны Караткевіч і Анатоля Лябедзькі.
