Навіны на тэму: выбары-2014
24.01.2014 Мікалай Уласевіч аспрэчвае рашэнне ЦВК у судзе
Грамадскі актывіст з мястэчка Варняны Мікалай Уласевіч накіраваў 23 студзеня скаргу ў Вярхоўны суд на рашэнне Цэнтральнай камісіі. 21 студзеня ЦВК адмяніў рэгістрацыю абедзвюх ініцыятыўных груп Уласевіча. Ён лічыць, што яго канстытуцыйнае права вылучацца і балатавацца ў дэпутаты парушана.
24.01.2014 Брэст: шанцаў абскардзіць рашэнне аб фарміраванні гарадской выбарчай камісіі не засталося
Праваабаронцы і дэмакратычныя актывісты з Берасця абскардзілі рашэнне Прэзідыума Брэсцкага гарадскога Савета дэпутатаў і Брэсцкага гарвыканкама ад 27 снежня аб фарміраванні гарадской выбарчай камісіі па выбарах у мясцовыя Саветы дэпутатаў у Брэсцкім абласным судзе.
23.01.2014 Калінкавіцкія начальнікі зноў ідуць у дэпутаты
Варта заўважыць, што раённыя газеты вельмі сціпла і сцісла асвятляюць выбарчую кампанію, часта па прынцыпу «ніякіх прозвішчаў, лічбаў, канкрэтыкі». Так, сайты Брагінскай, Лоеўскай, Нараўлянскай, Чачэрскай і Хойніцкай раённых газет сцісла перадаюць афіцыйную агульнарэспубліканскую інфармацыю пра выбары са спасылкамі на ЦВК і БелТА.
23.01.2014 На Піншчыне выбарчая кампанія пакуль адбываецца без удзелу партый
У Пінску за два тыдні рэгістрацыі ініцыятыўных груп для збору подпісаў, заявы падалі ўсяго 10 чалавек. Пададзеныя дакументы былі складзеныя адпаведна выбарчаму заканадаўству, таму Пінская гарадская тэрытарыяльная выбарчая камісія зарэгістравала ўсе атрыманыя заявы. Па Пінску сфармавана 32 выбарчыя акругі, таму кандыдатаў у дэпутаты павінна быць не менш гэтай лічбы.
22.01.2014 Бабруйск: Жадаючых ісці на выбары пакуль няшмат
На ўдзел у выбарах у гарадскі Савет дэпутатаў было пададзена 47 заяў аб рэгістрацыі ініцыятыўных груп, паведамляе сайт гарвыканкама. Колькі з іх прайшлі рэгістрацыю і хто гэтыя людзі, афіцыйная крыніца не паведамляе.
22.01.2014 У Віцебскай вобласці не зарэгістравалі 6 ініцыятыўных груп
Ва ўсіх шасці выпадках у ахвотных вылучацца кандыдатамі ў дэпутаты былі зафіксаваны недакладнасці ў сабраных дакументах. Пра тое, каб не зарэгістравалі ініцыятыўную групу кагосьці з дэмакратычных актывістаў на Віцебшчыне, звестак няма.
22.01.2014 У Валожыне жанчыну пагрозамі змусілі выйсці з ініцыятыўнай групы прамоўцы БХД
У Валожыне мясцоваму грамадскаму актывісту, прамоўцу Беларускай Хрысціянскай Дэмакратыі падчас мясцовай кампаніі Георгію Каржанеўскаму адмовілі ў рэгістрацыі ініцыятыўнай групы.
21.01.2014 Газета "Витебские вести" лічыць, што існуе ўсяго адна палітычная партыя
У артыкуле, прысвечаным храналогіі сёлетняй выбарчай кампаніі, наўпрост сказана: " у дадзены момант па вобласці праходзяць пасяджэнні кіруючых органаў палітычнай партыі, … дзе вызначаюцца з вылучэнцамі". Якую ж партыю мае на ўвазе абласная газета, не ўдакладняецца.
21.01.2014 Палату прадстаўнікоў просяць датэрмінова спыніць паўнамоцтвы дэпутата Краўцова
Валерый Каранкевіч адзначае, што сумяшчэнне дзяржаўнай пасады з дэпутацкімі паўнамоцтвамі парушае прынцып раздзялення паўнамоцтваў розных галін улады і не ўлічвае інтарэсы выбаршчыкаў, што недапушчальна.
21.01.2014 Пракуратура афіцыйна папярэдзіла старшыню абласной камісіі
Пракуратура горада Віцебска вынесла афіцыйнае папярэджанне старшыні Віцебскай абласной выбарчай камісіі за парушэнне тэрмінаў разгляду скаргі назіральніка Паўла Левінава.
21.01.2014 Цэнтрвыбаркам пачынае выбіваць з выбараў апазіцыянераў?
Першае пасяджэнне ЦВК, на якім перагледзяць рэгістрацыю ініцыятыўных груп дэмактывіста, прызначана на 21 студзеня.
20.01.2014 ЦВК перагледзіць рашэнне аб рэгістрацыі дзвюх ініцыятыўных груп
20 студзеня грамадскі актывіст з Варнянаў Мікалай Уласевіч атрымаў тэлефонаграму з Цэнтрвыбаркаму. У ёй паведамляецца, што 21-га студзеня а 12-й гадзіне адбудзецца паседжанне ЦВК на якім будзе перагледжана рашэнне Астравецкай раённай камісіі аб рэгістрацыі дзвюх ініцыятыўных груп Уласевіча па збору подпісаў на вылучэнне ў раённы савет.
20.01.2014 Мазыр: начальнікі ідуць у дэпутаты праз збор подпісаў
"Адметнасцю гэтай выбарчай кампаніі можна лічыць падачу дакументаў па вылучэнню кандыдатаў у дэпутаты праз утварэнне ініцыятыўных груп усяго дырэктарскага корпусу, які «выбіраецца-прызначаецца» пазней у склад мясцовага Савета дэпутатаў".
20.01.2014 У Жодзіне - 10 ініцыятыўных груп на 36 выбарчых акругах
Апроч таго, на апошнім паседжанні разглядалася пытанне аб вынясенні папярэджання незалежнаму назіральніку Аляксею Лапіцкаму.
19.01.2014 У Палаце прадстаўнікоў лічаць, што старшыня Гродненскага аблвыканкаму спраўляецца з дэпутацтвам
У заявах на імя старшыні Палаты прадстаўнікоў Уладзіміра Андрэйчанкі і старшыні ЦВК Лідзіі Ярмошынай былы кандыдат у дэпутаты прапаноўваў у сувязі з адсутнасцю дэпутата Краўцава У. В. у выбарчай акрузе №83 прапанаваць яму скласці свае дэпутацкія паўнамоцтвы.
