Навіны на тэму: выбары-2014
11.03.2014 Віцебскі апазіцыйны кандыдат Вадзім Кузьмін: "Інфармацыю пра мяне сказілі знарок!"
У выніку "праўкі" знікла інфармацыя пра тое, што Вадзім Кузьмін ўзнагароджаны трыма ордэнамі за працу па ліквідацыі наступстваў на Чарнобыльскай АЭС. Зніклі звесткі і пра 5 медалёў, якімі кандыдат узнагароджаны. Нідзе не згадана, што ён мае 4 адукацыі.
11.03.2014 У Гомелі хуліганы напалі на пікет кандыдата ў дэпутаты ад АГП
У Гомелі 11 сакавіка агітацыйны пікет праводзіў кандыдат у дэпутаты гарсавету па Студэнцкай акрузе Зміцер Карпенка, сябра АГП. На адным з плакатаў ён выказаў свае адносіны да падзей ва Украіне, напісаўшы «Кандыдат Зміцер Карпенка – супраць вайны, за Украіну!».
11.03.2014 Кандыдата ў дэпутаты затрымалі на плошчы Якуба Коласа за бел-чырвона-белы сцяг
11 сакавіка на пляцоўцы каля мінскай Філармоніі быў затрыманы кандыдат у дэпутаты Мінскага гарсавета ад Партыі БНФ Яўген Рыбакоў. Ён ладзіў перадвыбарчы пікет. Спадар Рыбакоў меў у руках бел-чырвона-белы сцяг.
11.03.2014 У Магілёве адцэнзуравалі біаграфію кандыдата ў дэпутаты
З гэтай нагоды актывіст незалежнага прафсаюза Радыёэлектроннай прамысловасці Аляксей Паўлоўскі падаў скаргі ў Ямніцкую акруговую выбарчую камісію №35, а таксама ў Магілёўскую гарадскую выбарчую камісію.
11.03.2014 У інтэрнэце распаўсюджваюць "кампрамат" на віцебскага апазіцыйнага кандыдата
Хрыстафор Жаляпаў, якога нехта спрабуе выставіць у непрывабным святле, не здзіўлены: "Гэтыя фотаздымкі, дзе я сяджу ў рэстарацыі на юбілеі сябра, мне паказвалі яшчэ ў 2003 годзе. Тады іх спрабавалі выкарыстаць для шантажу, а цяпер – для дыскрэдытацыі, нібыта я злоўжываю алкаголем".
11.03.2014 Рэдактарка "Дняпроўскай праўды" ўбачыла ў праграме кандыдата замах на канстытуцыйны лад
Віцебскаму актывісту Аляксею Гаўруцікаву было адмоўлена ў апублікаванні ягонай праграмы і біяграфічных звесткак у дубровенскай "раёнцы". Рэдактарка заявіла, што ў праграме кандыдата ўтрымліваецца "прыхаваны заклік да змянення канстытуцыйнага ладу і змены ўлады".
11.03.2014 Орша: кандыдат не можа атрымаць з друкарні агітацыйныя ўлёткі
Кандыдат у дэпутаты ад Партыі БНФ, аршанец Ігар Казмярчак ужо тыдзень не можа дамагчыся, каб яму належным чынам надрукавалі агітацыйныя ўлёткі. Тым часам ў Оршы з'яўляюцца ўлёткі іншых кандыдатаў – без выходных дадзеных. Ігар Казмярчак спрабуе вырашыць праблему з улёткамі не першы дзень.
10.03.2014 Петрыкаў: мандат абяцаюць кожнаму, хто «даў на гэта папярэднюю згоду»
«Альтэрнатыўных кандыдатур у выбарчых акругах Камаровіцкага сельсавета няма. Гэта і зразумела. Няшмат сярод вяскоўцаў ахвотнікаў пры цяперашняй занятасці ўзяць на сябе яшчэ і цяжар дэпутацкіх абавязкаў. Таму ў дзень галасавання мандат даверу абавязкова атрымае кожны, хто загадзя даў на гэта сваю згоду», - упэўнена піша раённая газета.
10.03.2014 Мікалай Лазавік у справе выбараў цытуе Жан Жака Русо
У адказе, які атрымаў магілёўскі муляр Аляксей Паўлоўскі, сакратар Цэнтрвыбаркама Мікалай Лазавік скарыстаўся афарызмам французскага пісьменніка і філосафа і адзначыў, што абраза – гэта довады тых, хто не мае рацыі.
10.03.2014 Гомель: ціхія выбары, белыя аркушы замест агітацыі (ФОТА)
Да выбараў у мясцовыя Саветы засталося менш за два тыдні, а ў Гомелі пра палітычную падзею гавораць толькі плакаты на будынках «23 сакавіка – выбары ў мясцовыя Саветы». На інфармацыйных стэндах «Выбары-2014» - нуль інфармацыі, толькі белыя аркушы паперы сярод абвестак пра канцэрты зорак і спартыўныя мерапрыемствы.
10.03.2014 Гомель: кандыдата ад АГП выбарчая камісія настойліва просіць зняцца з выбараў
Ужо тройчы прасілі сябры Гомельскай гарадской выбарчай камісіі зняцца з выбараў актывіста АГП Дзмітрыя Карпенка, які зарэгістраваны кандыдатам у дэпутаты па Студэнцкай акрузе №32. Як паведаміў кандыдат, такія прапановы яму паступалі, у прыватнасці, ад сябра гарадской выбарчай камісіі Ірыны Анатольеўны Абрамцавай.
09.03.2014 Баранавічы: афіцыйная газета адмаўляецца друкаваць перадвыбарчую праграму кандыдата
Баранавіцкая дзяржаўная газета “Наш край” адмовілася друкаваць перадвыбарчую праграму кандыдата ў дэпутаты абласнога савета Мікалая Чарнавуса. Як яму стала вядома, яго праграму адправілі ў Цэнтральную выбарчую камісію.
08.03.2014 У Бялыніцкім раёне звесткі пра судзімасці кандыдатаў абяцаюць надрукаваць у інфармацыйных матэрыялах
Незалежны журналіст з Бялыніцкага раёна Барыс Вырвіч змог атрымаць тлумачэнні ад старшыні Бялыніцкай раённай выбарчай камісіі Ірыны Фурсавай, чаму ж у газеце “Зара над Друццю” у апублікаваных звестках пра кандыдатаў у дэпутаты Бялыніцкага райсавета не была ўказана інфармацыя пра маючыеся ў кандыдатаў судзімасці.
08.03.2014 Шклоўская раённая выбарчая камісія паабяцала апублікаваць дадзеныя аб судзімасцях кандыдатаў
"Улады самі змянілі выбарчае заканадаўства, аднак чамусьці не хочуць публікаваць дадзеныя пра судзімасці кандыдатаў у дэпутаты, падобная сітуацыя не толькі ў Шклове, а і па ўсей Беларусі. Такога масавага вылучэння раней асуджаных кандыдатаў у дэпутаты ад улады раней не было, вось яны і вымушаны гэта неяк прыхоўваць".
07.03.2014 Вазьняка аштрафавалі за правядзеньне перадвыбарчага пікету
Судзьдзя Савецкага раённага суду Менску Марына Фёдарава аштрафавала на 40 базавых велічынь (5 мільёнаў 200 тысяч рублёў) кандыдата ў дэпутаты Менскага гарадзкога савета па Кальварыйскай выбарчай акрузе № 38 Сяргея Вазьняка.
