Навіны на тэму: выбары-2012
29.08.2012 Гомель: дырэктары школ агітуюць на бацькоўскіх сходах
У некаторых гомельскіх школах зараз праходзяць бацькоўскія сходы па падрыхтоўцы дзяцей да новага навучальнага году. Акрамя арганізацыйных момантаў: дзелавога стылю адзення, раскладу званкоў, дырэктары школ распачалі сярод бацькоў агітацыю.
29.08.2012 Выступ кандыдата ў дэпутаты Васіля Палякова не паказалі па тэлебачанні
Замест выступу апазіцыянера быў устаўлены «інфармацыйна-прапагандысцкі» блок пра дасягненні ўлады, прычым гледачам распавялі аб прадпрыемстве «Гомельскія цеплавыя сеткі». Дырэктар прадпрыемства Міхаіл Пачынок балатуецца таксама па Савецкай акрузе. Выходзіць, апазіцыянерам эфір не далі, а праўладным кандыдатам – дабавілі?
29.08.2012 Уладзімір Навясяд казаў пра палітвязняў
“Вызваленне палітвязняў патрэбнае не міжнародным арганізацыям ці Заходнім краінам. Гэта,у першую чаргу, патрэбна нам самім”. Уладзімір Навасяд – першы з мінскіх кандыдатаў, хто публічна заявіў пра жаданне ўдзельнічаць у выбарчых дэбатах.
29.08.2012 Тэлевыступ віцебскага кандыдата ад АГП знялі на падставе ананімнага дакумента
Выступ Сяргея Рэзнічэнкі мусіў транслявацца ўвечары 28 жніўня. Але у эфір ён так і не выйшаў. Актывіст АГП звярнуўся ў Віцебскую тэлерадыёкампанію, дзе яму паказалі паперу з ЦВК. Аднак яго прозвішча ў дакуменце пра забарону тэлевыступаў не было.
29.08.2012 Салігорск: назіральнік абскарджвае адмову азнаёміцца з дакументамі аб вылучэнні кандыдатаў
На паседжанні акруговай камісіі па пытанні рэгістрацыі кандыдатаў у дэпутаты праваабаронца звярнуўся з вуснай просьбай прадставіць магчымасць агледзець дакументы па ўсіх чатырох кандыдатах у дэпутаты па Салігорскай гарадской выбарчай акрузе № 68.
29.08.2012 Рагачоў: незарэгістраваны прэтэндэнт ад “Гавары праўду” выступіў за байкот выбараў
“Калі вас будуць гнаць на выбарчыя ўчасткі, пішыце на бюлетэне: “Я супраць усіх”. Калі вы мелі намер аддаць свой голас за Дзяніса Дашкевіча, пішыце: “Я за Дашкевіча”, – гаворыцца ў звароце. Сваёй галоўная задачай рагачоўскія актывісты ставяць “пустуючыя выбарчыя ўчасткі ў асноўны дзень галасавання – 23 верасня”.
29.08.2012 Пінск: нават фотаздымкі кандыдатаў не надрукаваны
На новым этапе перадвыбарчай кампаніі, калі можна праводзіць агітацыю, пінскія кандыдаты ў дэпутаты так і не актывізаваліся. Магчыма, яны разлічваюць на тое, што сваім выступам на тэлебачанні прыцягнуць увагу выбаршчыкаў.
29.08.2012 Салігорцы не пабачаць тэлевыступаў апазіцыянераў
Агітацыю за байкот выбараў, пра які казалі ў сваіх выступах апазіцыйныя кандыдаты Салігоршчыны, Назіральная рада перадвыбарчай агітацыяй не лічыць, бо “мэтай прадстаўленых выступаў з'яўляецца агітацыя супраць удзелу ў выбарах”. Зрэшты, апазіцыянеры ўсё адно плануюць прадставіць публіцы свае тэлезвароты. Рабіць яны гэта будуць праз Інтэрнэт.
29.08.2012 Цэнтрвыбаркам зарэгістраваў Людмілу Дзенісенку кандыдатам у дэпутаты
Сваё рашэнне акруговая камісія матывавала тым, што Дзенісенка не ўзгадала ў сваёй дэкларацыі зямельны ўчастак і размешчаны на ім жылы будынак. Аднак прадстаўніца “Справядлівага свету” змагла давесці, што згаданы ўчастак быў прададзены яшчэ ў 2003-м годзе.
29.08.2012 ЦВК не задаволіў ніводнай скаргі віцебскіх патэнцыйных кандыдатаў
Шэсць прэтэндэнтаў на ўдзел у выбарах спрабавалі аспрэчыць рашэнні акруговых выбарчых камісій, якія не зарэгістравалі іх у кандыдаты на ўдзел у парламенцкіх выбарах. І ўсе атрымалі адмовы.
29.08.2012 Назіральнік просіць прыцягнуць да адказнасці рэдактара "Віцебскага Рабочага"
Выбарчым кодэксам Беларусі забаронена перадвыбарная агітацыя да афіцыйнай рэгістрацыі кандыдатам у дэпутаты. Разам з тым, у жніўні 2012 г. газета "Віцебскі рабочы" апублікавала шэраг артыкулаў, якія з'яўляюцца па сутнасці ўтоенай формай перадвыбарчай агітацыі за будучых кандыдатаў у дэпутаты.
29.08.2012 У Оршы радыёвыступы кандыдатаў можна пачуць толькі па правадной сетцы
У Аршанскім рэгіёне калі вы хочаце пачуць радыёзвароты кандыдатаў, круціць ручку налады радыёпрымача бескарысна. Адпаведная праграма Віцебскага абласнога радыё з выступамі кандыдатаў ідзе толькі па правадной радыёсетцы.
29.08.2012 Рэчыца: Выбары не цікавяць мясцовыя СМІ
Ці з’яўляюцца выбары ў Палату прадстаўнікоў важнай падзеяй у жыцці краіны? Ва многім гэта бачна па тым, наколькі падрабязна іх асвятляюць СМІ. Калі меркаваць па публікацыях у мясцовых беларускіх газетах, то выбараў у краіне амаль няма.
29.08.2012 Светлагорск: даход Галіны Філіповіч у 1,5 разы перавышае суму заробкаў астатніх кандыдатаў
Адзначым, што сярэдні заробак у Светлагорскім раёне, па афіцыйных дадзеных, у І-ым паўгоддзі 2011 г. складаў 1 499 599 руб. Гэта значыць, што старшыня Светлагорскага райсавета Г. Філіповіч толькі ў беларускіх рублях зарабляе прыкладна ў 2,8 разы вышэй за сярэдні заробак па раёну.
29.08.2012 “Радыё Магілёў” не будзе размяшчаць на сваім сайце запісы выступаў кандыдатаў у дэпутаты
Пра гэта, у тэлефоннай размове сваім слухачам, паведамілі на магілёўскім радыё. Запісы кандыдатаў можна слухаць толькі ў жывым эфіры. Калі ж магілёўцы прапусцяць выступ, то знайсці іх у даступных архівах на сайце “Радыё Магілёў” будзе немагчыма.