Навіны на тэму: выбары-2012
31.08.2012 Орша: законныя дзеянні АВК дазволіла кандыдату толькі праз скандал
Толькі пасля таго, як абураны кандыдат Петрушэнка заявіў дзяжурнаму сябру акружкама, што перакрые ў знак пратэсту аўтамабільны рух, намеснік старшыні камісіі Іна Хамутоўская дазволіла яму зрабіць фотаздымак яго скаргі.
31.08.2012 Аляксандр Агееў адмовіўся ад дэбатаў з Рыгорам Кастусёвым
Намеснік старшыні КДК краіны Аляксандр Агееў у сваім выступе па абласному радыё 30 жніўня патлумачыў, чаму ён не хоча ўдзельнічаць у дэбатах з дэмакратычнымі кандыдатамі. Па ягоных словах, чыннікам для гэтага паслужыла тое, што “дыскутаваць можна з тымі, хто прыносіць практычнымі дзеяннямі карысць краіне і людзям”.
31.08.2012 У Калінкавічах дэбатаў не будзе: кандыдат Удодаў не захацеў
У сёлетніх выбарах у Палату прадстаўнікоў кандыдаты ў дэпутаты могуць праводзіць тэлевізійныя дэбаты. Аднак Калінкавіцкая акруговая выбарчая камісія паведаміла, што тут дэбатаў не будзе, таму што кандыдаты ў дэпутаты адмовіліся ад гэтага.
30.08.2012 Мінск: Мілінкевічу, Пашкевічу, Фінкевічу ў рэгістрацыі адмоўлена
30 жніўня Цэнтрвыбаркам разглядае скаргі незарэгістраваных вылучэнцаў у кандыдаты ў дэпутаты па Мінску. Прэтэндэнтам, у якіх выявілі больш за 15% несапраўдных подпісаў, у рэгістрацыі паўторна адмоўлена. Тыя, у каго знайшлі памылкі ў дэкларацыях аб даходах і маёмасці, часткова зарэгістраваныя.
30.08.2012 Слонім: апазіцыйнага кандыдата шантажуюць старымі ўлёткамі
Івана Шэгу, кандыдата ў дэпутаты ад партыі БНФ, 30 жніўня выклікалі ў Слонімскі РАУС і абвінавацілі ў тым, што яшчэ да рэгістрацыі ў якасці кандыдата ён расклейваў свае перадвыбарчыя ўлёткі, якія распаўсюджвае і цяпер. Гэтыя ўлёткі былі надрукаваныя яшчэ падчас мясцовых выбараў 2010 году, калі сп. Шэга балатаваўся ў дэпутаты.
30.08.2012 Бабруйск: Галіне Смірновай прынеслі позву ў КДБ
Старшыню мясцовай суполкі прафсаюза Радыёэлектроннай прамысловасці Галіну Смірнову запрасілі на размову ў КДБ ў панядзелак, 3 верасня. З якой нагоды яе выклікаюць, яна пакуль не ведае.
30.08.2012 Баранавічы: міліцыя праводзіць праверку па справе фальсіфікацыяў АВК №5
Назіральнік Сяргей Гоўша атрымаў адказ з ЦВК, дзе паведамляеца, што яго заява ад 22 жніўня разгледжана і зараз ГАУСам Баранавіцкага гарвыканкама праводзіцца праверка па інфармацыі аб нібыта меўшай месца фальсіфікацыі пратакола першага паседжання АВК №5. Назіральнік кажа, што не спадзяецца на аб’ектыўную і справядлівую праверку працы акруговай камісіі.
30.08.2012 Барысаў: Міхаіл Васільеў аспрэчвае рашэнне ЦВК у Вярхоўным судзе
Старшыня Барысаўскай гарадской арганізацыі АГП Міхаіл Васільеў падаў у Вярхоўны суд скаргу адносна ўчорашняга рашэння ЦВК аб забароне на рэгістрацыю яго кандыдатам.
30.08.2012 Рэчыцкі райвыканкам цэлы пасёлак аднёс не да той акругі
Рэчыцкі райвыканкам апублікаваў рашэнне, у якім гарадскі пасёлак Зарэчча аднёс да Хойніцкай выбарчай акругі. Рашэнне падпісалі старшыня райвыканкама Пётр Шостак і кіраўнік справамі райвыканкама Сяргей Сташук. Насамрэч пасёлак Зарэчча ўваходзіць у Рэчыцкую выбарчую акругу.
30.08.2012 Першыя дэбаты будуць запісаны 31 жніўня
Прэс-служба АГП паведамляе, што ўсе 35 зарэгістраваных ад партыі кандыдатаў выказалі жаданне паўдзельнічаць у дэбатах. Аднак з боку праўладных кандыдатаў актыўнасці не назіраецца. Сакратар ЦВК Мікалай Лазавік тлумачыць гэта тым, што прэтэндэнты пакуль не гатовыя да новай формы камунікацыі з выбаршчыкамі.
30.08.2012 Бялыніцкая ДАІ па начах палюе на “забароненую літаратуру”
Учора каля 23.30 у аграгарадку Вялікая Машчаніца супрацоўнікі бялыніцкай ДАІ спынілі аўтамабіль кандыдата ў дэпутаты Палаты прадстаўнікоў па Шклоўскай выбарчай акрузе № 90, намесніка старшыні партыі БНФ Рыгора Кастусёва. Міліцыянераў хвалявала пытанне, ці не перавозіць кандыдат у дэпутаты “забароненую літаратуру”.
30.08.2012 Розніца ў даходах кандыдатаў Пружанскай акругі здзіўляе выбаршчыкаў
Увагу выбаршчыкаў Пружанскай выбарчай акругі № 9 звяртае на сябе розніца ў даходах мясцовых кандыдатаў у дэпутаты - старшыні райвыканкама Аляксандра Юркевіча і часова непрацуючага сябра АГП Аляксандра Кабанава.
30.08.2012 Салігорск: Апазіцыйныя кандыдаты – з найменшым прыбыткам
Газета “Шахцёр” апублікавала дадзеныя акруговых камісій аб прыбытках кандыдатаў па салігорскіх гарадской і сельскай акругах. Выявілася, што праўладныя кандыдаты значна багацейшыя за сваіх апазіцыйных супернікаў.
30.08.2012 Баранавічы: Выступ Анжалікі Камбалавай не паказалі
Тэлерадыёкампанія “Брэст” 29 жніўня не паказала выступ кандыдата ў дэпутаты Анжалікі Камбалавай, якая зарэгістравана па Баранавіцкай- Заходняй выбарчай акрузе № 5 ад Аб’яднанай грамадзянскай партыі.
30.08.2012 Па Лагойскай акрузе дадаліся два кандыдаты
29 жніўня ў Цэнтарвыбаркаме праходзіла разбіральніцтва па пададзеных скаргах ад 3-х незарэгістраваных кандыдатамі прэтэндэнтаў па Лагойскай выбарчай акрузе №75. У выніку было дадаткова зарэгістравана яшчэ 2 кандыдаты, а ўсяго іх цяпер тут – 5.
