Навіны на тэму: выбары-2012
04.09.2012 Слонім: кандыдаты скардзяцца на няроўныя ўмовы для агітацыі
Кандыдаты ў дэпутаты па Слонімскай выбарчай акрузе №58 Іван Шэга і Міхаіл Караткевіч сёння падалі ў акруговую выбарчую камісію дзве скаргі, звязаныя з няроўнымі ўмовамі правядзення агітацыі па выбарах дэпутатаў у Палату прадстаўнікоў на Зэльвеншчыне.
04.09.2012 Зэльва: мэтанакіравана зрываюцца сустрэчы кандыдатаў з выбаршчыкамі
Сёння, 4 верасня, раніцай, перад пачаткам працоўнага дня, механізатары мехдвара СВК “Сынковічы” Зэльвенскага раёна не змаглі сустрэцца з кандыдатамі ў дэпутаты па Слонімскай выбарчай акрузе № 58 Іванам Шэгам і Міхаілам Караткевічам, хаця пра сустрэчу загадзя ведалі кіраўніцтва мехдвара і СВК.
04.09.2012 У Клімавічах парламенцкія выбары нікога не цікавяць?
Інтэрнэт-сайт Клімавіцкага райвыканкама з 29 жніўня праводзіць апытанне “Ці маеце вы намер удзельнічаць у выбарах дэпутатаў Палаты прадстаўнікоў”? Па стану на 11-00 4 жніўня ўдзел у апытанні прынялі толькі дзевяць наведвальнікаў інтэрнэт-сайта Клімавіцкага райвыканкама.
04.09.2012 Крычаў: ніякага перадвыбарчага руху
“Пануе проста мёртвая цішыня, ніякага значнага варушэння не назіраецца, - кажа назіральнік ад БХК пры акруговай камісіі Крычаўскай выбарчай акругі № 83, рэдактар незалежнай газеты “Вольны горад” Сяргей Няроўны. – Нідзе не бачна ўлётак кандыдатаў у дэпутаты Палаты прадстаўнікоў, амаль не чутна пра нейкія сустрэчы з выбаршчыкамі".
04.09.2012 Ярмошына: агітацыйныя сустрэчы ў дварах могуць парушыць спакой грамадзян
Іван Шыла, які з’яўляецца даверанай асобай салігорскага кандыдата ў дэпутаты Віктара Малочкі, атрымаў адказ з ЦВК на сваю скаргу на рашэнне Салігорскага выканкаму “Аб вызначэнні месцаў для правядзення ў паведамляльным парадку масавых мерапрыемстваў, якія арганізуюцца кандыдатамі ў дэпутаты ў Салігорскім раёне”.
04.09.2012 Шклоў: Намеснік старшыні Камітэту дзяржкантролю збірае грошы на агітацыю
Рыгор Кастусёў: "Што датычыцца адкрыцця спецыяльнага рахунку маім апанентам Аляксандрам Агеевым, то не маю сумневу, што грошы на ім з’явяцца ўжо ў хуткім часе. Дапамагаць весці агітацыю высокаму начальніку будуць разнастайныя сельскагаспадарчыя і прамысловыя прадпрыемствы з усёй Шклоўскай выбарчай акругі”
04.09.2012 Свіслач: з’явіліся ўлёткі “Я ни за кого не буду голосовать. Всё равно обманут…”
У раённым цэнтры Свіслач, што ў Гарадзенскай вобласці, невядомыя асобы расклеілі ўлёткі наступнага зместу: “Осень 2012 года – “выборы” в Палату представителей”. Ніжэй размешчаны партрэт Аляксандра Лукашэнкі і дакладная цытата з яго даўняга выступу.
04.09.2012 Сайты гомельскай дзяржаўнай перыёдыкі: выбары як нязначная палітычная кампанія
Некаторыя сайты дзяржаўнай перыёдыкі па-ранейшаму марудна асвятляюць выбарчы працэс. “Калінкавіцкія навіны” у рубрыцы “Выбары-2012” змясцілі толькі 10 публікацый, пры тым 2 з іх не датычацца тэмы выбарчага працэсу. А банер пра выбары размешчаны ў раздзеле “Рэклама”.
04.09.2012 Зэльвенскі раён: старшыня сельсавета забараніў сустрэчу з выбаршчыкамі
Калі кандыдаты ў дэпутаты прыехалі на сустрэчу ў вёску Елка, там каля Дома культуры іх сустрэў Сяргей Духцік і сказаў, што “сустрэчы не будзе, таму што гэта масавае мерапрыемства і на правядзення яго павінен быць дазвол з Цэнтральнай выбарчай камісіі”.
03.09.2012 Маладэчна: “сямейны падрад” на піяр
У апошнім нумары “Маладэчанскай газеты” можна ўбачыць вялізнае фота рэдактаркі мясцовага радыё Галіны Лазоўскай, якой на свяце журналістыкі ўручае кветкі міністр інфармацыі Алег Праляскоўскі. У дадзены момант спадарыня Лазоўская з’яўляецца кандыдаткай у дэпутаты па Маладэчанскай гарадской акрузе №72, а рэдактар “Маладэчанскай газеты” – яе муж.
03.09.2012 У Зэльве зрываюць абвесткі кандыдатаў у дэпутаты
Сёння Іван Шэга і Міхаіл Караткевіч зноў наведалі Зэльву. Але палова абвестак аб тым, што ў бліжэйшы час у раённым Доме культуры адбудзецца іх сустрэча з зэльвенскімі выбаршчыкамі, былі сарваны і знішчаны.
03.09.2012 У Светлагорску ніхто з кандыдатаў не зацікавіўся дэбатамі
Па ўсёй верагоднасці, тэлевізійных дэбатаў паміж светлагорскімі кандыдатамі ў дэпутаты Палаты прадстаўнікоў не будзе. Ніхто з іх не выказаў жадання ўдзельнічаць у гэтым перадвыбарчым мерапрыемстве.
03.09.2012 Кандыдатам зарэгістравалі, але час на агітацыю страчаны
Віктар Цярэшчанка дамогся рэгістрацыі кандыдатам у дэпутаты толькі праз Вярхоўны суд. Але ён вымушаны звярнуцца ў ЦВК з шэрагам праблемных пытанняў, бо ягоныя правы як кандыдата абмежаваныя: ужо прайшло 10 дзён агітацыйнай кампаніі, і сканчваецца этап тэлэ- і радыёвыступаў перад выбаршчыкамі.
03.09.2012 Бяроза: Ад кандыдата патрабуюць змяніць назву праграмнага артыкула
Праз 2 дні пасля здачы выбарчай праграмай пад назвай “Лукашэнка – гэта тупік. Выйсце з тупіка – сумленныя выбары” у Бярозаўскую раённую газету “Маяк” кандыдату ў дэпутаты Аляксандру Кабанаву патэлефанаваў галоўны рэдактар Аляксандр Іваноў і катэгарычна запатрабаваў змяніць назву, інакш у друк артыкул не пойдзе.
03.09.2012 На тэледэбаты пойдуць кандыдаты з васьмі акругаў Віцебскай вобласці
Адпаведна, бліжэй пазнаёміцца са сваімі кандыдатам зможа большая частка жыхароў вобласці: усяго тут 14 акругаў, і прадстаўнікі васьмі з іх рашыліся на публічныя тэледэбаты. У іншых рэгіёнах колькасць удзельнікаў дэбатаў меншая.
