Навіны на тэму: выбары-2012
07.09.2012 Горкі: акруговая камісія вынесла папярэджанне Андрэю Юркову
Кандыдат у дэпутаты па Горацкай акрузе № 82 Андрэй Юркоў замовіў і надрукаваў свае перадвыбарчыя ўлёткі лічбавым спосабам у прыватнага прадпрымальніка, які не мае ліцэнзіі на афсетны друк. На лічбавы друк ніякая ліцэнзія не патрэбная.
07.09.2012 Бабруйск: праграму апазіцыйнага кандыдата адмовіліся друкаваць бясплатна
"Аляксандр Казак, галоўны рэдактар "Бабруйскага Жыцця", пачытаў мае матэрыялы і заявіў, што "гэта не праграма, а агітацыйны матэрыял", таму за тое, каб яго надрукаваць, я мушу заплаціць, - кажа Мацвей Хатары, сябра АГП.
07.09.2012 Маладэчна: разнарадка на колькасць прысутных на сустрэчы з кандыдатам Кулешам
Выбаршыкаў на сустрэчу з кандыдатам па Маладэчанскай сельскай акрузе №73 Станіславам Кулешам збіраюць не толькі праз абвесткі. Напрыклад, у СШ №9 існуе разнарадка... на колькасць бацькоў вучняў гэтай школы: з кожнага класа іх павінна прыйсці не менш за 6 чалавек, за што адказныя класныя кіраўнікі.
07.09.2012 Слонім: апазіцыйныя кандыдаты актыўна вядуць агітацыю
У Слоніме распачалася актыўная агітацыйная кампанія кандыдатаў у дэпутаты Івана Шэгі, сябра ПБНФ, і Міхаіла Караткевіча, сябра “Справядлівага свету”.
07.09.2012 Рагачоўская газета арганізавала траўлю грамадскага актывіста Дзяніса Дашкевіча
Невядомы карэспандэнт піша пра актывіста «змагар», «петушыўся», а пра прадстаўнікоў апазіцыі - «абкурыўшыся і перабраўшыя гарэлкі оппы завылі на сваіх сайтах». Аўтар артыкулу сцвярджае, што «Злодзей павінен сядзець у турме», і дадае «увесь Рагачоў вельмі спадзяецца на такі вынік!».
07.09.2012 Зэльвенскі раён: сустрэча з выбаршчыкамі спынена адміністрацыяй
Кандыдаты ў дэпутаты па Слонімскай выбарчай акрузе №58 Іван Шэга і Міхаіл Караткевіч сёння, 7 верасня, раніцай перад пачаткам працоўнага дня, наведалі СВК “Славуцічы” Зэльвенскага раёна, дзе на мясцовым мехдвары планавалася сустрэча з выбаршчыкамі.
07.09.2012 Баранавічы: теледэбаты не адбыліся
Кандыдат ў дэпутаты Вольга Палітыка адмовілася прыняць удзел у тэледэбатах. Яна паведаміла, што пасля прагляду тэлевыступлення Мікалая Чарнавуса 28 жніўня ў яе няма ніякага жадання спрачацца з гэтым кандыдатам у дэпутаты.
07.09.2012 Калінкавічы: за два месяцы – два матэрыялы пра выбары
Недзяржаўныя інтэрнет-рэсурсы практычна не цікавяцца выбарамі. За больш чым два месяцы парламенцкай кампаніі на незалежных калінкавіцкіх інтэрнэт-старонках змешчаны толькі два матэрыялы на гэту тэму.
07.09.2012 У Калінкавічах агітацыі пакуль не відаць
Палова тэрміну, адведзенага на агітацыю па выбарах у Палату прадстаўнікоў, ужо прайшла. Але ў Калінкавіцкім раёне дагэтуль няма ні агітацыйных плакатаў кандыдатаў у дэпутаты, ні пікетаў.
07.09.2012 Мінск: Палітвязні – адна з тэмаў выступаў кандыдатаў ад БНФ і АГП
Яўген Рыбакоў і Анатоль Лябедзька балатуюцца па Старавіленскай выбарчай акрузе №105. Падчас учарашняга эфіру на “Беларусь-1” яны выступілі з асуджэннем наяўнасці палітвязняў у краіне. Лідар АГП агучыў прозвішчы некаторых зняволеных.
07.09.2012 Мінск: міліцыя канфіскавала ў “Гавары праўду!” тысячы агітулётак і газет
Увечары 6 верасня ў офіс кампаніі “Гавары праўду!” у Мінску прыйшлі супрацоўнікі міліцыі, нібыта атрымалі на актывістаў скаргу ад суседзяў. Убачыўшы друкаваныя матэрыялы, якія знаходзяцца ў офісе, міліцыянты канфіскавалі іх для правядзення экспертызы.
07.09.2012 Слуцк: Кандыдата ў дэпутаты не пусцілі на сустрэчу з Барысам Батурам
У адміністрацыі райвыканкама фільтравалі жадаючых патрапіць на прыём да старшыні аблвыканкама Барыса Батуры. Па словах кандыдата ў дэпутаты па Слуцкай выбарчай акрузе № 67 Аляксандра Шыловіча, яго спроба сустрэцца 5 верасня са старшынёй Мінаблвыканкама скончылася нічым.
07.09.2012 Брэст: улады лічаць немэтазгодным пашыраць колькасць месцаў для агітацыі
Такую выснову можна зрабіць з адказу, які атрымаў кандыдат у дэпутаты па Брэсцкай-Цэнтральнай акрузе №2 Ігар Маслоўскі на сваю скаргу ў аблвыканкам наконт абмежаванняў, уведзенных гарадскімі ўладамі для правядзення масавых мерапрыемстваў падчас агітацыйнай кампаніі.
07.09.2012 Вынікі назірання за абскарджаннем адмоваў у рэгістрацыі кандыдатаў у дэпутаты
У перыяд з 22 па 25 жніўня ў Цэнтральную камісію паступіла 56 скаргаў на рашэнні АВК аб адмове ў рэгістрацыі кандыдатаў і адна скарга на рашэнне АВК аб адмове раней прынятага рашэння аб рэгістрацыі кандыдата. У Вярхоўны суд паступіла 19 скаргаў.
07.09.2012 “Магілёўскія ведамасці” з праграмамі кандыдатаў у шапіках прадаюць па 1-2 асобнікі
Пра гэта паведамляюць кандыдаты ў дэпутаты і іх давераныя асобы. Афіцыйна наклад газеты “Магілёўскія ведамасці” №91 ад 6 верасня 2012 года мае наклад 10 855 асобнікаў. У свабодным жа доступе – адзінкі.